ඊසානදිග ඉන්දියානු ඇසෑම් ප්‍රාන්තයේ නාගෝන්වල වල් අලි 18 දෙනෙකුගේ රංචුවක් අකුණු සැර වැදිම හේතුවෙන් මියගොස් තිබේ.
කන්දෝලි ආරක්ෂිත වන රක්ෂිතයට අකුණු සැර වැදීමෙන් අලි මිය ගොස් ඇති බව රාජ්‍ය නිලධාරීහු පවසති.
වනාන්තරයේ සිටින සතුන්ගේ මළකඳන් සොයාගත් ගම්වාසීන් බලධාරීන් දැනුවත් කර තිබුණි.
ඉන්දියාවේ ආසියානු අලි ඇතුන් 27,000 කට වඩා සිටින අතර ඉන් 21% ක් පමණ ඇසෑම්හි සිටින බව ජාත්‍යන්තර මාධ්‍ය වාර්තා කර සිටි.
වසර 20 කට පසු ඇසෑම් හි අලි ඇතුන් විශාල ප්‍රමාණයක් මියගොස් ඇති පළමු අවස්ථාව මෙය බවද සදහන්ය.
නාගෝන් හි කැතියතෝලි කඳුවැටියේ ඇති වූ විශාල ගිගුරුම් සහිත වැසි හේතුවෙන් අලි ඇතුන් මිය යාමෙන් තමා දැඩි සේ වේදනාවට පත්ව ඇති බව රජයේ වන සංරක්ෂණ අමාත්‍ය පරිමල් සුක්ලබයිඩියා ට්වීට් පණිවිඩයක් තබමින් සදහන් කර තිබේ.
අකුණු සැරවැදිමෙන් අලි 18 ක් මිය යයි ..!
සබරගමු පළාතේ ෆාමසි හැර සියලුම වෙළඳසැල් රාත්‍රි 7න් පසු වසා දැමේ !
සබරගමු පළාතේ ෆාමසි හැර සියලුම වෙළඳසැල් රාත්‍රි 7න් පසු වසා දැමීමට කටයුතු කරන ලෙස සබරගමු පළාත් ආණ්ඩුකාර ටිකිරි කොබ්බෑකඩුව මහතා පළාත් බලධාරීන් වෙත ඊයේ (11) දා දන්වනු ලැබ ඇත. ada.lk වෙබ් අඩවිය වාර්තා කරයි
ඒ මහතා මේ බව දැනුම් දි තිබුනේ එදින ZOOM තාක්ෂණය ඔස්සේ සබරගමුව පළාතේ සෞඛ්‍ය අංශ, රාජ්‍ය ආයතනවල ප්‍රධානීන් සමඟ පැවති රත්නපුර දිස්ත්‍රික් COVID 19 මර්දන කමිටුව සමඟ සාකච්ඡා කිරීමෙන් අනතුරුවය.
මෙම කමිටුවට සබරගමු පළාත් ආණ්ඩුකාර ටිකිරි කොබ්බෑකඩුව, ප්‍රධාන ලේකම් රංජනී ජයකොඩි, රත්නපුර දිස්ත්‍රික් ලේකම් මාලනී ලොකුපෝතාගම යන මහත්ම මහත්මීන් සහ සෞඛ්‍ය අංශ, රාජ්‍ය ආයතන හා අත්‍යවශ්‍ය සේවා සපයන ආයතන ප්‍රධානීහු එක්ව තිබුණි
සති අන්තයේ (මැයි 14,15,16) අත්‍යාවශ්‍ය වෙළඳසැල් හැර අනෙකුත් සියලුම වෙළඳසැල්( රෙදි සාප්පු, කොමියුනිකේෂන්, සැලෝන්, ගොඩනැඟලි ද්‍රව්‍ය අලෙවි ස්ථාන වැනි) වසා දැමීමට මෙහිදී තීරණය කෙරුණි.
COVID 19 රෝගය බහුලව වාර්තා වන ග්‍රාම නිලධාරී වසම් හුදකලා කිරීමට කඩිනමින් පියවර ගන්නා ලෙස සබරගමු පළාත් ආණ්ඩුකාරවරයා මෙහිදී සඳහන් කළේය.
පුස්තකාල, කියවීම් ශාලා, ළමා උද්‍යාන ආදිය නැවත දැනුම් දෙනු තුරු වසා තැබීමට ද, අදාල ප්‍රාදේශීය කොරෝනා කමිටුවේ තීරණයන්ට අනුව සති පොළ විවෘතව තැබීම පිළිබඳ තීරණ ගැනීම හා එහිදී අත්‍යවශ්‍ය ආහාර ද්‍රව්‍ය අලෙවිය සඳහා පමණක් සතිපොළ වෙළඳාම් සීමා කිරීමට ද මෙහිදී තීරණය විය.
