ධිවරයන්ගේ මාළු නිෂ්පාදනය හා අලෙවිය පිලිබද ප්‍රශ්ණය අද බරපතල එකක් බවට පත්ව තිබේ.
මේ නිසාම රජය මෙන්ම විපක්ෂයද මෙයට පිළිතුරු සෙවිම සදහා විවිධ උත්සාහයන් ගනිමින් සිටිති.
විපක්ෂ නායක කාර්යාලයේ අද පැවැති මාධ්‍ය හමුකට එක්ව සිටි ධිවර හිටපු ධීවර රාජ්‍ය අමාත්‍යවරයා වූ දිලිප් වෙදාරච්චි මහතා අමු මාළු කමින් ජනතාවගෙන් මාළු කන ලෙස ඉල්ලා සිටියේ ය.
ධීවරයන් වෙනුවෙන් කළ හැකි උපරිම දේ නම් ජනතාව මාළු මිලදී ගැනීම බව ඔහු පෙන්වා දුනි.

මාළු කූරි දෙදෙනෙක් බෑගයක දමා පැමිණි අමාත්‍යවරයා මාළු කූරියා ඉවතට ගෙන අමුවෙන්ම කා පෙන්වමින් අවධාරණය කර සිටියේ මාළු කන්න බියවිය යුතු නැති බවය.
මේ අතර වත්මන් ධිවර ඇමති කාංචන විජේසේකර කියා තිබුනේ සෞඛ්‍ය නිති උපරිම ලෙස රකිමින් පෑලියගොඩ මාළු වෙළද සැල තොග වෙළදාම සදහා විවෘත කිරිමට පියවර ගන්නා බව කියා තිබේ
මුලාශ්‍රය -newswire.lk

Share Tweet Email

( 11.55 am ) මහත් ආන්දෝලණයට ලක්ව  තිබෙන සීනි සඳහා වූ විශේෂ භාණ්ඩ බද්ද නැවත පනවනවාද යන්න රජය මේ වන තුරු තීරණයක් ගෙන නොමැත. සීනි ආනයනිකයන් විසින් දිගින් දිගටම රජයෙන් ඉල්ලා සිටියේ ඔක්තෝබර් 13 දින මෙම බද්ද පණවන අවස්ථාව වන විට තමන් සන්තකයේ පවතින ටොන් 90,000 ක් පමණ වූ තොග සඳහා කිලෝවක් සඳහා රුපියල් 50/= ක් තීරු බදු ගෙවා තිබූ බවයි.  

මෙම තීරු බද්ද අඩු කළද තොග වෙළෙඳුන් මිළ අඩු නොකිරීම නිසා වෙළෙඳපොළේ  අදටත් සීනි අලෙවි වන්නේ රුපියල් 125/= කටයි.    කිසිදු පාරිභෝගිකයෙකුට රජයේ පාලන මිළ වූ රුපියල් 85/= සීනි ලබා ගැනීමට ද අද වනතුරු නොහැකි විය.   මෙම තීරු බද්ද අඩු කළද තොග වෙළෙඳුන් මිළ අඩු නොකිරීම නිසා වෙළෙඳපොළේ  අදටත් සීනි අලෙවි වන්නේ රුපියල් 125/= කටයි. කිසිදු පාරිභෝගිකයෙකුට රජයේ පාලන මිළ වූ රුපියල් 85/= සීනි ලබා ගැනීමට ද අද වනතුරු නොහැකි විය.

විශේෂ භාණ්ඩ බද්ද  පනවා දින 30 ක් ගත වූ පසු අදාළ වෙනස් කම් කළ හැකි වුවත් ඊයේ පැවති අමාත්‍ය මණ්ඩල රැස්වීමේදී පවා මෙම අරුබුදකාරී ගැටළුවට සම්බන්දයෙන් කිසිදු තීරණයක් නොගත් අතර අමාත්‍යංශයට සම්බන්ධ ආරංචි මාර්ග සදහන් කලේ අද අයවැය ලේඛණයට ප්‍රථම පෙරවරු 10.30 ට පවත්වන අමාත්‍ය මණ්ඩල රැස්වීමේදී තීරණයක් ගනු ලබනු ඇති බවයි.   

