Share 
Tweet 
Email
කොරෝනා වසංගතයේ ව්‍යාප්තිය පාලනය කිරීම සදහා සාමූහික හා තිරසාර උත්සාහයන් තුළින්
ප්‍රතිචාර දැක්විය යුතු බව පෙන්වා දෙන සිවිල් සංවිධාන කිහිපයක් වසංගතය හමුවේ අවදානමට ලක්විය හැකි ප්‍රජාවන්ගේ මානුෂීය අභිමානය, සමාන සැළකීම සහ විවිධ අවශ්‍යතා කෙරෙහි අවධානය යොමු කළ යුතු බව රජයට අවධාරණය කර තිබේ.
ඒ සඳහා ව්‍යාප්තිය වැළැක්වීමේ සිට ප්‍රතිකාරය දක්වා වූ පරාසයක සංගත වූ හා අඛණ්ඩ වූ උත්සාහයන් තිබිය යුතු අතර වසංගතයේ ප්‍රතිඵලයක් ලෙස අවදානමට ලක්විය හැකි ප්‍රජාවන් මේ අවස්ථාවේ අත්විඳින ආර්ථික අභියෝගයන් සඳහා ද එමගින් විසඳුම් ලබාදිය යුතු බවයි එම සංවිධාන පවසන්නේ.
බ්‍රැන්ඩික්ස් ආයතනය ‘වංකයි’:
“COVID-19 සඳහා ව්‍යප්තිය රජය විසින් කළමනාකරණය කිරීම පිළිබඳ ප්‍රසිද්ධ ප්‍රකාශය” මැයෙන් සිවිල් , බහු ජන සංවිධාන 35 ක් හා සමාජ ක්‍රියාකාරීන් 105 දෙනෙකු විසින් ඒකාබද්ධව නිකුත් කර තිබෙන එම ප්‍රකාශය මගින් අවධාරණය කර ඇත්තේ, මෑතක දී මිනුවන්ගොඩ බ්‍රැන්ඩික්ස් කම්හල වටා කේන්ද්‍රගත වූ වෛරසයේ හදිසි පැතිරීම පිළිබඳව රජය විසින් දැක්වූ සමස්ත ප්‍රතිචාරය පිළිබඳව එම සංවිධාන දැඩි ලෙස කලකිරීමට පත්ව සිටින බවයි.
“වඩාත්ම අවදානමට ලක්විය හැකි අයට, මේ රටට අවශ්‍ය විදේශ විනිමය උපයා ගැනීමට වෙහෙසෙන කම්හල්වල කම්කරුවන්ට, මූලික ගෞවරණීයත්වයෙන් තොරව ඉතා පහත් ලෙස සලකනු ලැබ තිබේ.”
“වඩාත්ම අවදානමට ලක්විය හැකි අයට, මේ රටට අවශ්‍ය විදේශ විනිමය උපයා ගැනීමට වෙහෙසෙන කම්හල්වල කම්කරුවන්ට, මූලික ගෞවරණීයත්වයෙන් තොරව ඉතා පහත් ලෙස සලකනු ලැබ තිබේ.”
ඔක්තෝබර් 11 රාත්‍රී සහ 12 හිමිදිරි උදෑසන නිරෝධායනය සඳහා කම්කරුවන් වටලාගෙන, කිසිදු පැහැදිලි කිරීමකින් තොරව නිරෝධායන මධ්‍යස්ථාන වෙත ගෙන යනු ලැබූ අතර ඔවුන්ගේ වෛද්‍ය තත්වයන් පිළිබඳව ද ප්‍රසිද්ධියේ කතා තිබෙන බවට චෝදනා නගන එම ඒකාබද්ධ ප්‍රකාශය වැඩි දුරටත් අවධාරණය කර ඇත්තේ, වසංගතය පිළිබඳව වාර්තා කරන මාධ්‍ය මෙන්ම රජයේ ප්‍රකාශකයන් ද කම්හල්වල කම්කරුවන් තර්ජනයක් ලෙස සළකා ඔවුන්ගේ පෞද්ගලිකත්වය පිළිබඳව කිසිඳු සැළකිල්ලක් නොදක්වමින් නිතිපතා අපකීර්තියට පත් කරමින් සිටි බවයි.
