( 10.45 am ) පෞද්ගලික අංශයට අවසර ලබාදීමට පෙර මෙම අවස්ථාවේදී ප්‍රතිදේහජනක පරීක්ෂණ (අන්ටිජන් පරීක්ෂණ) සිදුකිරීම රජයේ අංශවල පමණක් සිදුකිරීමට ඊයේ රැස්වූ කොවිඩ් -19 පැතිරීම වැළැක්වීමේ ජාතික කාර්ය සාධක බලකාය තීරණය කර තිබේ
සෞඛ්‍ය අමාත්‍ය පවිත්‍රා වන්නිආරච්චි, යුද හමුදාපති ලුතිනන් ජනරාල් ශවේන්ද්‍ර සිල්වා, සෞඛ්‍ය සේවා අධ්‍යක්ෂක ජනරාල් විශේෂඥ වෛද්‍ය අසේල ගුණවර්ධන ගේ ප්‍රධානත්වයෙන් ඊයේ පැවති රැස්වීම සඳහා කොවිඩ් කාර්ය සාධක බලකායට සම්බන්ධ සියලුම අංශවල සාමාජිකයින් එක්ව සිටි බව නිව්ස්වයර් වෙබ් අඩවිය වාර්තා කොට තිබුණි
මේ වන විට රටේ කොවිඩ් වසංගත මට්ටම 03 වන අදියරේ පවතින බවයි රැස්වීමේදී ප්‍රකාශ වි තිබේ
වර්තමානයේ ඇතිව තිබෙන තත්ත්වය සම්බන්ධයෙන් කාර්ය සාධක බලකායේ වැඩි අවධානයක් යොමු වූ අතර නව ආසාදිතයින් වාර්තා වන බණ්ඩාරගම, නුවරඑළිය-මස්කෙළිය, මහනුවර – මහයියාව ඇතුළු ප්‍රදේශ සම්බන්ධයෙන් ද සාකච්ජාවට බඳුන්ව තිබෙන අතර ඒ අනුව මෙම ප්‍රදේශ ඉලක්ක කර ගනිමින් ප්‍රතිදේහජනක පරීක්ෂණ (අන්ටිජන් පරීක්ෂණ) සහ PCR පරීක්ෂණ වැඩියෙන් සිදුකිරීමට උපදෙස් ලබාදී ඇත
මේ අතර රටේ තත්වය තවත් අවදානමට ලක්වෙමින් වතුකරය අශ්‍රිත නගර වලින් අසාදිතයන් හමුවිම වාර්තා වෙමින් තිබේ.
පසුගිය මාර්තු මාසයේදි පැවැති රැස්විමකදි හිටපු අගමැති රනිල් වික්‍රමසිංහ කියා තිබුනේ දෙවන රැල්ල මතුවිය හැකිව ඇත්තේ ධිවරයන් හා වතුරකරය ආශ්‍රිතව බවය.
මේ නිසාම වැඩි වැඩියෙන් PCR පරික්ෂණ සිදුකිරිමේ වැදගත්කම ඔහු එහිදි පෙන්වා දි තිබුණි
