ත්‍රස්තවාදය වැලැක්විමේ පනත යටතේ අත්අඩංගුවට ගෙන දිර්ඝ කාලයක් රදවාගෙන සිටින දමිළ දේශපාලන සිරකරුවන් විසින් පසුගිය සැප්තැම්බර් 06වෙනිදා උපවාසයක් ආරම්භ කර තිබුණි.ඒ ඔවුන්ව නිදහස් කරන ඉල්ලමිනි.

මෙම උපවාසයට සහය දක්වමින් යාපනයේදි ,සිරකරුවන්ගේ ඥාතින් විසින් පසුගිය 12 වනදා සිට උපවාසයක් අරම්භ කර ඇත.

එමෙන්ම තවත් උපවාසයක් අද පෙරවරුවේ මඩකලපුවෙි ගාන්ධි උද්‍යානය අසල අාරම්භ වි තිබේ.

මේ අතර ත්‍රස්ත පණතට මෙන්ම ඒ යටතේ අත්අඩංගුවට ගෙන ඇති වසන්න ඇතුළු පිරිස නිදහස් කරන ලෙස ඉල්ලා අද සවස කොළඹදි ඒකාබද්ධ විරෝධතාවයක් සංවිධානය කර තිබේ.

එහෙත් මෙම විරෝධතාවයේ ප්‍රධාන සටන් පාඨ අතර ත්‍රස්ත පණත නිසා දැනට සිරගතව සිටින දමිල දේශපාලන සිරකරුවන් නිදහස් කරන්නට යැයි කියන ඉල්ලිම අන්තර්ගතවි නොමැත.

දෙමළ දේශපාලන සිරකරුවන් නිදහස් කරනු,ත්‍රස්ත පණත අහෝසි කිරිම ඇතුළු ඉල්ලිම් 5ක් මුල් කරගනිමින් තිලීපන් විසින් මිට වසර 35 කට ඉහතදි මරාන්තික උපවාසයක් ආරම්බ කර තිබුණි.උතුරේ ජනයා සැප් 15වෙනිදා සිට සැප් 26වනදා දක්වා තිලිපන් ගුණසමරුව සංවිධානය කර තිබේ.

කොළඹ මැගසින් බන්ධනාගාරයේ ආහාර ගැනීමෙන් වැලකී සිටින තරුණයින්ගේ ඥාතීන් පසුගිය (12) දා පෙරවරුවේ සිට යාපනයේ උතුරු පළාත් ආණ්ඩුකාර ලේකම් කාර්යාලය ඉදිරිපිට උපවාසයක් අරඹා තිබුණි.
පසුගිය 2019 සහ 2020 වසරවල ත්‍රස්ත මර්දන පනත යටතේ අත්අඩංගුවට ගත් තරුණයින් 13 දෙනෙකු සැප්තැම්බර් 6 වනදා සිට තමන් නිදහස් කරන ලෙස ඉල්ලා කොළඹ මැගසින් බන්ධනාගාරයේ උපවාසයක නිරත වූ අතර ඔවුන්ට සහය පළ කරමින් එම තරුණයින්ගේ ඥාතීන් අද යාපනයේදී උපවාසයක යෙදි සිටි.

පහත නම් සඳහන් දෙමළ දේශපාලන සිරකරුවන් මෙම උපවාසයට එක්ව තිබේ.

1. එස්. උදයසිවම්
2. යූ. උමාසුදන්
3. එම්. පාර්තීබන්
4. එල්. ඉම්බරාජ්
5. වයි. රොබින්සන්
6. ආර්. සයන්දන්
7. පී. නගුලේස්වරන්
8. එස්. සුදාහරන්
9. යූ. සතීස්කුමාර්
10. එස්. සසීදන්
11. ආර්. විවේකානන්දන්
12. වයි. ඩඩ්ලි
13. එල්. අජන්තන්

හිරගෙදර දරුවන්ගේ අනාගතය විනාශ කරන්න එපා. ත්‍රස්තවාදය වැළක්වීමේ පනත අහෝසි කිරීම වැනි සටන් පාඨ ඇතුළත් පුවරුද විරෝධතාකරුවෝ අතැතිව සිටියහ.
මේ අතර දමිළ සිරකරුවන්ගේ උපවාසයට සහය පළකරමින් හෙට දිනයේ ( 16 ) මඩකලපුවේදිද විරෝධතාවයක් පැවැත්විමට නියමිතව තිබේ.

දැනට දින 09 ක් පුරා දමිළළ සිරකරුවන් උපවාසයක යෙදි සිටිති. මිට වසර 35 කට ඉහතදි තිලිපන් සිය ජිවිතයෙන් වන්දි ගෙවු උපවාසයේදි ඉදිරිපත් කරන්නට යෙදුන ඉල්ලිම් කිපයක අතරද දමිළ දේශපාලන සිරකරුවන් නිදහස් කරන්නට යැයි යන ඉල්ලිම මෙන්ම ත්‍රස්තවාදය වැලැක්විමේ පණත අහෝසි කිරිමද ඇතුලත් ව තිබුණි.

