කොල්ලුපිටිය වටලන්න ආපු තවත් එක් සාමාන්‍යය unp පාක්ෂිකයෙක් වගේ නේ පේන්නේ. බැලූ බැල්මට කිසිම විශේෂයක් පේන්නෑනේ.
මේ ඉන්නේ ශාන් වික්‍රමසිංහ.
හිටපු අග්‍රාමාත්‍ය රනිල් වික්‍රමසිංහගේ සහෝදරයා.
බැලූ බැල්මට නිකමට වත් හිතෙනවද රාජ්‍ය නායකයෙක්ගේ සහෝදරයෙක් කියලා. අපිට සාමාන්‍යයෙන් දැකලා පුරුදු සහෝදරයටත් වඩා සහෝදරයගේ පවර්ස් පාවිච්චි කරන සහෝදර සහෝදරියනෝ.
ඒ අය අතර මේ ඉන්නේ අපේ රටේ මැණිකක්. පෙනුම විතරක් නෙවේ මෙතුමගේ හැසිරීම, ක්‍රියාව, වචනය ඔක්කොම හරිම සාමාන්‍යයි, පුදුම නිහතමානී මනුස්සයෙක්. අනික ඕගොල්ලෝ හිතනවා නං මෙතුමගේ වටිනාකම රනිල් වික්‍රමසිංහගේ සහෝදරයා වීමය කියලා, ඕගොල්ලෝ සෑහෙන්න වැරදි.
ඇත්තම කතාව රනිල් වික්‍රමසිංහට වටිනාකමක් මෙතුමගේ සහෝදරයා වීම.
මෙතුමා තමා TNL නාලිකාවේ ආරම්භකරුවා, හිමිකරුවා.
ඒ වගේමයි අපි මේ උඩ දාගෙන බලන රූපවාහිනිය අපිට ලැබුණේ මෙතුමා නිසා.
ඒ කියන්නේ, තමන්ගේ මහන්සියෙන් යන්ත්‍ර ඔක්කොම ගෙනල්ලා, සකසළා, මෙතුමා ලංකාවේ පළවෙනි රූපවාහිනි නාළිකාව වන ස්වාධීන රූපවාහිනිය එහෙම නැත්තං ITN ආරම්භ කරනවා.
හැබැයි ඒ කාලේ පාලකයෝ එකතු වෙලා ඒ නාලිකාව, යන්ත්‍ර ඔක්කොම මෙතුමගෙන් උදුරගන්නවා.
රාජසන්තක කරනවා. ඒත් ඒකෙන් නොසැලෙන මෙතුමා ආයිත් අලුතින් පටන් ගන්නවා.
මෙතුමගේ හිතේ ඒ ගැන කිසිම කහටක් නෑ.
TNL එකේ තාක්ෂණික උපකරණ ඔක්කොම තවමත් නඩත්තු වෙන්නේ මෙතුමගේ අතින්.
ඔය ලොකු ලොකු නාලිකාවල ලොකු ලොකු ලොක්කෝ වගේම තාක්ෂණික නිළදාරිනුත් මොකක් හරි තාක්ෂණික දෝශයක් ආවම කතා කරන්නේ මෙතුමට.
ඔය ලංකාවේ ඉන්න විකිණෙන, දෙපිටකාට්ටු, මහන්තත්ත දේශපාලුවෝ ඔක්කොම එකතු කරත් ලබාගන්න බැරි ගරුත්වයක් මෙතුම ගැන මගේ හිතේ තියෙනවා.
(ලහිරුගේ ෆේස්බුක් පිටුවෙනි )