මිනුවන්ගොඩ කම්හලේ නිවැරදිවම සිදුවූයේ කුමක්ද යන්න හෝ වරප්‍රසාද ලත් සුළු පිරිසකට පමණක් නොව එහි සියලුම සේවකයන්ගේ සෞඛ්‍යය හා ආරක්ෂාව සහතික කිරීම සඳහා රජය විසින් නිර්දේශිත සෞඛ්‍ය රෙගුලාසි ආදී වශයෙන් ගනු ලැබූ ක්‍රියාමාර්ග මොනවාද යන්න පිළිබඳ විස්තර බ්‍රැන්ඩික්ස් ආයතනය මගින් වංක ලෙස සඟවා ඇති බවටත් එම ප්‍රසිද්ධ ප්‍රකාශය මගින් චෝදනා කර තිබේ.
බ්‍රැන්ඩික්ස්ට ආණ්ඩුවේ සහාය:
රජයේ ඉහළම මට්ටම්වල සහාය නොමැතිව බ්‍රැන්ඩික්ස් ආයතනයට මේ මට්ටමේ මගහැරීම් වලින් ගැලවී සිටීමට නොහැකි බවයි ඔවුන් වැඩි දුරටත් පෙන්වා දෙන්නේ.
COVID -19 වසංගතය කළමනාකරණය කිරීම සම්බන්ධයෙන් රජය විසින් අනුගමනය කරනු ලබන වෙනස් කොට සැලකීමේ ප්‍රතිපත්තිය හේතුවෙන් අවසානයේ දී රටේ සියලුම ජනතාව අවදානමට ලක්වී ඇති බව රජය විසින් හඳුනාගත යුතු බව පෙන්වා දෙන සමාජ ක්‍රියාකාරීන් ප්‍රමුඛ සිවිල් සංවිධාන අවධාරණය කරන්නේ, වසංගතය පාලනය කරන ආකාරය සම්බන්ධයෙන් රජය වඩාත් විනිවිදභාවයකින් හා වගකීමකින් යුතුව කටයුතු කිරීමට අත්‍යවශ්‍යවන බවයි.
හමුදා උපාය මාර්ගයන් භාවිතා කොට ජය ගැනීමට වෛරසය යනු සතුරෙකු නොවන බව රජයට අවධාරණය කරන ප්‍රසිද්ධ ප්‍රකාශය පෙන්වා දෙන්නේ එය මෑත කාලයේ ලෝකය විසින් අත්විඳ නැති, සුවිසල් මානුෂීය අර්බුදයක් බවයි.
”හමුදා උපාය මාර්ගයන් භාවිතා කොට ජය ගැනීමට වෛරසය යනු සතුරෙකු නොවන බව රජයට අවධාරණය කරන ප්‍රසිද්ධ ප්‍රකාශය පෙන්වා දෙන්නේ එය මෑත කාලයේ ලෝකය විසින් අත්විඳ නැති, සුවිසල් මානුෂීය අර්බුදයක් බවයි.”
“මෙම අර්බුදයේ විවිධ මානයන් සඳහා ප්‍රතිචාර දැක්වීමට බොහෝ අංශ එකට එකතුකරන මානුෂීය ප්‍රතිචාරයක් මෙම අවස්ථාවේදී මේ සඳහා වහාම අවශ්‍ය වේ.”
නිර්දේශ 10 ක්
COVID-19 ට ප්‍රතිචාර දැක්වීම දේශපාලන අවශ්‍යතාවයකට වඩා වෛද්‍ය හා සෞඛ්‍ය වෘත්තිකයන් මගින් සහ පවතින විද්‍යාව අනුව දැනුවත් වූ කළමණාකරණය කරන ලද ප්‍රතිචාරයක් විය යුතු බව අවධාරණය කරන සමාජ ක්‍රියාධරයන් ප්‍රමුඛ සිවිල් සංවිධාන ඒ සදහා නිර්දේශ 10 ක් ඉදිරිපත් කර තිබේ.