ත්‍රස්ත පණත ගැන දකුණේ දැන් විරෝධතා පැවැත්වෙමින් තිබුණද මේ බොහෝ තැන්වලදි ත්‍රස්ත පණත යටතේ සිරගත කර ඇති දමිළ දේශපාලන සිරකරුවන්ගේ ප්‍රශ්ණයට දකුණේ විරෝධතා කරුවන්ගේ අවධානයට පත්ව නැති තත්වයකි.
දකුණේ බොහොමයක් උද්ඝෝෂණ වල විරෝධතා පුවරුවලදි පවා දමිළ දේශපාලන සිරකරුවන් නිදහස් කරනු යන්න දකින්නට නැති තත්වයක් නිර්මාණය වි තිබේ.
ඡායා සහ විස්තර – නිදර්ශණ් විනෝද්

යාපනය විශ්වවිද්‍යාලයේ මහා ශිෂ්‍ය සංගමය විසින් තිලීපන් ගුණානුස්මරණය අද පෙරවරුවේ යාපනය විශ්වවිද්‍යාලයේ ප්‍රධාන පරිශ්‍රයේදී සංවේදී අයුරින් සිදු කරන ලදී.

1987 සැප්තැම්බර් 15 දින කොළඹ ඉන්දීය මහ කොමසාරිස් වෙත ඉල්ලීම් පහක් ඉදිරිපත් කරමින් පැය 24ක් ඇතුළත පිළිතුරක් ඉල්ලා සිටියේය. මේ ඉල්ලීම් පහත ඒවාය.

1. හදිසි නීතිය යටතේ හා ත්‍රස්තවාදය වැළැක්වීමේ පණත යටතේ රඳවාගෙන සිටි දේශපාලන සිරකරුවන් නිදහස් කිරීම
2. පුනරුත්ථාපනය යන ලේබලය යටතේ ශ්‍රී ලංකා රජය විසින් කරන සිංහල ජනපදකරණය නැවැත්වීම
3. අන්තර්වාර පරිපාලන ඒකකයක් ඇති කරන තුරු සියළු පුනරුත්ථාපන කටයුතු අත්හිටවීම
4. උතුරු නැගෙනහිර පළාත් වල අළුතින් පොලිස් ස්ථාන ඇති කිරීම අත්හිටවීම
5. ග්‍රාමාරක්ෂක භටයින් නිරායුධ කිරීම හා හමුදා/ පොලිස් භාරයේ ඇති පාසැල් ගොඩනැඟිලි මුදාහැරීම.

යන ඉල්ලිම් මුල් කොට ගනිමින් තිලිපන් සිය උපවාසය 1987 සැප් 15 වෙනිදා අරභා තිබුණි.
ආහාර හෝ ජලය ලබානොගත් ඔහු දින 12 කට පසු අවයව අක්‍රිය විමෙන් පසු 1987 සැප් 26 වනදා මිය ගියේය.

සිය දේශපාලනය වෙනුවෙන් ප්‍රතිපත්තිගරුවක පුජාකළ සිය ජිවිතය උතු‌රේ මෙන්ම නැගෙනහිර දිදි සකල ජනයාගේ බුහුමනට පාත්‍ර වන්නට හේතුවි තිබුණි.

තිලිපන් වෙනුවෙන් විශ්ව විද්‍යාල සිසු සිසුවියන් පහන් දල්වමින් පුෂ්පෝපහාර දැක්වීමද සිදු කෙරිණි. මෙම අවස්ථාවට යාපනය විශ්වවිද්‍යාලයේ දමිළ සිසුන් සමඟ මුස්ලිම් සහ සිංහල සිසුන් ද හැඟීම්බරව සහභාගී වූ අතර යාපනය විශ්වවිද්‍යාලයේ අනධ්‍යන කාර්ය මණ්ඩලය සහ යාපනය විශ්වවිද්‍යාලයේ ශිෂ්‍ය සංගමය ද සමරු උත්සවයට සහභාගිව තිබුණි.

නිදර්ශණ් විනෝද්

ත්‍රස්ත මර්දන පනත යටතේ අත්අඩංගුවට ගෙන මැගසින් බන්ධනාගාරයේ උපවාස කරන සිරකරුවන්ට සහය පළ කරමින් මඩකලපුවේ විරෝධතාවක් සංවිධානය කර ඇතැයි මඩකලපු දිස්ත්‍රික් පාර්ලිමේන්තු මන්ත්‍රි රාසමානික්කම් සිය ෆේස් බුක් පිටුවේ සටහන් තබමින් දැනුම් දි තිබේ.

(16 ) හෙට සිකුරාදා පෙරවරු 07.00 සිට ගාන්ධි පාර්ක් ඉදිරිපිටදී මෙම උද්ඝෝෂණය පැවැත්විමට නියමිතව තිබේ.
මෙම මාරාන්තික ත්‍රස්ත මර්දන පනත ඉවත් කිරීමට සහ විශේෂයෙන්ම දෙමළ කතා කරන ජනතාව මත පනවා ඇති මෙම නීතියට එරෙහිව කරුණාකර සහභාගී වී ඔබගේ සහයෝගය ලබා දෙන්න යැයදි රාසමානික්කම් මන්ත්‍රිවරයා ඉල්ලා ඇත.

ව්‍යාජ බලපත්‍ර සකස් කර මනාල ප්‍රදේශයට ධාවනය කළ ටිපර් රථ 8ක් සවාගචේරි පොලිසිය භාරයට ගෙන ඇති අතර ඒවායේ රියදුරන් අට දෙනෙකු අඟහරුවාදා අත්අඩංගුවට ගෙන තිබේ.

යාපනය, නුවර පාර හරහා යාපනය දෙසට වැලි රැගෙන පැමිණි ටිපර් රථ චාවකච්චේරි පොලිසිය විසින් පරීක්ෂා කිරීමේදී මෙම වංචාව හෙළිව තිබේ.

නිදර්ශන් – යාපනය