2011 ලෝක කුසලාන අවසන් මහ ක්‍රිකට් තරගය පාවා දීම සම්බන්ධයෙන් හිටපු ක්‍රීඩා අමාත්‍ය මහින්දානන්ද අලුත්ගමගේ සිදුකළ ප්‍රකාශය සම්බන්ධයෙන් ඉන්දීය ක්‍රිකට් පාලකා මණ්ඩලයට පරීක්ෂණයක් ආරම්භ කරන ලෙස තමන් දැනුම් දෙන බව හිටපු තේරීම් කමිටුවේ සභාපතිවරයෙක් වන අරවින්ද ද සිල්වා ප්‍රකාශ කර සිටිනවා.
පුද්ගලික රූපවාහිනී මාධ්‍ය ආයතනයක් සමග මාධ්‍ය සාකච්ජාවකට එක්වෙමින් 2011 ලෝක කුසලාන තරගාවලිය සමයේ තේරීම් කමිටු සභාපතිවරයා ලෙස අරවින්ද කටයුතු කරනු ලැබුවා.
” හිටපු ක්‍රීඩා ඇමතිවරයාට මේ ගැන කියන්න අවුරුදු 09ක් ගියා කියන එකයි පුදුම. ඔය ගැන තියෙන සාක්ෂි ගෙනහින් ජාත්‍යයන්තර ක්‍රිකට් කවුන්සිලයට දෙන්න ඕන. කොහොමත් මම හිතා ගත්තා අදින් පස්සේ මම කටවහගෙන ඉන්නේ නැහැ කියලා.
අවසන් මහ තරගය පැවතුනේ ඉන්දියාවේ. මේ චෝදනාව ගැන පරීක්ෂණයක් කරන්න කියලා ඉන්දයාවේ රජයෙන් වගේම කියලා මම ඒ අයගෙන් ඉල්ලීමක් කියලා” අරවින්ද සිල්වා කියා සිටියා.
මේ අතර සුපිරි වේග පන්දු යවන්නා වන ලසිත් මාලිංගද සිය Face book පිටුව ඔස්සේ මේ ගැන සැර ප්‍රතිචාරයක් දක්වා තිබුණි.
එමෙන්ම ජේෂ්ඨ සුපිර ක්‍රිකට් ක්‍රිඩකයන් වන මහේල මෙන්ම සංගක්කාරද අදාල ප්‍රකාශය ගැන තියුණු විවේචනයක් ඉදිරිපත් කරන්නට යෙදුණි.
මුලාශ්‍රය – newswire.lk