මුලාශ්‍රය -ada.lk
රටේ ජනතාව ගැන අනුකම්පාවක් තියෙනවා නම් කැබිනට් මණ්ඩලය මේ වගකීම අරගන්න.
රට මුහුණ දෙමින් සිටින අර්බුදය ගැන හිටපු අගමැති රනිල් වික්‍රමසිංහ අද නිවේදනයක් නිකුත් කර තිබුණි.
ඒ තුලින් මතුකර ඇති ඒක වැදගත් කරුණක් වන්නේ කොරෝනා පාලනය හමුදාකරණය කිරම ඉතා පැහැදිලි ලෙසම අසාර්ථක බවය.රටේ ජනතාව ගැන අනුකම්පාවක් තියෙනවා නම් කැබිනට් මණ්ඩලය මේ වගකීම අරගන්න යැයි ඔහු කරන අවධාරණයෙන් කියැවෙන්නේ හමුදාකරණය කරන ලද කොවිඩ් පාලනයේ අසාර්ථ බව ඉතා පැහැදිලිය.
ඔහු විසින් කරන්නට යෙදුන සම්පුර්ණ නිවේදනය පහත පළවේ
දිනකට 100 මියයනතෙක් නොසිට දැන්වත් ක්‍රියාත්මක වෙන්න හිටපු අග්‍රාමාත්‍ය රනිල් වික්‍රමසිංහ මහතා අද 2021/05/10 නිකුත් කළ සම්පූර්ණ නිවේදනය
කොවිඩ් 19 රෝගයේ උග්‍ර තත්ත්වයකට අපි අද මුහුණ දීලා තියෙනවා.ජනතාවගේ සෞඛ්‍ය ආරක්ෂාව කඩා වැටෙනවා. කොවිඩ් 19 ව්‍යසනය දැන් ලංකාව පුරාම පැතිරෙනවා.
එන්න‍තේ හිගයක් තියෙනවා.
ඔක්සිජන් හිඟයක් තියෙනවා.
වෙන්ටිලේටර් හිඟයක් තියෙනවා.
රෝහල්වල ඇඳන් හිඟයක් තියෙනවා.
රෝහල් පිරිලා.
දිනෙන් දින මේ කොවිඩ් රෝගය වැඩි වෙනවා.
දැන් අපි ඉන්නේ තීරණාත්මක අවස්ථාවක.
අපේ වෛද්‍ය උපදෙස්, සෞඛ්‍ය උපදෙස් අනුව දැන් තීරණ ගන්නේ නැති නම් අපි අමාරුවේ වැටෙනවා.
වොෂිංටන් විශ්වවිද්‍යාලයේ Institute of Health Metrics and Evaluation (IHME) ආයතනය නිකුත් කළ නවතම වාර්තාවට අනුව අපේ රටත්, රෝගීන්ගේ සීග්‍ර වර්ධනයේ උපරිමයකට එන්න පුළුවන්.
ඒ වගේම දවසකට සියයකට වඩා මිය යා හැකි තත්ත්වයක් ජූනි ජූලි මාසය වෙන කොට එන්න පුළුවන්.ඒ නිසා මේ තීරණාත්මක අවස්ථාවේ අපි ඔක්කොම එකට එකතු වෙලා ක්‍රියා කළ යුතු වෙනවා.
මේක ආණ්ඩුවේ නම බේරා ගන්න සටනක් නොවෙයි.
ඒ වගේම මේක දේශපාලන සටනකුත් නොවෙයි.
ඇත්ත වශයෙන්ම මෙය ජනතාවගේ ජිවිත බේරන සටනක්. අපි ආණ්ඩු මාරු කරන්න කියන්නේ නැහැ.
මේ රටේ ව්‍යවස්ථාව අනුව රටේ වගකීම තියෙන්නේ කැබිනට් මණ්ඩලයටයි.ජනාධිපතිතුමාත්, කැබිනට් ඇමතිවරුත්, අපේ ජනතාව මෙම වසංගතයෙන් රැකගැනීම වෙනුවෙන් අවශ්‍ය පූර්ණ බලතල කැබිනට් මණ්ඩලයට ගත යුතුයි.
කොවිඩ් පාලනයට තියෙන කමිටු අසාර්ථක වෙලා තියෙන්නේ. මෙහි බරපතලකම ගැන කලින් කීවාට එකක්වත් එතනින් ක්‍රියාත්මක වෙලා නෑ.
