( 10.00 am ) නීති විරෝධි අයුරින් මෙරටට ගෙන ඒමට උත්සාහ කිරීමේදී ආරක්ෂක අංශ භාරයට
ගන්නා ලද කහ තොග විනාශ නොකර මිනිස් පරිභෝජනය සඳහා නොමිලේ බෙදා දෙන ලෙස මහජන අයිතීන් වෙනුවෙන් පෙනී සිටින සංවිධානයක් ඉල්ලා සිටී.
පිටරටින් කහ ගෙන්වීම රජය විසින් තහනම් කිරීමෙන් පසු නීති විරෝධී අයුරින් ශ්‍රී ලංකාවට ගෙන්වීමේදී අත්අඩංගුවට ගෙන රේගුව භාරයේ පවතින කහ තොග අධිකරණ කටයුතු නිමා වීමෙන් පසුව රාජසන්තක කර විනාශ කරන බව ශ්‍රී ලංකා රේගුව පැවසු බව පසුගිය සමයේ මාධ්‍ය කිහිපයක්ම වාර්තා කර තිබුණි.
නාවික හමුදාවේ මාධ්‍ය ප්‍රකාශක කපිතාන් ඉන්දික ද සිල්වා පවසන්නේ අත් අඩංගුවට ගෙන පොලීසිය සහ රේගු නිවාරණ කාර්යාලය වෙත භාර දී ඇති වියලි කහ තොගය ටොන් 30 කට වැඩි බවයි.
වියලි කහ තොගය ටොන් 30 කට වැඩියි:
දේශීය ආයුර්වේද ක්‍රමය තුළ විෂබීජ නාශකයක් මෙන්ම ශරීරයේ ප්‍රතිශක්තිකරණය ආරක්ෂා කරන කුළුබඩුවක් ලෙස කහ හදුන්වා දී ඇති බව පෙන්වා දෙන මහජන අයිතීන් සුරැකීමේ පදනම පවසන්නේ අත්අඩංගුවේ පවතින කහ තොග රජය මැදිහත්වී කහ කුඩු බවට පත් කර වසංගත සමයේ ආර්ථික පීඩාවට ලක්ව සිටින ජනතාවට බෙදා දිම උචිත බවයි.
“ඔය රුපියල් පන්දාහ බෙදන කොටයි, දහ දාහේ බඩු මල්ල බෙදන කොටයි, කහ කුඩු ග්රූම් 500 ගානේ මිනිස්සුන්ට බෙදන්න ආණ්ඩුවට බැරි කමන් නෑනේ” යි මහජන අයිතීන් සුරැකීමේ පදනමේ සභාපති අසේල සම්පත් මාධ්‍යවේදීන් හා කියා තිබේ.
“ඔය රුපියල් පන්දාහ බෙදන කොටයි, දහ දාහේ බඩු මල්ල බෙදන කොටයි, කහ කුඩු ග්රූම් 500 ගානේ මිනිස්සුන්ට බෙදන්න ආණ්ඩුවට බැරි කමන් නෑනේ” යි මහජන අයිතීන් සුරැකීමේ පදනමේ සභාපති අසේල සම්පත් මාධ්‍යවේදීන් හා කියා තිබේ.
ඔහු වැඩි දුරටත් ඉල්ලා සිටින්නේ ඉතිරිය රටේ සමස්ත පවුල් වෙත බෙදා දෙන ලෙසයි.
ඉන්දියාවෙන් ශ්‍රී ලංකාවට හොරෙන් පැටවීමට..
ඉන්දියාවෙන් ශ්‍රී ලංකාවට හොරෙන් පැටවීමට උත්සාහ කළ කහ මෙට්‍රික් ටොන් පහකට ආසන්න තොගයක් තමිල්නාඩු සමුද්‍රාරක්ෂක බලධාරීන් විසින් ද අත් අඩංගුවට ගෙන තිබේ.
රට තුල කහ ප්‍රවාහනයට බාධාවක් නැති නිසා ඉහල මිලක් ලබා ගැනීම සඳහා ශ්‍රී ලංකාවේ වෙළෙඳපලට හොර පාරේ යැවීමට ජාවාරම් කරුවන් විසින් වැල්ලබඩ නගර කරා තොග ගණනින් ගෙන ඒම වැඩිවී ඇති බව නාගපට්ටිනම් පොලිස් අධිකාරි ආර් චින්නස්වාමි පවසා තිබුණි.
2019 වසරේ දෙසැම්බර් 05 වෙනි දින ජනාධිපති ගෝඨාභය රාජපක්ෂගේ උපදෙස් පරිදි කහ ඇතුළු දේශීයව වගා කළ හැකි ආහාර සහ කුළුබඩු භෝග ගණනාවක් ආනයනය කිරීම තහනම් කෙරින. රජය පවසා තිබුනේ දේශිය කහ ගොවියා දිරි ගැන්වීම සදහා එවන් තිරණයක් ගත් බවයි.
