පෞද්ගලික සංචාරයක් සඳහා සිංගප්පූරුව බලා ගොස් සිටි ජනාධිපති ගෝඨාභය රාජපක්ෂ මහතා නැවත දිවයිනට පැමිණ තිබේ
ජනාධිපතිතුමා ඇතුළු පිරිස 14 වනදා මධ්‍යම රාත්‍රී 11.45 ට සිංගප්පූරුවේ සිට පැමිණි සිංගප්පූරු ගුවන් සේවයේ එස්.කිව්.- 468 දරන ගුවන් යානයෙන් කටුනායක ගුවන් තොටුපළ වෙත පැමිණ තිබුණි.
ජනාධිපතිතුමා ඇතුළු 05 දෙනෙකුගෙන් යුත් පිරිසක් මෙම සංචාරය සඳහා එක්ව සිටිය අතර එම පිරිස පෙරේදා (13) අලුයම කටුනායක ගුවන් තොටුපොළෙන් සිංගප්පුරුව බලා පිටත්ව ගොස් ඇත.
මේ අතර මුදල් අමාත්‍ය බැසිල් රාජපක්ෂ විදේශගත වී ඇති අතර ඔහු 15 වනදා අලුයම 02 යි 55 ට කටුනායක ගුවන් තොටුපළින් පිටත්වූ එමිරේට්ස් ගුවන් සේවයට අයත් ගුවන් යානයකින් අමාත්‍යවරයා ඩුබායි බලා පිටත්ව ගිය බවයි ගුවන් තොටුපොළ ආරංචි මාර්ග සඳහන් කරයි.
මුදල් අමාත්‍ය බැසිල් රාජපක්ෂ සමග ඔහුගේ බිරිඳ ද ඩුබායි වෙත ගොස් ඇතැයි නිව්ස්වයර් වෙබ් අඩවිය වාර්තා කර තිබේ.මුදල් ඇමතිගේ විදේශගතවිම ගැන දැනටමත් සමාජ මාධ්‍ය වල දැඩි විවේචන පළවෙමින් තිබේ.
