( 8.20 pm ) මේ දිනවල සමාජ මාධ්‍ය අතරේ ප්‍රධාන මතෘකාවක් බවට පත්ව ඇති කොවිඩ් පැණිය බෙදීම අත් හිටුවීමට තීරණය කළ බව කෑගල්ලේ ධම්මික නැමැත්තා අද පස්වරුවේ එහි රැස්ව සිටි පිරිසට පවසා ඇතැයි නිව්ස්වයර් වෙබ් අඩවිය වාර්තා කොට තිබේ

ඒ කෑගල්ල දිස්ත්‍රික් ලේකම් වරයාගේ කැඳවීමක් අනුව ඔහු හමුවීමෙන් පසුවය

එහිදී උපදෙස් ලැබී ඇත්තේ අදාල වෛද්‍ය විශේෂඳ වාර්තා ලැබෙන තුරු අදාල පැනිය බෙදාදීම නවත ලෙසයි

ඒ අනුව ඖෂධය බෙදීම අද පස්වරුවේ නතර කෙරිණ.

අද පෙරවරුවේ එම ධම්මික බණ්ඩාර නැමැත්තාගේ දේවාලයට දහස් ගණනක් රැස්ව තිබුනේ එම ඖෂධය නොමිලේ පන්දහසකට බෙදා දෙනබවට ඔහු විසින් කරතිබූ ප්‍රචාරය හෙතුවෙනි.

ඇමෙරිකානු කොවිඩ් එන්නත බ්‍රිතාන්‍යය ට ගෙන ඒමෙන් පසු පළමුවරට සාමාන්‍ය භාවිතය අද ආරම්භ විය.

ඒ අනුව අනූ වියැති කාන්තාවකට එම එන්නත ලබා දුන් බව විදෙස් මාධ්‍ය වාර්තා කොට තිබේ

ඇමෙරිකානු ෆයිසර් සහ බයෝඑන්ටෙක් ආයතන ඒකාබද්ධ නිශ්පාදනය කළ මෙම එන්නත බ්‍රිතාන්‍යය තුල වයස්ගත පිරිස හා සෞඛ්‍ය සේවකයින් ට පළමු අදියරේදී බෙදා දිමට නියමිතය.

මේ අතර හෙට්ටිමුල්ල වෙද පැණිය  ලබාගැනීමට අති විශාල ජනකායක් පැමිණ තිබෙන බව සමාජ මාධ්‍ය අතරේ පැතිර යන ඡායාරූප වලින් පෙනි යයි

කොරෝනා පැණි පෝලිම //www.facebook.com/www.newshub.lk/videos/382330396407721/

වීර බද්‍රධම්ම කොරෝනා නිවාර පැණිය ලෙස හඳුන්වන මෙම පැණිය අද දිනයේදී නොමිලේ ලබා දෙන බවට පල කල දැන්වීමක් අනුව මෙලෙස විශාල ජනතාවක් පැමිණ සිටින බව වැඩි දුරටත් සඳහන් ලංකාසිටිසන් වෙබ් අඩවිය වාර්තා කොට තිබේ.

මේ වන විට පිරිස විසුරුවා හැරීම සඳහා පොලීසිය පැමිණ සිටින බව මේ සමාජ මාධ්‍ය ඡායාරූප දැක්වේ

( 8.00 am ) මාස පහකට පසු පළමුවරට ශ්‍රී ලංකන් ගුවන් යානයක් මගීන් රැගෙන ඕස්ට්‍රේලියාවේ මෙල්බර්න් වෙත ඊයේ ළඟාවි තිබුණි.
එරට කොවිඩ් තත්වය පාලනයෙන් පසු මෙල්බර්න් ගුවන්තොටුපොළට විදෙස් මගීන් රැගත් යානා ඒම සඳහා අවසරදුන් අතර එලෙස  මගීන් රැගෙන ළඟා වූ පළමු ගුවන්යානය මෙය විමද තවත් විශේෂත්වයකි

ඒ අනුව ශ්‍රීලංකන් ගුවන් සේවයේ UL604 යානය පසුගිය ජූලි 10 වෙනදායින් පසු මෙල්බර්න් නුවරට පැමිණි පළමු ජාත්‍යන්තර ගුවන්යානය වේ.