(1) COVID -19 සඳහා ප්‍රතිචාර දැක්වීම දිගු කාලීන ගැටළුවකි. ශ්‍රී ලංකාවට එම ප්‍රතිචාරයන් ලිහිල් කිරීමට නොහැකි බව හඳුනා ගතයුතුය. ඒ සඳහා වෘත්තිකයන්ගේ හා විශේෂඥයන්ගේ නිරන්තර සුපරීක්ෂාව හා සැලකිලිමත් සැලසුම් කිරීම අවශ්‍ය වේ.
(2). ප්‍රජා ව්‍යාප්තියක් පවතීද යන්න නිශ්චය කර ගැනීම සඳහා පවත්නා සහ හඳුනාගත් පොකුරු වලින් පිටත PCR පරීක්ෂණ වැඩි කිරීම සහ පරීක්ෂණ ප්‍රතිඵල නිකුත් කිරීම වේගවත් කිරීම.
(3.) පැතිරීම වැළැක්වීම සඳහා අනිවාර්යයෙන්ම මිනිස් නිදහසට යම් යම් සීමාවන් පැනවීමට සිදුවේ – විශේෂයෙන්ම සංචලතාවය සහ ඇසුර සීමා කළ යුතුය. කෙසේ වෙතත්, සීමාවන් ක්‍රියාත්මක කිරීම නිශ්චිත ප්‍රජාවන් සහ පුද්ගලයන්, විශේෂයෙන් ආන්තික, අඩු වරප්‍රසාදිත හා අවදානමට ලක්විය හැකි ප්‍රජාවන් වෙනස් කොට සැළකීමකට හේතු නොවිය යුතුය.
(4) නිරෝධායන ස්ථාන වශයෙන් දැනට සපයා ඇති ස්ථාන අධිකලෙස සෙනගින් පිරුණු, සේවා සැපයීම් දුර්වල ස්ථාන වන අතර ඒවා වෛරස ව්‍යාප්තියෙන් ගැලවීමට හිතකර නොවේ. එම ඇතැම් ස්ථානවලින් වෛරසය පැතිරීම තවදුරටත් වැඩි කිරීමට ද ඉඩ තිබේ. ආසාදිතයන් ලෙස හඳුණාගත් අය සහ ඔවුන් හා සම්බන්දධිත අය ප්‍රාදේශීය සෞඛ්‍ය සේවකයන්ගේ දැඩි අධීක්ෂණය යටතේ ස්වයං නිරෝධායනයට ලක්වීම වඩාත් සුදුසුය.
(5) ප්‍රතිකාර අවශ්‍ය අය පමණක් රෝහල් ගත කළ යුතු අතර එමඟින් සෞඛ්‍ය සේවාවලට ඇති අධික පීඩනය අවම වනු ඇත.
(6) සෞඛ්‍ය සේවා අංශය, ප්‍රවාහනය, ආහාර හා ඖෂධ බෙදා හැරීම සහ නීතිය ක්‍රියාත්මක කිරීම වැනි අත්‍යවශ්‍ය සේවාවන් හි නියුතු අයට තම රාජකාරි ඵලදායී ලෙස ඉටු කිරීම සඳහා පූර්ණ සහාය ලබා දිය යුතුය. PCR උපකරණ සැපයීම, විශේෂ ප්‍රවාහන කටයුතු සහ අවශ්‍ය නම් නවාතැන් හා ආහාර සහ විශේෂ දීමනා ද මෙයට ඇතුළත් වේ.