තොග වෙළෙඳුන් ඉල්ලා සිටින්නේ තවමත් තමන් ලඟ ටොන් 80,000 කට ආසන්න ප්‍රමාණයක් තොග ඇති බැවින් නැවත සීනි සඳහා රුපියල් 50/= තීරු බද්ද පනවන ලෙසත්, සීනි ආනයනය තහනම් කරමින් ආනයන අපනයන පාලක විසින් පනවා ඇති තහනම වහාම ඉවත් කරන ලෙසත්ය.   වෙළෙඳ ඇමතිවරයා ඇතුලු සතොස කළමණාකාරීත්වය අපේක්ෂා කරන්නේ පසුගිය මාසය තුළ ශත 25 බැගින් තීරු බදු ගෙවා ආනයනය කරන ලද ටොන් 14,000 ක් පමණ ප්‍රමාණයයෙන් ටොන් 12500 ක් රුපියල් 85/= මිළ ගණන් යටතේ සතොසට ලබා ගැනීමටය.   මේ අතරතුර මහා පරිමාණ සමාගමක් විසින් ආනයනය කරන ලද ශත 25 බැගින් තීරුබදු ගෙවූ ටොන් 28,000 නැවක් පිටත වරායේ නවතා ඇති අතර අදාළ තීරුබදු රුපියල් 50/= දක්වා වැඩි කළහොත් අදාළ සමාගම සීනි අලෙවි කරන්නේ කුමණ මිලකලටද යන්න අනෙකුත් සමාගම් විමසිල්ලෙන් සිටිති.   ‘එක් රටක් එක් නීතියක්’  
(විශේෂ වාර්තාකරුවකු විසිනි)
theleader.lk

( 10.20 am ) ව්‍යාපාරයක් ලෙස යාචක වෘත්තියේ යෙදෙන පිරිස සොයා ඉදිරියේ දී නඩු පැවරීමට කටයුතු කරන බව පොලීසිය පවසයි.

අද (17) උදෑසන “දෙරණ අරුණ“ සමග එක්වෙමින් පොලිස් මාධ්‍ය ප්‍රකාශක, නියෝජ්‍ය පොලිස්පති නීතිඥ අජිත් රෝහණ මහතා පවසා සිටියේ, එවැනි යාචකයින්ට මාර්ග සංඥා දැල්වී තිබිය දී මුදල් ලබා දෙන රියදුරුන්ට ද ජාතික මංමාවත් පනතේ 59 වන වගන්තිය යටතේ කටයුතු කරන බවය.

මේ පිළිබඳ වැඩිදුරටත් අදහස් දැක්වු පොලිස් මාධ්‍ය ප්‍රකාශකවරයා, 

“යාචකයෝ කියලා කිව්වට සැබෑ යාචකයෝ නෙමෙයි. සියයට 95ක් කොළඹ හා තදාසන්න ප්‍රදේශවල ඉන්නේ ව්‍යාපාරවල යෙදෙන යාචකයින්. මෙයාලට හාම්පුතෙක් ඉන්නවා. ඔවුන් මුදල් උපයලා හවසට ඒ හාම්පුතාට ගිහින් දෙන්න ඕනේ. මේ අයට ලැබෙන්නේ යම් පඩියක් විතරයි. මේ අයට එක් පැත්තකින් අපි නඩු පැවරීමට කටයුතු කරනවා. ව්‍යාපාරයක් හැටියට යාචක වෘත්තියේ යෙදෙන අය සම්බන්ධයෙන් හා එවැනි අයට තමුන්ගේ වීදුරුව ඇරලා සල්ලි දෙනවා නම් සමහර වෙලාවට කොළ ලයිට් එක පත්තුවෙලා තියෙනවා. එවැනි අයට අර නීතිය යටතේම දඩුවම් කරන්න පුළුවන් වරදක්. වාහනවල ඉන්න රියදුරන් හෝ එකේ ඉන්න වෙනත් කෙනෙක් යම් දෙයක් මිලදී ගන්නවා නම් එම ක්‍රියාවලිය නිසා මාර්ගයේ අනිත් වාහනවලට බාධාවක් වෙනවා නම් ඔවුන්ට ජාතික මංමාවත් පනතේ 59 වන වගන්තිය යටතේ කටයුතු කරන්න අපි බලාපොරොත්තු වෙනවා. සංඥා ලාම්පු තියෙන තැන්වල කිසිදු හේතුවකට ඔබේ වීදුරු විවෘත කරන්න එපා.“