( 7.00 am ) මිනුවන්ගොඩ, පෑලියගොඩ සහ බන්ධනාගාර කොරෝනා පොකුරුවලට ඊයේ (07) පස්වරු 9.15 වනවිට එක්වූ ආසාදිතයන් 377 දෙනාත් සමග දිනයේ සමස්ත ආසාදිතයන් සංඛ්‍යාව 703 ක් බව රජයේ ප්‍රවෘත්ති දෙපාර්තමේන්තුව නිවේදනය කරයි.

ඒ අනුව, එම පොකුරුවල සමස්ත ආසාදිතයන් ගණන 25,025 දක්වා ඉහළ ගොස් ඇත.

අද රාත්‍රියේදී අලුතින් හඳුනාගත් ආසාදිතයන්ගෙන් 294 දෙනෙක් පෑලියගොඩ කොරෝනා පොකුරේ ආශ්‍රිතයන් වන අතර සෙසු 83 ‍දෙනා බන්ධනාගාර පොකුරේ ආසාදිතයෝ වෙති.

(2.00 pm ) කොළඹ මැනිං වෙළඳ සංකීර්ණයේ වෙළඳුන්ට පෑලියගොඩ නව වෙළඳ සංකීර්ණයේ වෙළඳසල් ලබා දෙන බව කියමින් ඔවුන් මහත් දුෂ්කරතාවට ඇද දමා ඇති බවට විරෝධතා උදඝෝෂණයක් අද(7) කොළඹ ජනාධිපති ලේකම් කාර්යාලය ඉදිරිපිට පවත්වන ලදී.

මෙම විරෝධතාවයේදී වෙළඳුන් ඉල්ලා සිටියේ මැනිං වෙළඳපොළේ කටයුතු ආරම්භ කිරීමට ඉඩ නොදී පෑලියගොඩ වෙළඳ සංකීර්ණයට ගෙන යන බව කීවද එයින් අසාධාරණයක් සිදුවන බවය. මැනිං වෙළඳපොළේ අඩි 10 කාමරවල දීර්ඝ කාලයක් වෙළඳ කටයුතු කළ වෙළඳුන්ට ආණ්ඩුව පොරොන්දු දුන්නේ අඩි 12 වෙළඳ කාමර ලබා දෙන බවය. මැනිං වෙළඳපොළේ දිගු කාලයක් වෙළඳාම් කළ වෙළඳුන් අතරින් දැනට පෑලියගොඩ කාමර ලබා දී ඇතිතේ 300කට පමණි. අනෙක් වෙළඳුන්ට අද පැමිණෙන බවට දන්වා තිබුණද කඩකාමර ලබාදීමේ කොන්දේසි මහත් අසාධාරණ බව ඔවුහු පවසති. තමන්ට අහිමිවන වෙළඳ කාමරය වෙනුවට පෑලියගොඩ සංකීර්ණයෙන් කාමරයක් ලබා දෙන බව කියුවද අඩි 12 කාමරය මැදින් වෙන්කර අඩි 6ක කාමරය අසාධාරණ කුලී පදනමක් යටතට පත්කර ඇති බව වෙළඳ සැල් අහිමි වූ පිරිස පෙන්වා දෙති. මැනිං වෙළඳපොළේ වෙළඳුන් මාසිකව නගර සභාවට ගෙවූ රු. 1250ක මුදල වෙනුවට පෑලියගොඩ වෙළඳ සංකීර්ණයේදී රු. 11,500ක් ගෙවීමට නියමකර තිබේ. එපමණක් නොව එම වෙළඳසල් වෙනුවෙන් රු. ලක්ෂ 2ක අත්තිකාරම් මුදලක් ගෙවීමට සිදුවන බවද දන්වා ඇත.
සම්පූර්ණ වෙළඳ කාමරයක් ලබගැනීමට නම් රු ලක්ෂ 5ක අත්තිකාරම් මුදලක් තැන්පත්කර මාසික කුලිය රුත 25,000ක් ගෙවිය යුතු බවය.