ජනතාවගේ විශ්වාසය නැති වෙලා. අපි කියන්නේ කැබිනට් මණ්ඩලයට මේ බලතල දෙන්න.ජනාධිපතිතුමා හා කැබිනට් මණ්ඩලය මේ බලතල වහාම බාර ගන්න. මේ සතියෙම පාර්ලිමේන්තු විපක්ෂ නායකයින් සමග කතා කරන්න.
එයාලගේ සහයෝගය හා අදහස් ලබා ගන්න. ඔවුනුත් ඒ අවශ්‍ය සහයෝගය ලබලා දෙන්න අවශ්‍යයි. ඉක්මණින් ක්‍රියාත්මක වෙන්න. දැන්මම ක්‍රියාකළේ නැතිනම් ජිවිත ගණනාවක් නැති වෙන්න පුළුවන්. රටේ ජනතාව ගැන අනුකම්පාවක් තියෙනවා නම් කැබිනට් මණ්ඩලය මේ වගකීම අරගන්න. එතන පළපුරුද්දක් තියෙන අය ඉන්නවා. ඒ අනුව ක්‍රියාකරන්න කියලා මම විශේෂ ඉල්ලීමක් කරනවා.
දැන්මම ක්‍රියාකළේ නැතිනම් ජිවිත ගණනාවක් නැති වෙන්න පුළුවන් : හිටපු අගමැති රනිල් ගෙන් විශේෂ ප්‍රකාශයක් (VIDEO)
රටේ පවතින වත්මන් කොවිඩ් -19 ව්‍යාප්තිය සම්බන්ධයෙන් එක්සත් ජාතික පක්ෂ නායක රනිල් වික්‍රමසිංහ මහතා විශේෂ ප්‍රකාශයක් සිදුකර සිටිනවා.
කොවිඩ් 19 රෝගයේ උග්‍ර තත්ත්වයකට අපි අද මුහුණ දීලා තියෙනවා. ජනතාවගේ සෞඛ්‍ය ආරක්ෂාව කඩා වැටෙනවා. කොවිඩ් 19 ව්‍යසනය දැන් ලංකාව පුරාම පැතිරෙනවා. එන්න‍තේ හිගයක් තියෙනවා. ඔක්සිජන් හිඟයක් තියෙනවා. වෙන්ටිලේටර් හිඟයක් තියෙනවා. රෝහල්වල ඇඳන් හිඟයක් තියෙනවා. රෝහල් පිරිලා. දිනෙන් දින මේ කොවිඩ් රෝගය වැඩි වෙනවා.
දැන් අපි ඉන්නේ තීරණාත්මක අවස්ථාවක. අපේ වෛද්‍ය උපදෙස්, සෞඛ්‍ය උපදෙස් අනුව දැන් තීරණ ගන්නේ නැති නම් අපි අමාරුවේ වැටෙනවා.
වොෂිංටන් විශ්වවිද්‍යාලයේ Institute of Health Metrics and Evaluation (IHME) ආයතනය නිකුත් කළ නවතම වාර්තාවට අනුව අපේ රටත්, රෝගීන්ගේ සීග්‍ර වර්ධනයේ උපරිමයකට එන්න පුළුවන්. ඒ වගේම දවසකට සියයකට වඩා මිය යා හැකි තත්ත්වයක් ජූනි ජූලි මාසය වෙන කොට එන්න පුළුවන්. ඒ නිසා මේ තීරණාත්මක අවස්ථාවේ අපි ඔක්කොම එකට එකතු වෙලා ක්‍රියා කළ යුතු වෙනවා.
මේක ආණ්ඩුවේ නම බේරා ගන්න සටනක් නොවෙයි. ඒ වගේම මේක දේශපාලන සටනකුත් නොවෙයි. ඇත්ත වශයෙන්ම මෙය ජනතාවගේ ජිවිත බේරන සටනක්. අපි ආණ්ඩු මාරු කරන්න කියන්නේ නැහැ. මේ රටේ ව්‍යවස්ථාව අනුව රටේ වගකීම තියෙන්නේ කැබිනට් මණ්ඩලයටයි.
ජනාධිපතිතුමාත්, කැබිනට් ඇමතිවරුත්, අපේ ජනතාව මෙම වසංගතයෙන් රැකගැනීම වෙනුවෙන් අවශ්‍ය පූර්ණ බලතල කැබිනට් මණ්ඩලයට ගත යුතුයි. කොවිඩ් පාලනයට තියෙන කමිටු අසාර්ථක වෙලා තියෙන්නේ. මෙහි බරපතලකම ගැන කලින් කීවාට එකක්වත් එතනින් ක්‍රියාත්මක වෙලා නෑ. ජනතාවගේ විශ්වාසය නැති වෙලා.
