මිගමුවේ අඛණ්ඩ විරෝධතාවය පටන් ගත්තු විදිය ඒකට දහස් ගණනින් පසුව එක්වු අය නොදන්නාව වන්නට පුලුවන්.ආරම්භක මොහොතම අභියෝගයක් වුනා.
පොලිසිය එක්පැත්තකින් ,අනික් පැත්තෙන් මිගමුව නගර සභාවෙි තුන්වෙනි පංතියේ කොමසාරිස්වරිය සහ එයාව මෙහෙයවන කලු සල්ලි ඔස්තාර්ලා.මේ අභියෝ්ග වලට නොබියව මුහූණ දෙන්න එදා මේ අඛණ්ඩ විරෝධතාවයට නායකත්වය දුන්න අයට පුලුවන් වුනා.
එදා ඉදන් මාස තුනක් පුරාවට මෙය නඩත්තු කරගෙන යාමත්,සටන්කාමි තැනක් ලෙස ගොඩනගන්නත් මේ නායකත්වයට පුලුවන් වුනා.විසි හතර පැයම මෙතන සාමුහිකව රැක්කා.
දින 94 පමණ ගිය විට රට පුරා මතුව ආ තත්වයන්ද සැලකිල්ලට ගනිමින් මිගමු අරගල බිමේ් තිබුන බඩුමුට්ටු ඉවත් කරගත්තා.ඉල්ලා ගෙන තිබුන හට් එකකුත් ගලවල බාර දුන්නා.
ඊට පස්සේ අරගල බිම නිතිපතා රැදෙන තැනක් බවට පත්වුනේ නැ. අඛණ්ඩ විරෝධතාවය දින 100 සැමරුම සිදුවුනෙත් මේ වගේ පසුබිමක.අරගලය කුඩාරම් වලින් එලියට ගිහින් ගම්වල ජනයා හා එක්ව දියත් කළයුතුයි කියන අදහස මතුව තිබුනා.
අරගල බිමට හැමදාම ආපු රුවන් මහත්තයා එයාගේ ගමේ අයත් එක්ක සාකච්ඡාවක් සංවිධානය කළා විතරක් නෙමේ ඒ අයවත් සම්බන්ධ කරගෙන ගමේ විරෝධතාවයකුත් සංවිධානය කලා.
ඒ ඇරෙන්න ගමට අරගලය ගැන සංවාදය අරගෙන අපට යන්න පුලුවන් වුනේ නැ.අරගලවලදි අරගල ක්‍රම තවත් අදියරකට ගෙනියන්න තින්දු ගන්න ඕනා අරගලය ජයග්‍රාහි තැනක තියෙන කොටමයි.එහෙම වුනාම ඒ අරගලයේ දෙවන අදියර පටන් ගන්නෙම ජයග්‍රාහි ආකාරයකට..
කොහොම වුනත් දැන් අරගලය ගමට අරන් යන්න ඕන කියල ගාලු මුවදොරින් විතරක් නෙමෙයි ,රටපුරාම ක්‍රියාකාරින්ගේ යෝජනාව බවට පත්වෙලා.
පොදු ජන අරගල කියන්නෙම විවිධ අයව පොදු සටන් පාඨයකට කරපු ගොනු කරපු එකක් .මේ වගේ ගොනුවලට විවිධ අය එකතු වෙනව.විවිධ විදියට දායක වෙනවා.අරගල මැද, අග තමයි මේ සමහරක් අය කව්ද කියල ඇත්තටම දැනගන්න පුලුවන් වෙන්නේ.අරගල ගැන දේශපාලනය ගැන විතරක් සාමුහිකත්වයට ගරු කිරිම යන කාරණා වලට අදාලව ඒ අයගේ දැනුමේ සහ අත්දැකිම්වල දිග පළල ගැනත් එහෙමමයි.
පොදු කමට පිටින් ගිහින් සාමුහිකත්වයට ගරු නොකරන ඇතැම් ක්‍රියා තමයි කොයි අරගලයටත් කෙලවන්නේ.
එහෙම තමයි අරගල.ඒක තමයි ඇත්ත..කොයිතරම් අමාරු වුනත් සාමුහිකත්වය රකින සංස්කෘතියක් තුල පමණමයි අරගලයක ජිව ගුණය රදවගන්න පුලුවන් වෙන්නෙ.ඊට පිටින් ගිහින් සාමුහිකත්වය බිඳගෙන තම තමන්ගේ කොඩි උස්සන්න ගියාම කොයි අරගලත් අල වෙනව…
හැබැයි අගොස්තු 9 වෙනිදා ගත්තු මේ තීන්දුව ජුලි 13 වෙනිදා ගත්තා නම් හරි තැනදි ගියර් මාරු කරල ,ඇද්දා නම් ඒ ඇදිල්ල පටන් ගන්නෙම ගැම්මෙන්…
අරගල කරන්න ඉගෙන ගන්නඉගෙන ගන්න අරගල කරන්න…කියන ප්‍රකාශය කොයිතරම් අදට ගැලපෙනවද ??
වලන්කාරයන්ගේ අවුරුද්දක වැඩ සමහර පොලු කාරයන්ට එක දවසයිඒකත් කොයිතරම් ගැලපෙනවද කියල පහුගිය දවස් වල හිතුන වාර අනන්තයි.
අරගලය ගමට ගෙනියන එක ඇත්තටම අභියෝගයක්.ඒක ලේසි නෑ.ඒ අභියෝගයට මුණ දිල අත්දැකිම් තියෙන අය මේ අදියරේදිත් ඒකට පෙරමුණ ගනියි
