අවුරුදු සමයේ සෞඛ්‍ය රෙගුලාසි ක්‍රියාත්මක නොකල බහුතරයක් ජනයා මෙන්ම ඒවා රෙගුලාසි කඩකිරිමට උඩගෙඩි දුන් ඇතැම් රාජ්‍ය නිළධාරින් සහ දේශපාලකයන්ගේ විනය විරෝධි ක්‍රියා නිසා මේ වන විට රටපුරා කොරෝනා පොකුරු හෙළිදරව් වෙමින් තිබේ.
මේ අනු දිවුලපිටිය සහ රාගම බටුවත්ත ප්‍රදේශයේ පැවති අවුරුදු උත්සව දෙකකින් කොරෝනා වෛරසය ආසාදිත රෝගීන් 38 දෙනෙකු අද (21දා) සොයාගෙන ඇති බව ගම්පහ දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ , වෛද්‍ය නලීන් ආරියරත්න මහතා පවසා ඇතැයි අද වෙබ් අඩවිය වාර්තා කොට තිබේ

දිවුලපිටිය ප්‍රදේශයේ පැවති අවුරුදු උත්සවයකින් කොරෝනා ආසාදිතයන් 26 දෙනෙකු ද , රාගම , බටුවත්ත ප්‍රදේශයේ නිවසක පැවති අවුරුදු උත්සවයකින් තවත් කොරෝනා ආසාදිතයන් 12 දෙනෙකු ද ප්‍රදේශයේ සෞඛ්‍ය වෛද්‍ය නිලධාරීන් විසින් සොයාගෙන තිබුණ බව වැඩිදුරටත් එම පුවතේ සදහන්ය

ගම්පහ දිස්ත්‍රික්කය තුළ 04/21 දින කොරෝනා ආසාදිත රෝගීන් 114 දෙනෙකු වාර්තා වී ඇති අතර , ඒ අනුව මේ දක්වා කොරෝනා ආසාදිත රෝගීන් 18,686 දෙනෙකු මෙම වෛරසයේ ආසාදිතයන් බවට පත් වී ඇතැයි ද වෛද්‍ය නලීන් ආරියරත්න මහතා පැවසීය .

මහජන සෞඛ්‍ය පරීක්ෂක සංගමය ඊයේ අනතුරු ඇඟවූයේ පීසීආර් සහ අහඹු ප්‍රතිදේහජනක පරීක්ෂාව දිනකට අවම වශයෙන් 10,000 දක්වා වැඩි නොකළහොත් ශ්‍රී ලංකාවේ COVID-19 තත්වය ඉන්දියාව දැන් මුහුණ දී සිටින තත්වයට සමාන ව්‍යසනයකට තුඩු දිය හැකි බවයි.

මහජන සෞඛ්‍ය පරික්ෂකවරුන්ගේ සංගමයේ ලේකම් මහේෂ් බාලසූරිය ඩේලි මිරර් පුවත්පතට පවසා තිබුනේ අලුත් අවුරුදු උත්සවයට පෙර පසුගිය සති කිහිපය තුළ සෞඛ්‍ය මාර්ගෝපදේශ නොසලකා හැර ඇති බවත්, අවදානමට ලක්විය හැකි දිස්ත්‍රික්කවල දේශසීමා සීමා පැනවූයේ නැති නිසා ඉදිරි දින 14 තුළ එහි ප්‍රතිවිපාක අපේක්ෂා කළ හැකි බවත්ය.

මේ වන විට ඇස්තමේන්තු කර ඇති පරිදි PCR / Antigen පරීක්ෂණ 5000 ක් දිවයින පුරා පවත්වනු ලබන නමුත් එය හදිසියේම දිනකට අවම වශයෙන් 10,000 දක්වා වැඩි කළ යුතුය. කුරුණෑගල , පුත්තලම්, ගම්පහා, කොළඹ, ත්‍රිකුණාමලය සහ යාපනය වැනි අවදානම් සහිත දිස්ත්‍රික්ක සමහරක් පසුගිය සති කිහිපය තුළ මෙම ප්‍රදේශවලින් රෝගීන් විශාල සංඛ්‍යාවක් හඳුනාගෙන ඇති බව ලේකම්වරයා විසින් තවදුරටත් අවධාරණය කර තිබේ.

