( 8.00 pm ) කොරෝනා ආසාදිතයින් හඳුනා ගැනීම සඳහා PCR පරීක්ෂණ සිදුකිරීමට මුල්ලේරියාව මුලික රෝහලේ ස්ථාපිත කොට ඇති PCR යන්ත්‍රයට ක්‍රියා කිරීමට අවශ්‍ය රසායනික ද්‍රව්‍ය නොමැතිවීම හේතුවෙන් පරීක්ෂණ සිදුකිරීමේ ප්‍රමාදයක් හටගෙන ඇති බව සෞඛ්‍ය සේවා අධ්‍යක්ෂක ජනරාල් විශේෂඥ වෛද්‍ය අසේල ගුණවර්ධන ප්‍රකාශ කර ඇති බව නිව්ස්වයර් වෙබ් අඩවිය වාර්තා කොට තිබේ.

සිදුකළ විමසීමකදී ඔහු සඳහන් කළේ මෙම PCR යන්ත්‍රය සඳහා යොදා ගැනීමට අවශ්‍ය රසායන ද්‍රව්‍ය නොමැති වීමෙන් පසුගිය පැය 24ක කාලය තුලදී PCR පරීක්ෂණ සිදුකිරීමේ යම් ප්‍රමාදයක් හටගෙන ඇති බවයි.

ඒ අනුව එම රසායනික ද්‍රව්‍ය ලබා ගනු ලබන හොංකොං රාජ්‍යයෙන් අදාළ මිලදී ගැනීම් සිදුකර ඇති බවත් ඉදිරි පැය 24 තුලදී අදාළ එම රසායන ද්‍රව්‍ය මෙරටට ගෙන්වීමට අවශ්‍ය කටයුතු සිදුකොට ඇති බවයි සෞඛ්‍ය සේවා අධ්‍යක්ෂක ජනරාල්වරයා වැඩිදුරටත් සඳහන් කර සිටියේ

දිනක් තුලදී මෙරට වැඩිම PCR පරීක්ෂණ ප්‍රමාණයක් සිදුකරනු ලබන්නේ ද මෙම යන්ත්‍රය මගින් වීමද විශේෂත්වත්වයකි

( 7.30 pm ) කොවිඩ් -19 වෛරසය ආසාදනය වූ තවත් 544 දෙනෙකු හඳුනාගෙන ඇති අතර එම සියලු ආසාදිතයින් මීට පෙර හඳුනාගත් කොවිඩ් රෝගීන්ගේ සමීප ආශ්‍රිතයින් බව යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පැවසීය
මේ අතර අද දිනයේත් කොවිඩ් -19 වෛරසය ආසාදනයවීමෙන් තවත් මරණ 05ක් සිදුව ඇති බව මීට සුළු වේලාවකට පෙර සෞඛ්‍ය සේවා අධ්‍යක්ෂ ජනරාල්වරයා තහවුරු කර තිබේ.

ඒ කොළඹ 13 පදිංචිව සිටි 54 හැවිරිදි පිරිමි පුද්ගලයෙක්, කොළඹ 15 පදිංචිව සිටි 39 හැවිරිදි පිරිමි පුද්ගලයෙක්, කොළඹ 12 පදිංචිව සිටි 88 හැවිරිදි පිරිමි පුද්ගලයෙක්, කොළඹ 08 පදිංචිව සිටි 79 හැවිරිදි පිරිමි පුද්ගලයෙක් සහ කොළඹ 13 පදිංචිව සිටි 88 හැවිරිදි පිරිමි පුද්ගලයෙකු වශයෙනි.
ඒ අනුව ශ්‍රී ලංකාවෙන් වාර්තාවන කොවිඩ් -19 ආසාදිත රෝගීන්ගේ මරණ සංඛ්‍යාව 58ක් දක්වා ඉහළ ගොස් ඇත

කොවිඩ් -19 වෛරසය වැළඳී රෝහල්ගතව ප්‍රතිකාර ගෙන සම්පූර්ණ සුවය ලැබූ තවත් 171 දෙනෙකු රෝහල්වලින් පිටව ගිය බව සෞඛ්‍ය අමාත්‍යාංශය සඳහන් කරයි.

ඒ අනුව කොවිඩ් වෛරසය වැළඳී මෙරටදී ප්‍රතිකාර ගෙන සුවය ලැබූ සමස්ථ රෝගීන් සංඛ්‍යාව 11,495ක් දක්වා ඉහළ ගොස් තිබේ.

( 5.00 pm ) මේ වන විට බන්ධනාගාර ඇසුරෙන් හඳුනාගත් කොවිඩ් ආසාදිතයන් ගණන 400 ඉක්මවා ඉහල ගොස් තිබෙන බව බන්ධනාගාර දෙපාර්තමේන්තව සඳහන් කළේය.

