කොවිඩ් නයින්ටීන් ආසාදිත පුද්ගලයෙකුට අමෙරිකානු ඩොලර් මිලියනයකට අධික රෝහල් ගාස්තුවක් ලැබීමේ පුවතක් අමෙරිකාවෙන් වාර්තා වේ.
70 හැවිරිදි මයිකල් ෆ්ලෝ නමැති අදාළ පුද්ගලයා වෛරසය ආසාදනය වීමෙන් පසුගිය මාර්තු මස 04 වැනිදා එරට රෝහලක් වෙත ඇතුළත් කර තිබුණි.
දින 62ක කාලයක් රෝහල්ගතව ප්‍රතිකාර ලැබූ ඔහු වෛරසය ආසාදනය වීමෙන් එරට තුළ වැඩිම කාලයක් රෝහල්ගතව සිටි පුද්ගලයා ලෙස ද සැලකෙයි.
ප්‍රතිකාර ලබා රෝහලෙන් පිටව යන අවස්ථාවේ රෝහල් බලධාරීන් විසින් රෝහල් ගාස්තුව දැක්වෙන පිටු 181කින් සමන්විත අමෙරිකානු ඩොලර් මිලියන එකයි දශම එකකට අධික බිල්පතක් ඔහුට ලබා දී ඇති බව සදහන්.
කෙසේවෙතත් රජයවිසින් වැඩිහිටි පුද්ගලයින් වෙත ලබාදෙන රක්ෂණාවරණයෙන් එම රෝහල් ගාස්තුව ගෙවීමට පියවර ගෙන ඇති බව විදෙස් මාධ්‍ය වාර්තා කළේය.