අපි කියන්නේ කැබිනට් මණ්ඩලයට මේ බලතල දෙන්න.
ජනාධිපතිතුමා හා කැබිනට් මණ්ඩලය මේ බලතල වහාම බාර ගන්න. මේ සතියෙම පාර්ලිමේන්තු විපක්ෂ නායකයින් සමග කතා කරන්න. එයාලගේ සහයෝගය හා අදහස් ලබා ගන්න. ඔවුනුත් ඒ අවශ්‍ය සහයෝගය ලබලා දෙන්න අවශ්‍යයි. ඉක්මණින් ක්‍රියාත්මක වෙන්න.
දැන්මම ක්‍රියාකළේ නැතිනම් ජිවිත ගණනාවක් නැති වෙන්න පුළුවන්. රටේ ජනතාව ගැන අනුකම්පාවක් තියෙනවා නම් කැබිනට් මණ්ඩලය මේ වගකීම අරගන්න. එතන පළපුරුද්දක් තියෙන අය ඉන්නවා. ඒ අනුව ක්‍රියාකරන්න කියලා මම විශේෂ ඉල්ලීමක් කරනවා.
(නිව්ස්වයර් )
අන්දමන් දූපත්වල හිරකරන් ඉන්න මගේ තාත්තාව බේරල දෙන්න ..
පසුගිය ජනවාරියේ සිට අන්දමන් දූපත් වල රඳවා සිටින ඇගේ පියා නිදහස් කරන ලෙස ශ්‍රී ලංකාවේ තරුණ ඔලිම්පික් පදක්කම්ලාභී පාරමි මාරිස්ටෙලා බලධාරීන්ගෙන් ඉල්ලා ඇතැයි නිව්ස්වයර් වෙබ් අඩවිය සදහන් කරයි
පරාමිගේ පියා ධීවරයෙකු වන අතර ඔහු ඉන්දියානු වෙරළාරක්ෂක බළකාය විසින් රඳවාගෙන ඇති අතර ඇය කියා සිටියේ තම පවුලේ අය ආහාරපාන නොමැතිව ජීවත් වීමට පොරබදමින් සිටින බව ද සන්ඩේ ඔබ්සර්වර් හි සදහන්ය.
2018 යෞවන ඔලිම්පික් ක්‍රීඩා උළෙලේ ලෝකඩ පදක්කම දිනාගත් පරාමි, මෙම ජයග්‍රහණය ලැබූ පළමු ශ්‍රී ලාංකිකයා බවට පත්විය. ඇය 2018 දී ජපානයේ පැවති ආසියානු කනිෂ් ශූරතාවලියේ රන් පදක්කම්ලාභිනියකි.
“මෙය ගෙන ඒමට ස්තූතියි. තත්වය පිළිබඳව මම දනිමි. ඒ සඳහා අපි දැනටමත් අදාළ බලධාරීන් සමඟ කටයුතු කරමින් සිටිමු. ” මේ සම්බන්ධයෙන් ක්‍රීඩා අමාත්‍ය නාමල් රාජපක්ෂ ට්විටර් පණිවුඩයක් නිකුත් කරමින් කියා සිටියේය.
අපේ අයට එන්නත ලබානොදුන්නොත් ලබන සතියේ සිට පුද්ගලික බස් දුවන්නේ නෑ- ගැමුණු කියයි !
මෙම සතිය අවසන් වන විට සියලුම පෞද්ගලික බස් සේවකයින්ට සහ අයිතිකරුවන්ට එන්නත ලබා දීමට රජය සුදුසු පියවර නොගන්නේ නම්, ලබන සතිය වන විට පුද්ගලික බස් මෙහෙයුම් නවතා දමන බව ලංකා පෞද්ගලික බස් හිමියන්ගේ සංගමය (එල්පීබීඕඒ) අනතුරු අඟවා ඇතැයි ඩේලි මිරර් වෙබ් අඩවිය වාර්තා කර තිබේ.
ලංකා පෞද්ගලික බස් හිමියන්ගේ සංගමයහි සභාපති ගැමුණු විජේරත්න ඩේලි මිරර් පුවත්පතට පවසා තිබුනේ ඉහත කරුණු සම්බන්ධයෙන් රජයෙන් ඉල්ලීම් කිහිපයක් ඉදිරිපත් කර ඇති බවය.