2019 වසරේ දෙසැම්බර් 05 වෙනි දින ජනාධිපති ගෝඨාභය රාජපක්ෂගේ උපදෙස් පරිදි කහ ඇතුළු දේශීයව වගා කළ හැකි ආහාර සහ කුළුබඩු භෝග ගණනාවක් ආනයනය කිරීම තහනම් කෙරින.
එතැන් පටන් මෙරට වෙළද පොළ තුළ දැඩි කහ හිගයක් ඇති වු අතර මේ වන විට කහ කුඩු කිලෝ ග්රූම් එකක මිළ රුපියල් 3000 සීමාව ඉක්මවා තිබේ.
කෙසේ වෙතත් ඉන්දියාවේ ප්‍රධානතම කහ වගා කලාපයක් වන එරෝඩ් හි කහ වෙළෙන්දන්ගේ සංගමයේ සභාපති ආර් කේ වී රවිශංකර් පවසන පරිදි ඔවුන් තම නිෂ්පාදන විකුණන්නේ කිලෝවක් ඉන්දීය රුපියල් හැටකට (ශ්‍රී ලංකා රුපියල් 150ක් පමණ) ය.
කහ හිගයත් සමග වෙළදපොලේ පවතින කහ කුඩු බාල ප්‍රමිතියෙන් යුතු බවට ලාංකික පාරිභෝගිකයන් නගන මැසිවිලි දිගින් දිගටම මාධ්‍ය විසින් ද වාර්තා කර තිබුනි.
මහජන අයිතීන් සුරැකීමේ පදනමේ සභාපති අසේල සම්පත් පවසන්නේ රාජසන්තකයේ පවතින කහ තොග වෙළදපොලට නිකුත් කර අලෙවි කිරීමට කටයුතු යෙදුවොත් නැවත වරක් ජනතාවට ප්‍රමිතියෙන් තොර කහ කුඩු මිලදී ගැනීමේ අවදානමට මුහුණ පානු ඇති බවයි.
වසංගත සමයේ ජනතාව ආර්ථික පීඩාවකට මුහුණ දී සිටින බැවින් එම කහ ජනතාව වෙත බෙදා හැරීම උචිත බව ඔහුගේ අදහසයි.
තවත් කන්ටේනර් 50 ක්:
මේ අතර ඉන්දියාවෙන් ගෙන්වන ලද කහ කන්ටේනර් 50කට අධික ප්‍රමාණයක් දීර්ඝ කාලයක් තිස්සේ රේගුවේ සිරවී ඇති බැවින් ඒ සදහා විසදුමක් ලබා දෙන ලෙස ආනයනකරුවන් දිගින් දිගටම ආණ්ඩුවෙන් ඉල්ලීම් කළ ද ආණ්ඩුව එයට ප්‍රතිචාරයක් දක්වා තිබුනේ නැත.
මේ අතර ඉන්දියාවෙන් ගෙන්වන ලද කහ කන්ටේනර් 50කට අධික ප්‍රමාණයක් දීර්ඝ කාලයක් තිස්සේ රේගුවේ සිරවී ඇති බැවින් ඒ සදහා විසදුමක් ලබා දෙන ලෙස ආනයනකරුවන් දිගින් දිගටම ආණ්ඩුවෙන් ඉල්ලීම් කළ ද ආණ්ඩුව එයට ප්‍රතිචාරයක් දක්වා තිබුනේ නැත.
එම කහ තොගය ප්‍රති අපනයනය කළොත් රටේ කහ හිඟයක්, ඇති වී සිය ව්‍යාපාරත් අනතුරේ වැටෙන බව පෙන්වා දෙමින් කහ ආනයනකරුවන්ගේ සංගමයේ සංවිධායක ශිවලිංගම් එලිල්වෙන්දන් පසුගිය සැප්තැම්බර් මාසයේදී මාධ්‍ය වෙත පවසා තිබුනේ, කහ තොග ඉන්දියාවට ප්‍රති අපනයනය කරන්නට රජය තීරණය කළහොත් තමන් ඒ සඳහා දරා ඇති වියදමට අමතරව තවත් රුපියල් කෝටි 13 ක් පමණ ඒ සඳහා වැය කිරීමට සිදු වන බවයි.
පසුගිය මැයි මාසයේදී තම සංගමයේ සාමාජිකයන් 20 දෙනකු විසින් සම්පූර්ණයෙන්ම නීත්‍යනුකූල පදනමින් කන්ටේනර් 50 ක කහ කිලෝ ලක්ෂ 10 ක තොගයක් ඉන්දියානු සමාගම් හරහා මෙරටට ගෙන්වන ලද අතර එම කහ තොගය රටේ නිවාස ලක්ෂ 50 අතර බෙදී ගියහොත් එක් නිවසකට ග‍්‍රෑම් 250 බැගින් සති 2-3 කට පමණක් ප්‍රමාණවත් වන බව පෙන්වා ශිවලිංගම් එලිල්වෙන්දන් වැඩිදුරටත් අවධාරණය කර තිබුනේ, දේශීය කහ අස්වනු එන තුරු පවතින හිඟය පියවීමට මෙම කහ තොගය යම් තාක් දුරට හෝ විසඳුමක් වනු ඇති බවයි.