“මැයි 1 වනදා සිට අපට දැනෙන්නේ වැඩි PCR සහ ප්‍රතිදේහජනක පරීක්ෂණ පවත්වනු ලැබුවහොත් රෝගීන් විශාල සංඛ්‍යාවක් වාර්තා වනු ඇති බවයි. අපි පූර්වාරක්ෂාව නොගෙන පරීක්ෂණ පවත්වන්නේ නැත්නම් ඉන්දියාවේ සිදුවෙමින් පවතින දේ ද මෙහි සිදුවනු ඇතැයි ලේකම්වරයා තවදුරටත් පැවසීය.
මුලාශ්‍රය – daily mirror

කොරෝනා තත්වය හේතුවෙන් වසා දමා තිබුන මෙරට සි්‍යලුම විශ්වවිද්‍යාල අප්‍රේල් 27 වනදා විවෘත කිරිමට නියමිත බව උසස් අධ්‍යාපන අමාත්‍යංශය විසින් දැනුම් දි තිබේ

අවුරුදු වලින් පසුව තත්වය අවදානම් විය හැකි බවට සෞඛ්‍ය බලධාරින් විසින් අනතුරු අගවා තිබුණි .

එයට ප්‍රධානතම හේතුව වි තිබුනේ සිංහල දෙමළ අලුත් අවුරුදු සමයේ ඇතැම් ස්ථානවලදී ජනතාව සෞඛ්‍ය උපදෙස් නිසියාකාරව අනුගමනය නොකිරීම හේතුවෙන් මෙම අවදානම් තත්වය මතුවිමට නියමිත බව වසංගත රෝග විද්‍යා අංශය පවසා ඇත.

මේ අතර කුරුණෑගල, ගනේවත්ත සෞඛ්‍ය වෛද්‍ය නිලධාරී කොට්ඨාසයේ තිත්තවැල්ගාය ප්‍රදේශයට සංචරණ සීමා පනවා තිබෙන අතර තිත්තවැල්ගාය ප්‍රදේශයෙන් කොරෝනා ආසාදිතයින් 29 දෙනෙකු හමුවීමත් සමග එම තීරණය ගත් බවයි ගනේවත්ත සෞඛ්‍ය වෛද්‍ය නිලධාරී කාර්යාලය සඳහන් කර තිබේ

එම ප්‍රදේශයේ පවුල් 64ක පුද්ගලයින් 267 දෙනෙකු මේ වනවිට නිරෝධායනයට යොමු කර ඇතැයි ද සෞඛ්‍ය වෛද්‍ය නිලධාරී කාර්යාලය වැඩිදුරටත් සඳහන් කර පවසා ඇත.

එමෙන්ම ඉදිරි සති 04ත් 6ත් අතර කාලය තුළ මෙම තත්ත්වය අපේක්ෂා කළ හැකි බව වසංගත රෝග විද්‍යා අංශයේ අධ්‍යක්ෂක විශේෂඥ වෛද්‍ය සුදත් සමරවිර අවධාරණය කර තිබුණි.
සෞඛ්‍ය බළධාරින් මෙන්ම අදාල සකලාකාර බලධාරින් අවුරුද්දට පෙර මෙම තත්වය ගැන අනතුරු අගවා තිබුනද ජනතාව පමණක් නොව බොහෝ ප්‍රදේශවල මේ නිතිය පැනවු අය විසින් එ ඒ නිති ගණන් නොගෙන කටයුතු කර තිබුන අයුරු වඩාත් පැහැදිලි විය.

