June, 12, 2020
සමස්ත විශ්වවිද්‍යාල සංඛ්‍යාවෙන් 50% ක් පමණ එනම් සිසුන් 60,000කට ආසන්න සංඛ්‍යාවක් මහපොළ ශිෂ්‍යත්වය ලබා ගනී. එක් ශිෂ්‍යයෙකුට මාසිකව රු. 5,000 ක් බැගින් ලබා දෙන අතර ඒ සඳහා රු. මිලියන 160ක මුදලක් මාසිකව වැය කරනු ලබයි. එම මුදලින් 51%ක් මහපොළ අරමුදලින් ද, ඉතිරි 49% මහා භාණ්ඩාගාරය විසින් ද දරනු ලබයි.
විශ්වවිද්‍යාල වසා තැබුණ ද දුරස්ථ අධ්‍යාපන ක්‍රමවේද මගින් සිසුන්ගේ අධ්‍යාපන කටයුතු සිදුකරන බැවින්, නේවාසිකාගාර ගාස්තු, දුරකතන ගාස්තු වැනි වියදම් දැරිය යුතුව ඇති බව සැලකිල්ලට ගෙන, යෝග්‍ය පරිදි අවශ්‍ය ප්‍රතිපාදන සලසා ගැනීමෙන් අනතුරුව නියමිත පරිදි මහපොළ ශිෂ්‍යත්වලාභීන් වෙත අදාළ ගෙවීම් සිදුකිරීම අමාත්‍ය මණ්ඩලය විසින් අනුමත කර ඇත.