රටේ අවශ්‍යතාවය:
කහ, දේශීයව නිෂ්පාදනය කර පරිභෝජනයට දිරි ගැන්වීමේ අරමුණින් කහ ආනයනය සම්පූර්ණයෙන් නතර කිරීමට රජය ගත් තීරණයෙන් පසුව මෙරට වෙළෙඳපොළේ කහ හිඟය දැඩි විය.
ඉන් අනතුරුව නීති විරෝධී ලෙස ගෙන ආ කහ තොග සම්බන්ධයෙන් තීරණයක් ගැනීමේ වගකීම ඇත්තේ ද රජය සතුව බව අත්‍යවශ්‍ය ආහාරද්‍රව්‍ය ආනයනකරුවන්ගේ සහ වෙළෙඳුන්ගේ සංගමයේ සභාපති ජී.රාජේන්ද්‍රන් පවසයි.
දේශීය කහ නිෂ්පාදනයේ වගකීම පැවරී ඇත්තේ, අපනයන කෘෂීකර්ම දෙපාර්තමේන්තුව වෙතයි.
එම දෙපාර්තමේන්තුවේ දත්තවලට අනුව මෙරට වාර්ෂික කහ අවශ්‍යතාව මෙට්‍රික් ටොන් 8000 කි.
එසේ වුව ද මෙරට දේශීය අමු කහ නිෂ්පාදනය මෙට්‍රික් ටොන් 1300කි.
අපනයන කෘෂීකර්ම දෙපාර්තමේන්තුවේ දත්තවලට අනුව මෙරට වාර්ෂික කහ අවශ්‍යතාව මෙට්‍රික් ටොන් 8000 කි.එසේ වුව ද මෙරට දේශීය අමු කහ නිෂ්පාදනය මෙට්‍රික් ටොන් 1300කි.
මෙම නිෂ්පාදනයන් ලංකාව තුළ ඇති කහ ඉල්ලුම සපුරන්නට ප්‍රමාණවත් නොවන බැවින්, වසරකට වියළි කහ මෙට්‍රික් ටොන් 5200 ක් පමණ අසල්වැසි ඉන්දියාවෙන් මේ තාක් ආනයනය කර තිබුනි. මේ වන විට දේශිය වශයෙන් කහ වගාව ආරම්භ කර ඇති නමුත් එම කහ තොග වෙළඳපොළට නිකුත් වීමට නියමිතව ඇත්තේ එළඹෙන වසරේ මුල් කාර්තුවේය.
හමුදා කහ:
(සේයා -lankadeepa.lk)
ශ්‍රී ලංකා යුද හමුදාවද සතියකට ඉහතදී අක්කර දෙකහමාරක කහ වගාවක් ආරම්භ කළ බව රජයේ ප්‍රවෘත්ති දෙපාර්තමේන්තුව විසින් ප්‍රකාශයට පත් කරන ලදී.
යුද හමුදා කෘෂිකර්ම හා පශු සම්පත් අධ්‍යක්ෂක මණ්ඩලයේ අධ්‍යක්ෂක මේජර් ජෙනරාල් ඉන්ද්‍රජිත් කඳනාරච්චිගේ අධීක්ෂණය යටතේ, ශ්‍රි ලංකා යුද හමුදා පස් වන පොදු සේවා බලකා කරන්දෙණිය කඳවුරේ අණදෙන නිලධාරි මේජර් ජයන්ත රාජනායක විසින් අන දෙනු ලබන නිලධාරීන් පිරිසක් පෙළ සැදී කහ සිටුවන විලාසය වැවිලි කර්මාන්ත අමාත්‍ය වෛද්‍ය රමේෂ් පතිරණ හා කෘෂිකර්මාන්ත රාජ්‍ය අමාත්‍ය ජානක වක්කුඹුර විසින් නිරීක්ෂණය කරන ආකාරය දැක්වෙන ඡායාරූප පසුගියදා ජනමාධ්‍ය වෙත බෙදා දී තිබුණි.
කෘෂිකර්ම දෙපාර්තමේන්තුවේ අධ්‍යක්ෂ ජනරාල් ආචාර්ය ඒ. පි. හීන්කෙන්ද මාධ්‍ය වෙත පවසා ඇත්තේ මෙරට කහ අවශ්‍යතාවය 2023 වසර වන විට සම්පුර්ණයෙන්ම දේශීය වශයෙන් සපුරා ගැනීමට හැකි වනු ඇති බවයි.
theleader.lk