(7) මෙම හදිසි වෛරස ව්‍යාප්තිය පෙන්නුම් කෙරෙන, කර්මාන්තශාලා සේවකයන්ගේ, විශේෂයෙන් නිදහස් වෙළඳ කලාපවල තිබෙන අතිශය අවදානම් සහඟතභාවය හඳුනාගැනීම සහ සුදුසු නවාතැන් පහසුකම් සලසා දීම. නිදහස් වෙළඳ කලාපවල කම්කරුවන්ට ඇති ගැටළු:
a. නිෂ්පාදන ඉලක්ක සපුරා ගැනීම සෞඛ්‍ය ගැටළු වලට වඩා ඉදිරියෙන් තබන දැඩි සේවා කොන්දේසි;
b. වෛරසය පැතිරීමේ අවදානම ඉහළ මට්ටමක පවතින තදබදය සහිත ජීවත්වන තත්වයන්;
c. ප්‍රජා සේවාවලින් බැහැර කිරීම, එහි ප්‍රතිඵලයක් වශයෙන් FTZ සේවකයින් ආධාරක සේවාවන්ගෙන් කොන් කරනු ලැබීම හා ඔවුන් රෝගාතුර වූ විට ප්‍රජාවන් විසින් අපකීර්තියට ලක් කිරීම;
d. කම්කරුවන් ජීවත්වන කොන්දේසි පිළිබඳ සේවා යෝජකයන් ඇතුළු බලධාරීන්ගේ අවබෝධය නොමැතිකම. නිදසුනක් වශයෙන්, බොහෝ කම්කරුවන් ජීවත්වන්නේ දෛනිකව අවශ්‍ය දේවල් සපයා ගැනීම මත ය – ඔවුන්ට දින ගණනක් අත්‍යවශ්‍ය දෑ ගබඩා කිරීමට නොහැකි ය. මෙහි ප්‍රතිවිපාක දෙකක් තිබේ: අත්‍යවශ්‍ය දේ සෙවීම සඳහා ප්‍රජාව තුළ නිරන්තරයෙන් ගමන් කිරීම මෙන්ම චලනය සීමා කරන විට දැඩි දුෂ්කරතාවයන් ඇතිවීම.
(8) එබැවින්, නිදහස් වෙළඳ කලාප වැනි කේෂේත්‍රවල සේවකයන් ආරක්ෂා කිරීම සඳහා නිශ්චිත මැදිහත්වීම් අප විසින් යෝජනා කරන්නෙමු. ඒ සඳහා ඇතුළත් වන්නේ:
a.කර්මාන්තශාලා අඛණ්ඩව ක්‍රියාත්මක වන්නේ නම් සේවා යෝජකයන් සහ සේවකයන් සඳහා දැඩි ලෙස ක්‍රියාත්මක කළයුතු සෞඛ්‍ය මාර්ගෝපදේශ ලබාදීම. කම්කරුවන් දිගටම වැඩ කිරීමට අපේක්ෂා කරන්නේ නම්, ඔවුන්ගේ පදිංචිය සම්බන්ධ කටයුතු පිළිබඳව ද සේවා යෝජකයන් විසින් වගකිව යුතුය. ප්‍රවාහනය, නවාතැන්, අත්‍යවශ්‍ය භාණ්ඩ මිලදී ගැනීම සහ ඔවුන්ගේ පවුල් සඳහා ආධාර කිරීම සඳහා ආරක්ෂිත පියවර ද මෙයට ඇතුළත් වේ. සේවායෝජකයන්ට මෙම සේවාවන් සැපයීමට නොහැකි නම්, කර්මාන්තශාලා විවෘතව තබා ගැනීමට ඔවුන්ට ඉඩ නොදිය යුතුය.
i.ගුණාත්මක තත්වයේ වෛද්‍ය සේවා, නිවාඩු ආදිය සැපයීම.
ii.යම් අවස්ථාවක දී, ඔවුන්g COVID-19 ආසාදනය වූයේ නම්, නිසි වෛද්‍ය ප්‍රතිකාර, වෛද්‍ය රක්ෂණය, වැටුප් සහිත නිවාඩු යනාදිය සැපයීම.
b.‘බාහිරින් සේවය ලබා ගැනීමේ’ පුරුද්ද නිසා සේවා යෝජකයින්ට තම භූමියේ වැඩ කරන අයගේ වගකීම පැහැර හැරීමට ඉඩ ලැබී ඇත්තේ විශේෂයෙන් බාහිරින් ලබාගත් මෑන්පවර් සේවකයන් විසින් සිදු කරනු ලබන ඇතැම් කාර්යයන්වල නියැලෙනන සේවකයන් තම සේවකයන් ලෙස වර්ගීකරණය නොකෙරෙන බව පැවසීමෙනි. ‘බාහිරින් ලබාගත්’ කම්කරුවන් ද ඇතුළුව ඔවුන්ගේ කර්මාන්තශාලා / කාර්යාලවල වැඩකරන සියලුම වර්ගවල කම්කරුවන් සඳහා සේවා යෝජකයන් විසින් වගකිව යුතුය.
