———————————————
දකුණු පළාතෙන් අලුතෙන් හමුවු කොරෝනා ආසාදිතයින් 43 සමග මේවන විට දකුණු පළාතේ මුලු ආසාදිතයින්ගේ සංඛ්‍යාව 835 දක්වා ඉහළ ගොස් ඇතැයි දකුණු පළාත් කොරෝනා මෙහෙයුම් මැදිරියේ සම්බන්ධීකරණ නිලධාරී චාමර මහගමගේ මහතා පැවසන බව ලංකාදිප වෙබ් අඩවිය වාර්තා කොට තිබේ
මෙසේ අලුතෙන් හමුවු ආසාදිතයින් 43 න් 20 දෙනෙක් ගාල්ල දිසාවෙනි. එම සංඛ්‍යාවෙන් 12 දෙනෙක් ගාල්ල නාගරික සෞඛ්‍ය වෛද්‍ය නිලධාරි කොට්ඨාසයෙන්වන අතර බෝපෙ පෝද්දල සෞඛ්‍ය වෛද්‍ය නිලධාරි කොට්ඨාශයෙන් 4 දෙනෙකුහමුවී ඇත. ඉදුරුව කොට්ඨාසයෙන් 2 දෙනෙක්ද බලපිටිය සහ රත්ගම කොට්ඨාසවලින් එක් අයෙකු බැගින්ද ඉතිරි දෙදෙනා වාර්තාවී තිබෙන බැව් වැඩිදුරටත් එහි සදහන්ය
ඒ අනුව ගාල්ල දිසාවෙන් මේවන විට වාර්තාවී ඇති මුලු ආසාදිතයින් සංඛ්‍යාව 467 දෙනෙකි.මාතර දිසාවෙන් හමුවි ඇති ආසාදිතයින්ගේ සංඛ්‍යාවද 20 දෙනෙකි. ඔවුහු සියලුදෙනාම දික්වැල්ල සෞඛ්‍ය වෛද්‍ය නිලධාරි කොට්ඨාශයේ පදිංචිකරුවෝ වෙති.
එම සංඛ්‍යා ලේඛන අනුව මේවන විට මාතර දිසාවේ සමස්ත ආසාදිතයින්ගේ ගණන 297 කි.හම්බන්තොට දිසාවෙන්ද ආසාදිතයින් 3ක් අලුතෙන් හමුවි ඇත.අම්බලන්තොට තංගල්ල සහ අගුණකොලපෑලැස්ස යන සෞඛ්‍ය වෛද්‍ය නිලධාරි කොට්ඨාශවලින් එක් ආසාදිතයා බැගින් එම තිදෙනා වාර්තාවී ඇතැයිද චාමර මහගමගේ මහතා සදහන් කළේය.ඒ අනුව හම්බන්තොට දිසාවේ මුලු ආසාදිත සංඛ්‍යාව 71 කි.දකුණු පළාතේ සෞඛ්‍ය වෛද්‍ය නිලධාරි කොට්ඨාශවලින් හමුවි ඇති ආසාදිතයින්ට අමතරව කරාපිටිය ශික්ෂණ රෝහලෙන්ද එක් ආසාදිතයෙකු හමුවි තිබේ.
මේ වන විට ගාල්ල දිසාවේ පවුල් 876 ක පුද්ගලයින් 1613 ක්ද මාතර දිසාවේ පවුල් 412 ක පුද්ගලයින් 1493 ක්ද හම්බන්තොට දිසාවේ පවුල් 2320 ක පුද්ගලයින් 4700 ක්ද නිරෝධායනයට යොමු කොට ඇති බවද වාර්තාවේ.
එමෙන්ම මේවන විට දකුණු පළාතේ පුද්ගලයින් 419 ක් සුවය ලබා ඇති බවද කොරෝනා මෙහෙයුම් මැදිරියේ සම්බන්ධිකරණ නිලධාරිවරයා පැවසිය. ඒ අනුව ගාල්ල දිසාවෙන් ආසාදිතයින් 264 ක්ද මාතර දිසාවෙන් 122 දෙනෙක්ද සහ හම්බන්තොට දිසාවෙන් ආසාදිතයින් 33 දෙනෙක්ද සුවය ලබා ඇති බව වාර්තාවේ.
මේ අතර දික්වැල්ල සෞඛ්‍ය වෛද්‍ය නිලධාරි කාර්යාල බල ප්‍රදේශයෙන් තවත් කොවිඩ් -19 වෛරසය ආසාදනය වු පුද්ගලයින් 20 දෙනෙකු ඊයේ(26) දින වාර්තා වන බවත් ඔවුන් මේ වන විට ලොක්ඩවුන් කර ඇති ග්‍රාම නිලධාරි වසම් දෙක වන යෝනකපුර නැගෙනහිර සහා බටහිර යන ප්‍රදේශ වලින්ද, පාතේගම ප්‍රදේශයෙන්ද හදුනාගෙන ඇති බවත් සෞඛ්‍ය අංශ කියා සිටි බව News 9 ෆේස් බුක් පිටුවේ සදහන් කර තිබේ.
.මෙම සියලු දේනා පෙර ආසාදිතයින්ගේ ආශ්‍රිතයින් වන අතර අවුරුදු 49 ,09 ,51 ,34 ,74,72,75,30,59,27,69,28,39,15,11,41,32,17,30,54 යන වයස් වල පසුවන පුද්ගලයින් වේ.මෙම පිරිසට මේ මස 23 වන දින පිසිආර් පරික්සන සිදු කොට තිබු අතර එහි වාර්ථා ඊයේ දින ලැබිමෙන් අනතුරුව මෙම පිරිසට කොවිඩ් ආසාදිත බව හදුනාගෙන තිබෙන බැව් වැඩිදුරටත් එහි සදහන්ය.
.ඊයේ දින ලද වාර්ථා වලින් වාර්ථා 5ක් යලි සිදු කිරිමට නියමිත බව සෞඛ්‍ය අංශ වැඩිදුරටත් කියා සිටි.මේ අතර දික්වැල්ල පාසලක සේවය කරනු ලබන ගුරුවන්ට කල පිසිආර් පරික්ෂණයේ වාර්ථාද ඊයේ ලද මෙම වාර්ථ වලට ඇතුලත් වන අතර ඒම පිරිස අතරින් එක් ගුරවරියකට පමණක් කොවිඩ් ආසාදනය වි ඇති බව හදුනාගෙන ඇත. ඒම ගුරවරියද මෙම 20 තුලට ඇතුලත් වේ.පසුගිය 18 වන දින කොවිඩ් ආසාදිත බව හදුනාගත් දික්වැල්ල පාතේගම ප්‍රදේශයේ පදිංචි කොළඹ වරාය සේවකයාගේ 09 හැවිරිදි පුතුටද කොවිඩ්-19 වෛරසය ආසාදනය වි ඇති බව ඊයේ ලද වාර්ථා වලින් අනාවරණය වි ඇති අතර මෙම පිරිස අද දිනයේ ප්‍රතිකාර සදහා රෝහල් වෙත යොමු කිරිම සිදු කිරිමට නියමිතය.
( News 9 ෆේස් බුක් පිටුව/ ලංකාදිප )