කොවිඩ් 19 වසංගතය හේතුවෙන් පීඩාවට පත් සංචාරක රියැදුරන් 3,085 දෙනකු සඳහා රජය මඟින් ලබාදීමට නියමිත රුපියල් 15,000ක දීමනාව මේ සතිය ඇතුළත ගෙවා අවසන් කරන ලෙස සංචාරක ඇමැති ප්‍රසන්න රණතුංග මහතා සංචාරක සංවර්ධන අධිකාරියේ අධ්‍යක්ෂ ජනරාල් ධම්මිකා විජේසිංහ මහත්මියට ඊයේ (16) උපදෙස් දි ඇති බව දිණමිණ වාර්තා කර තිබේ

සංචාරක සංවර්ධන අධිකාරියේ ලියාපදිංචි රියැදුරන්ට රුපියල් 15,000 බැගින් වූ දීමනාවක් ගෙවීමට කැබිනට් අනුමැතිය හිමිව ඇති අතර, මෙම දීමනාව වෙනුවෙන් රුපියල් ලක්ෂ 462.75ක මුදලක් රජය වෙන්කර තිබේ.

සංචාරක සංවර්ධන අධිකාරියේ ලියාපදිංචි වී ඇති බව සඳහන් රියදුරන් බොහෝමයක් නිසි ලෙස සංචාරක සංවර්ධන අධිකාරියේ ලියාපදිංචි වී නොතිබීම හේතුවෙන් මෙම දීමනාව ගෙවීම දිගින් දිගටම ප්‍රමාද වෙමින් පැවැති අතර ඒ ගැන විශේෂ අවධානය යොමු කළ ඇමතිවරයා එලෙස ලියාපදිංචිය ක්‍රමවත්ව සිදුනොවූ රියදුරන්ගේ ලියාපදිංචිය කඩිනමින් විධිමත් කරන ලෙස ද අධ්‍යක්ෂ ජෙනරාල්වරියට උපදෙස් දී තිබුණි.

මේ සම්බන්ධයෙන් කළ විමසීමක දී සංචාරක සංවර්ධන අධිකාරියේ අධ්‍යක්ෂ ජෙනරාල් ධම්මිකා විජේසිංහ මහත්මිය සදහන් කළේ සංචාරක සංවර්ධන අධිකාරියට ලැබී තිබෙන අයදුම්පත් 4,313ක් අතරින් සුදුසුකම් සැපිරු 3,085 දෙනකුට 15,000 දීමනාව මේ සතිය තුළ ලබාදීමට කටයුතු කරන බවයි.

ඒ අතර පූර්ණ කාලීන සංචාරක රියදුරන් 1,823 ක් සංචාරක බස් රථ රියදුන් හා රිය සහායකයන් 45 ක් ත්‍රීරෝදරථ රියදුන්ගේ 658 ක් හා සෆාරි රියදුරන් 559 ක් වෙති.

සංචාරක සංවර්ධන අධිකාරියේ පුහුණුව නොලැබූ රියදුරන් 359 දෙනෙකු ද මේ සඳහා අයදුම්කර ඇති අතර ඔවුන් කඩිනමින් ලියාපදිංචිය සඳහා යොමුකර ඇති බවද විජේසිංහ මහත්මිය කිවාය.

මීට අමතරව රුපියල් 20,000 ක දීමනාව ඉල්ලා තිබූ සංචාරක මාර්ගෝපදේශකයන් 1,998 දෙනෙකුට අදාල ගෙවීම් කටයුතු මේ වනවිට සිදුකර අවසන් බවද අධ්‍යක්ෂ ජෙනරාල්වරිය සදහන් කළාය.
මුලාශ්‍රය- දිණමිණ

පොලිස් දෙපාර්තමේන්තුවේ නව කොරෝනා වෛරසය ආසාදිත නිලධාරින් සංඛ්‍යාව 785ක් දක්වා ඉහළ ගොස් ඇති සෞඛ්‍ය අංශ අනාවරණය කර තිබේ

එලෙස වාර්තා වී ඇති ආසාදිතයින් අතර පොලිස් විශේෂ කාර්ය බලකායේ නිලධාරින් 191ක්, කොළඹ අපරාධ කොට්ඨාශයේ නිලධාරින් 64ක්, බොරැල්ල පොලිසියේ නිලධාරින් 90ක්, ග්‍රෑන්ඩ්පාස් පොලිසියේ නිලධාරින් 24ක්, කොළඹ කොටුව පොලිසියේ නිලධාරින් 122ක් සහ වේල්ල විදිය පොලිසියේ නිලධාරින් 10 දෙනෙකු ඒ අතර වන බවද සැලය