කොවිඩ් නීති ගණන් නොගෙන සාප්පු සවාරි යන සුළු පිරසකගේ හැසිරීම කනගාටුදායක බවත් ජනතාව මේ ආකාරයට හිතුමතේ කටයුතු කළහොත් ලබන මැයි මාසයේ දී නරක ප්‍රතිඵල භුක්ති විදීමට සිදුවනු ඇති බවත්  කොවිඩ් – 19 පාලනය කිරීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජනරාල් ශවේන්ද්‍ර සිල්වා මහතා පවසන බව ලංකාදිප වෙබ් අඩවිය වාර්තා කර තිබේ

අවුරුදු සමයේදී කෝවිඩ්  නීති අනුගමනය නොකර හැසිරුණහොත් වෙසක් උත්සවය සැමරිය නොහැකි වනු ඇතැයි ද යුද හමුදාපතිවරයා කියා ඇතැයි වැඩිදුරටත් එම පුවතේ සදහන්ය

බොහෝ ජනතාව බුද්ධිමත් ආකාරයට කටයුතු කිරීම නිසාත් ජනතාවගෙන් ලැබුණු ඉහළ සහයෝගය නිසා කෝවිඩ්  ව්‍යාප්තිය සැලකියයුතු ලෙස පාලනය කර ගැනීමට හැකි වූ බව කී ශවේන්ද්‍ර සිල්වා  මහතා කෝවිඩ් රෝගීන් සංඛ්‍යාව  දිනකට 200කට අවම මට්ටමින් පවත්වාගෙන යෑමට හැකිවීම විශාල ජයග්‍රහණයක් බව ද සඳහන් කර තිබේ.

මේ අතර කටාන සෙෘඛ්‍ය වෛද්‍ය නිළධාරි කොට්ටාශය පිහිටි ඇවෙන්රා නම් වු සුපිරි හෝටලයක පැවැති දින 3 ක ආහාර සැණකෙලියක් සදහා දිනපතා 2000 ආසන්න පිරිසක් පැමිණ ඇතැයි වාර්ථාවේ.
මේ සැණකෙලිය සදහා ප්‍රදේශය භාර සෞඛ්‍ය වෙද්‍යෙ නිලධාරියා සංඛ්‍යාත්මක සිමාවකින් තොරව අවසර ලබා දි තිබුන බවද සැලය

මහජන සෞඛ්‍ය පරික්ෂකවරුන්ගේ සංගමය අනතුරු අගවා ඇත්තේ ජනතාව වගකිමකින් කටයුතු නොකරන්නේ නම් මැයි මාසයේදි තරම තෙවන කොරෝනා රැල්ල නැවත ඇතිවිම නියමිත බවය

සෞඛ්‍ය නිළධාරි කොට්ටාශය තුල මඟුල් ගෙදරට අවසර දිය හැකි උපරිම ගණන 150 ක් වෙද්දි සුපිරි ව්‍යාපාරිකයෙකුගේ ආහාර සැණකෙලියට සංඛ්‍යාත්මක සිමාවන් කිසිවෙක් පණවන්නේ නැතිව අවසර දිම පිළිබදව මේ වන විට මහජන සෞඛ්‍ය පරික්ෂකවරුන් තුල පවා බරපතල විවේචනයක් මතුව තිබේ.

ඔවුන් කියා සිටින්නේ අදාල සෞඛ්‍ය වෛද්‍ය නිලධාරියාගේ වගකිම් විරහිත ක්‍රියාකාලය නිසා ඉදිරියේදි තමන්ට කොට්ටාශයේ නිරෝධාන සෞඛ්‍ය නිති පවා ක්‍රියාත්මක කරගැනිම අර්බුදයක් බවට පත්ව ඇති බවය.

මඟුල් ගෙදරකට 150 ක සිමාවක් පනවා ඒසේ පැමිණෙන අයගේ නම් ගම් විස්තර දුරකතන අංක සියල්ලද කලින් ම ඔවුන් විසින් ලබාගන්නා බවය. එහෙත් මේ ආහාර සැණකෙලියට MOH අවසර දි ඇත්තේ unlimited පදනමකිනි.

දැන් මෙය පැහැදිලි අර්බුදයක් අදාල කොට්ටාශය තුල නිර්මාණය කර තිබේ.
සෞඛ්‍ය වෛද්‍ය නිලධාරි වෛද්‍ය ලක්ෂමන් විජේසුරිය යනු කලින් මිගමුවේ හිටපු සෞඛ්‍ය වෛද්‍ය නිළධාරියාය.