c.සේවකයින් ප්‍රාදේශීය සෞඛ්‍ය හා සමාජ සේවාවන් සමඟ සම්බන්ධ කිරීම. ඔවුන් අදාළ ග්‍රාම නිලධාරියා වෙත ලියාපදිංචි විය යුතු අතර පොදුවේ ප්‍රජාවට ලබා දෙන සේවාවන් සඳහා ඔවුන්ට සුදුසුකම් ලැබිය යුතුය.
(9) සෞඛ්‍ය සේවාවන් සඳහා ප්‍රමුඛත්වය ලබා දීම. මෙම කාල සීමාව තුළ විශේෂයෙන් රජයේ රෝහල්, සායන ආදියෙහි අඛණ්ඩ සේවාවන් සහතික කිරීම. ප්‍රජාව තුළ සිටින බෝ නොවන රෝගවලින් පෙළෙන රෝගීන් සඳහා බරපතල ගැටළු ඇති කරවමින් සමහර ප්‍රධාන රෝහල්වල පවා අත්‍යවශ්‍ය ඖෂධ හිඟයක් වාර්තා වේ – මේ හේතුව COVID වලට ඇති අවදානම ද වැඩි කරයි. සෞඛ්‍ය සේවාවන් අඛණ්ඩව සහතික කිරීම සඳහා සෞඛ්‍ය සේවකයන්ට බියෙන් තොරව සිය රාජකාරි ඉටු කිරීම සඳහා සියලු සහයෝගය ලබා දීම.
(10) මෙම වසංගතය පැතිරීම වළක්වාගැනීමට වඩාත්ම සාර්ථක වූ රටවල් වන්නේ ජනතාවගේ විශ්වාසය දිනාගෙන ඇති රටවල් ය. විශ්වාසය ගොඩනැගෙන්නේ විශ්වසනීයත්වය මත මිස බිය මත නොවේ.
ජනතාවගේ අවශ්‍යතාවන්ට ප්‍රතිචාර දක්වන ලෙසත් වහාම ක්‍රියාත්මක වෙමින් ඇති ක්‍රියාවලිය වෙනස් කරන ලෙසත් රජයෙන් ඉල්ලා සිටින “COVID-19 සඳහා ව්‍යප්තිය රජය විසින් කළමනාකරණය කිරීම පිළිබඳ ප්‍රසිද්ධ ප්‍රකාශය” ට අත්සන් තබා ඇති බහු ජන සංවිධාන 35 ක් හා සමාජ ක්‍රියාකාරීන් 105 දෙනා අවධාරණය කරන්නේ එසේ නොවුවහොත්, මෙම වර්තමාන ප්‍රතිචාරය විශේෂයෙන්ම රටේ අවවරප්‍රසාධිත කොටස් සඳහා විනාශකාරී ප්‍රතිවිපාක ඇතිකරවන බව අකාර්යක්ෂම බව, ප්‍රමාණවත් නොවන බව සහ අමානුෂික බව පැහැදිලිවම පෙනීයනු ඇති බවයි.
“ජනාධිපති සහ මහ මැතිවරණවලදී ලබාගත් ජනවරම ලබා ගැනීම වෙනුවෙන් මෙම රජයට සහයෝගය දැක්වූ කණ්ඩායම මොවුන්ම වීම උත්ප්‍රාසයකි” යි එම ප්‍රසිද්ධ ප්‍රකාශයේ වැඩි දුරටත් සඳහන්ය.
theleader.lk
මෙම ඉඩම වට කිරීම සදහා අවම වශයෙන් දැව කදන් 200 ක් වත් යොදාගෙන ඇති බව මාධ්‍යවේදීන් ගේ විශ්වාසයයි.
ඡායාරූපයේ නිල් කමිසය හැඳ මුහුණ පුරා රැවුල වවා සිටින්නේ මාධ්‍යවේදීන්ට පහර දුන් මැර පිරිසේ නායකයාය.