කොළඹ මහ නගර සභාවේ සේවක කොරෝනා ආසාදිතයන් සංඛ්‍යාව අද පස්වරුව වන විට 200 ක් දක්වා ඉහළ ගොස් ඇතැයි එම නගර සභා ආරංචි මාර්ග අනාවරණය කරන බව ලංකාදිප වෙබ් අඩවිය වාර්තා කොට තිබේ

නාගරික ඉංජිනේරු දෙපාර්තමේන්තුවෙන් ආසාදිතයන් 170 ක්, නාගරික ජන සෞඛ්‍ය දෙපාර්තමේන්තුවෙන් ආසාදිතයන් 20 ක්, නාගරික ගිනි නිවීමේ සේවා දෙපාර්තමේන්තුවෙන් ආසාදිතයන් 6 ක්, නාගරික ලේකම් දෙපාර්තමේන්තුවෙන් ආසාදිතයන් 2 ක්, නාගරික මුද්‍රණාලයෙන් සහ නාගරික තක්සේරු දෙපාර්තමේන්තුවෙන් ආසාදිතයා බැගින් ද කොළඹ මහ නගර සභාවේ සේවක කොරෝනා ආසාදිතයන් මේ වන විට වාර්තා වී ඇති බව වැඩිදුරටත් එහි සදහන්ය

මේ අතර මතුව ඇති වාතාවරණය තුළ අවම වශයෙන් සති තුනක කාලයක් හෝ කොළඹ මහනගර සභා බල ප්‍රදේශය වසාදමන ලෙස කොළඹ පුරපතිනි රෝසි සේනානායක මහත්මිය රජයෙන් ඉල්ලීමක් කර තිබේ

ඒ පිළිබචදව වැඩිපුර විස්තරවක් ඉදිරිපත් කරමින් අද දෙරණ වෙබ් අඩවිය මෙසේ වාර්තා කොට තිබේ.

“කොවිඩ් සමග ජීවත්වෙනවා කියන්නේ කොවිඩ් දෙවන රැල්ල සමග ජීවත්වෙනවා කියන එක නෙමෙයි. කොවිඩ් සමග ජීවත්වෙන්න නම් දෙවැනි රැල්ල අනිවාර්යෙන් පාලනය කළ යුතුයි. අපි දැඩි සංචරණ සීමා දාලා නගරය දැඩි පාලනයකට යටත් කරලා කිසිකෙනෙකුට නගරයට ඇතුළු නොවන විදිහටත් කිසිකෙනෙකුට හුදකලා කරපු තැන්වලින් එළියට බහින්න බැරිවෙන විදිහට දැඩි පාලනයක් යටතේ මේක පාලනය කරේ නැත්නම් ලොකු ව්‍යවසනයකට අපිට මුහුණ දෙන්න සිදුවෙනවා. ඊයේ මට්ටක්කුලිය ප්‍රදේශයේ සමහර තැන්වල නිරෝධායනයට ලක්කරපු පවුල්වල අය නිවෙසින් බැහැරව රැකියා ස්ථානවලට යනවා කියන එක අපිට හඳුනගන්න ලැබුණා. මරණ සංඛ්‍යාව එන්න එන්නම වැඩි වෙනවා මිසක් අඩු වෙන්නේ නෑ. කොළඹ නගර සභා සීමාව තුළ ජීවත්වෙන වයස්ගත පුද්ගලයින් සංඛ්‍යාව වැඩියි. ඒ අයව බේරගන්න පුළුවන්කමක් තියෙනවාද කියන එකත් අද ප්‍රශ්නයක්.  ගෙදරට වෙලා නිරෝධායනය වෙන්න කියලා කොච්චර කිව්වත් පැල්පත්වාසීන්ට එහෙම කරන්න අවකාශයක් නෑ. එහෙම කරන්න නම් මේ අවස්ථාවේ රජය විසින් දැඩි පාලනයකට යටත් කරමින් කටයුතු කළ යුතුයි. දින 14ක් දින 21ක් අතර කාලයක් ලොක්ඩවුන් කිරීමක් කරලා මේක පාලනය කළේ නැත්නම් භයානක තත්ත්වයක් ඇති වෙයි,” යනුවෙන්ද කොළඹ මහනගර සභාවේ නගරාධිපතිනි රෝසි සේනානායක මහත්මිය පැවසීය.