සමස්ථ කිතුණු සමාජයට මෙන්ම පුජකතුමන්ලාටද අවමානයක් එක් කරමින් විභාග වංචාව යෙදුන මිගමුව ශා.මරියා විදුහලේ විදුහල්පති ලෙස කටයුතු කළ ජයන්ත වික්‍රමසිංහ පියතුමා පසුගිය කාලය තුල පුවත් මැවු චරිතයක් බවට පත්ව තිබුණි.
ලංකා ගුරු සංගමය විසින් කර තිබුණ පැමිණිල්ලක් අනුව අදාල විභාග වංචාවට අදාල පරික්ෂණ ඇරඹි අතර පරික්ෂණ නිම වෙන තෙක් ජයන්ත වික්‍රමසිංහ පියතුමාව මිගමුව අධ්‍යාපන කලාපයට අනුයුක්ත කර තිබුණි.
තතු ඒසේව තිබියදි ජයන්ත පියතුමා සිය සමිපතම දේශපාලන හාම්පුතා වන නිමල් ලංසා මාර්ගයෙන් ආණ්ඩුකාරයාට බලපෑම් කරමින් කෙසේ හෝ විදුහල්පති පුටුවට මහරැ පැන්න පුවතක් පසුගිය දින වල මාධ්‍ය වල පළව විය.
ආණ්ඩුකාරතුමන් විසින් කර තිබුන නියෝග මත කලාප අධ්‍යක්ෂක විසින් විදුහල්පති ජයන්ත පියතුමා විදුහල්පති පුටුවේ යළි වාඩිකරවිමට කටයුතු කර තිබුනේ රාත්‍රි 8 ට පමණ බවද ලංකා ගුරු සංමය විසින් මාධ්‍ය හමුවේ කියා තිබුණි.
කෙසේ වෙතත් දේශාපාලන මැදිහත් විම් මත යළි තනතුරු ලැබු ජයන්ත වික්‍රමසිංහ පියතුමන්ට කාර්දිනල් හිමියන් දැනුම් තිබුනා යැයි වාර්තා වි තිබුනේ වහාම විදුහල්පතිධුරයෙන් ඉවත්ව විශ්‍රාම ගන්නා ලෙසය.
වපුරා ගත් අකාරයටම අස්වැන්න කපා ගන්නට සිදුවු ජයන්ත වික්‍රසිංහ පියතුමා සමස්ත කිතුණු සභාවට මඩ තලි පිටින්ම අතුල්ලා දැන් විශ්‍රාම ඉල්ලා අදාල ලියවිලි භාර තිබේ.
දේශපාලන හයිය ඇගට ගනිමින් කමකට පුජකවරයට නොගැලපෙන ආකාරයෙන් දිගටම කටයුතු කරමින් සිටි ජයන්ත වික්‍රමසිංහ පියතුමාට දැන් කතෝලික සභාව විසින් නියම දඩුවම ලබා දි තිබේ.
කිතුණු සභා නායකයන් ජයන්ත වැනි පියතුමෙකු ගැන මිට කලින්ම මෙවැනි තිරණයක් නොගත්තේ මන්ද යන්නත් සැබැවින්ම ගැටළුවකි.