දැනට මැනිං වෙළඳ සංකීර්ණයේ ක්‍රියාකාරී වූ තොග හා සිල්ලර වෙළඳුන්ට හිමිව තිබුණු කාමර 2500ක් වෙනුවට පෑලියගොඩ වෙළඳපොළේ කාමර 1292ක් පමණක් බව ඔවුහු පවසති.
මේ ආකාරයට මැනිං වෙළඳුපොළේ එදිනෙදා ආදායම් උපදවා ගත් වෙළඳන් මහමමගට ඇද දැමීමේ වෑයමට එරෙහිව අද විරෝධතාව පැවැත්විණි.

www.lankaviews.com

( 8.45 am ) මත්පැන් අඩංගු කාලේ බෝතල් (මිලි ලීටර් 185) නීති විරෝධී ලෙස බැහැර කිරීම වැළැක්වීම සඳහා මිලදී ගැනීමේදී තැන්පතුවක් අය කිරීමට තීරණය කර ඇතැයි දිණමිණ වෙබ් අඩවිය වාර්තා කොට තිබේ.
  මේ තිරණය ගෙන ඇත්තේ පරිසර අමාත්‍ය මහින්ද අමරාවීරගේ අනුග්‍රහය ඇතිව ලංකා ස්කාගාර සංස්ථාව සහ සුරාබදු කොමසාරිස් දෙපාර්තමේන්තුව ඇතුළු ආයතන ගණනාවක නියෝජිතයින්ගේ සහභාගීත්වයෙන් පරිසර අමාත්‍යංශයේ දී පසුගිය (04) දින පැවැති සාකච්ඡාවකදිය

එබැවින්, මත්ද්‍රව්‍යවලට ඇබ්බැහි වී සිටින පිරිස් සිටිය දී පාරීසරික ආරක්ෂාව උදෙසා කාලේ බෝතල් නීති විරෝධී ලෙස බැහැර කිරීම නතර කිරීමේ වැඩපිළිවෙළක් ක්‍රියාත්මක කිරීම කෙරෙහි පරිසර අමාත්‍යාංශය අවධානය යොමු කරනු ලැබී ය.   කාලයාගේ ඇවෑමෙන් කාලේ බෝතල් භාවිතය විශාල පාරිසරික හානියක් සිදු වන බව හා මත්පැන් ඇසුරුම් කරන්නා වූ කාලේ බෝතල් භාවිතය තහනම් කිරීම කෙරෙහි අවධානය යොමු කර තිබුණ ද, නිෂ්පාදකයින්ගේ ඉල්ලීම් සැලකිල්ලට ගනිමින් විකල්ප වැඩපිළිවෙළක් යෝජනා කළ යුතු බව අමාත්‍යවරයා මෙහිදි පවසා තිබුණි

 ඒ අනුව මත්පැන් අලෙවිසැල් නිකුත් කරන අවස්ථාවේ කාලේ බෝතල් ආපසු ලබා දීම සඳහා තැන්පතුවක් අය කිරීමට තීරණය වී තිබේ.මෙම මුදල රුපියල් පහක් හෝ දහයකට නොඅඩු විය යුතු බවත්, මුදල් ආපසු ගැනීමට පාරිභෝගිකයින් පොළඹවන මට්ටමක තිබිය යුතු බවත් අවධාරණය කරනු ලැබී ය.  

පරිසර අමාත්‍යාංශය හා අදාළ දෙපාර්තමේන්තු සමඟ වැඩිදුර සාකච්ඡා කිරීමෙන් අනතුරුව තැන්පතු ප්‍රමාණය පිළිබඳ අවසන් තීරණයක් ගන්නා ලැබේ.   කෙසේ වෙතත්, මෙම තීරණය ක්‍රියාත්මක කිරීමට බීර නිෂ්පාදන කටයුතු නොකරන්නේ නම්, කාලේ බෝතල්  තහනම් කිරීමට පියවර ගන්නා බව අමාත්‍යවරයා පැවසී ය.   මේ වන විට අපේ රටේ වාර්ෂික නිෂ්පාදන ධාරිතාව බෝතල් මිලියන 120 ක් බව වාර්තා වේ.  මෙයින් මිලියන 18-20 අතර ප්‍රමාණයක් මත්පැන් සඳහා භාවිතා කරන අතර සියයට 60 කට වඩා ප්‍රතිචක්‍රීකරණය කළ නොහැකි බව ඔප්පු වී ඇත.   මෙම සාකච්ඡාවට අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ මහතා ද සහභාගී විය.
මුලාශ්‍රය – දිණමිණ