බන්ධනාගාර කොමසාරිස් ජනරාල් තුෂාර උපුල්දෙණිය මහතා සඳහන් කරන්නේ ආසාදිතයින් සංඛ්‍යාව 437 දක්වා ඉහල ගොස් ඇති බවයි. ආසාදිත පිරිස අතර බන්ධනාගාර නිලධාරින් කිහිපදෙනෙකු ද සිටින බව වැඩි දුරටත් සඳහන් කළා.

මේ අතර සියලුම බන්ධනාගාර සේවයකයන් හෙට (16) පෙරවරු 8.00 වනවිට ඔවුන් සියලුදෙනාම සිය ආයතනවලට වාර්තා කළයුතු බව බන්ධනාගාර කොමසාරිස් ජනරාල් තුෂාර උපුල්දෙණිය මහතා දන්වා සිටින පවතින වතාරණය තුල සියළුම සේවකයන්ගේ නිවාඩු අවලංගු කර ඇතැයිද වාර්ථා වේ

(12.50 Pm ) කොමිසන් සභා කිහිපයක සභාපතිවරු සහ සාමාජිකයින් ජනාධිපති ගෝඨාභය රාජපක්ෂ මහතා විසින් පත්කර ඇති බව ඉරිදා සන්ඩේ ටයිම්ස් පුවත් පත වාර්තා කර තිබේ
ඒ අනුව මැතිවරණ කොමිසන් සභාවේ සභාපතිවරයා ලෙස නිමල් පුංචිහේවා මහතා පත් කර ඇති අතර එහි සමාජිකයන් ලෙස එම්. එම්. ජීවන් ත්‍යාගරාජා,එස්. සමරදිවාකර සහ කේ පී පී පතිරණ යන පත්කර තිබේ.
මේ අතර මැතිවරණ කොමිසමේ හිටපු සභාපති මහින්ද දේශප්‍රිය මහතා සීමානිර්ණ කොමිසමේ සභාපතිවරයා ලෙස පත්කර ඇත

( 7.00 pm ) බුස්ස බන්ධනාගාරයේ රැඳවියන් 44 දෙනෙකු හට නව කොරෝනා වෛරසය ආසාදනය වී ඇති බව බන්ධනාගාර ආරංචි මාර්ග සඳහන් කරන අතර ඒ අනුව බන්ධනාගාර ආශ්‍රිතව වාර්තා වන කොරෝනා පොකුරේ සමස්ත ආසාදිතයින් සංඛ්‍යාව 329ක් දක්වා ඉහළ ගොස් ඇත.
මේ වන විට රටේ නගර ගණනාවක් පිහිටි බන්ධනාගාර තුලින් ආසාදිතයන් හමුවෙමින් තිබේ.
පසුගියදා බන්ධනාගාර ප්‍රතිසංස්කරණ ඇමතිවරිය මිගමුවේ දළුපත පිහිටි එළිමහන් සිරකඳවුර තුල කාන්තා රැඳවියන් සදහා ප්‍රතිකාර මධ්‍යස්ථානයක් හා නිරෝධායන මධ්‍යස්ථානයක් පිහිටුවිමට මුලික කටයුතු සුදානම් කොට තිබුනි.
මේ අතර බන්ධනාගාර කිපයක රැදවියන් විසින් පවත්වන්නට යෙදුන උද්ඝෝෂණ වලින්ද පෙන්නුම් කරමින් ඇත්තේ ඇමතිවරිය විසින් ගැනිමට බලාපොරොත්තුවෙන් සිටින ඇතැම් විසදුම් තවමත් මන්දගාමිව වි ඇති බවකි

( 5.00 PM ) වර්තමානයේ රටේ පවතින කොවිඩ් -19 වසංගතය හේතුකොට ගෙන කොළඹ නගරයේ දැනට හුදෙකලා කොට ඇති ප්‍රදේශ, මහල් නිවාසවල බෝ නොවන රෝගවලින් පෙලෙන ජනතාවගේ සෞඛ්‍ය ආරක්ෂාව මුලික කොට ගෙන පහත විස්තර කෙරෙන ස්ථානවල දී නොමිලේ ජංගම වෛද්‍ය සායන පැවැත්වීමට කොළඹ මහ නගර සභාවේ රෝග නිවාරණ දෙපාර්තමේන්තුව විසින් අවශ්‍ය පියවර ගෙන ඇත.
newswire.lk

( 2.00 pm ) නව කොරෝනා වෛරසය ආසාදනය වූ තවත් රැඳවියන් 94 දෙනෙකු බන්ධනාගාර දෙකකින් හමුවූ බව රජයේ ප්‍රවෘත්ති දෙපාර්තමේන්තුව විසින් පවසා තිබේ

එලෙස වාර්තා වූ කොරෝනා ආසාදිත රැඳවියන් ගෙන් 80 දෙනෙකු බෝගම්බර පැරණි බන්ධනාගාරයෙන් ද සෙසු 14 දෙනා කුරුවිට බන්ධනාගාරයෙන

ඒ අනුව බන්ධනාගාර කොරෝනා පොකුරෙන් වාර්තා වන සමස්ත ආසාදිතයින් සංඛ්‍යාව 285ක් දක්වා ඉහළ ගොස් ඇත.