”පෞද්ගලික බස්රථ ක්‍රියාකරුවන්ට වෛරසය වැළඳීමේ අවදානමට ලක්ව ඇති බැවින් මීට මාස දෙකකට පෙර එන්නත ලබා දෙන ලෙස අපි රජයෙන් ඉල්ලා සිටිමු. අපි සෞඛ්‍ය සේවා අධ්‍යක්ෂ ජනරාල්ගෙන් සෘජු ඉල්ලීම් ඉදිරිපත් කළෙමු. නමුත් රජය අපගේ ඉල්ලීම බැරෑරුම් ලෙස නොසලකන ලදී”.
සෞඛ්‍ය අංශය වැනි පෙරටුගාමී සේවකයින්ට එන්නත් කිරීම සඳහා රජය ගෙන ඇති පියවරට සමානව ප්‍රමුඛතාවය මත එන්නත ලබා ගැනීමට අපට අවශ්‍ය බව ගැමුණු විජේරත්න තවදුරටත් අවධාරණය කර තිබේ.
පුද්ගලික බස් සේවයේ අප ක්‍රියාකරුවන් 45,000 ක් පමණ සිටින අතර අයිතිකරුවන්ට ද එන්නත් ලබා දිය යුතු බව අපි අවධාරණය කරමු යැයි ඔහු කියා තිබේ.
තවද, ශ්‍රී ලංකා ටෙලිකොම් හෝ දුම්රිය දෙපාර්තමේන්තුව ඇතුළු ප්‍රවාහන අංශයේ කිසිදු සේවකයෙකුට එන්නත ලබා දී නොමැති බව විජේරත්න පවසා ඇත.
ඔවුන් අතර වෛරසය පැතිරී ගියහොත් ප්‍රවාහන අංශයේ බිඳවැටීමක් සිදුවිය හැකිය. එබැවින් මෙම සතිය තුළදී එන්නත ලබා දීමට රජය කිසිදු අර්ථවත් පියවරක් නොගන්නේ නම් ලබන සතිය වන විට ඔවුන්ගේ සේවය නවතා දැමීමට ලංකා පෞද්ගලික බස් හිමියන්ගේ සංගමය තීරණය කර ඇති බව විජේරත බලධාරින්ට මේ අනුව දැනුම් දි තිබේ
රටේ ජනතාව එන්නත් නොමැතිව පණ අදිද්දී සුද්දන්ට සැප දෙන්න හදන බ්‍රිතානයේ මහකොමසාරිස්වරිය !
ජුනි මාසයේදී සිදුකිරීමට නියමිත ශ්‍රී ලංකා ක්‍රිකට් කණ්ඩායමේ එංගලන්තය සංචාරය තුළ දී ශ්‍රී ලංකාවේ ප්‍රතිරූපය නංවාලීම හා එරට සංචාරකයින් ආකර්ෂණය කර ගැනීම සඳහා යයි කියමින් බ්‍රිතාන්‍යයේ ශ්‍රී ලංකා මහකොමසාරිස් සරෝජා සිරිසේන, රුපියල් මිලියන 6.7කට වැඩි මුදලක් වියදම් කරමින් සිදුකිරීමය යන ව්‍යාපෘතියක් සම්බන්ධයෙන් එරට වෙසෙන ශ්‍රී ලාංකිකයින් පිරිසකගෙන් බලවත් විරෝධයක් එල්ලවී ඇත.
කොරෝනා වසංගත තත්ත්වය උත්සන්න වීමත් සමග ශ්‍රී ලාංකීය ජනතාව බරපතල පීඩාවකට පත්ව සිටියදී, ඇය විසින් මෙවැනි මුදලක් වැයකිරීමට යන්නේ ඇයගේ ප්‍රතිරූපය ගොඩනගා ගැනීම සඳහා බවට ඔවුන් චෝදනා කරති.
ශ්‍රී ලංකා ක්‍රිකට් ආයතනය, සංචාරක මණ්ඩලය හා ශ්‍රීලන්කන් ගුවන් සේවය මුල කරමින් අය මෙවැනි ව්‍යාපෘතියකට අතගසා ඇත්තේ, අමාත්‍ය නාමල් රාජපක්ෂ තමාගේ සමීපතම මිතුරකු බව පවසමින් දේශපාලන බලය ද අතට ගනිමින් බව එම ශ්‍රී ලාංකිකයින් කියා සිටියි.
එරට වෙසෙන එම ශ්‍රී ලාංකිකයින් පිරිසක ‘ද ලීඩර්’ වෙත මෙවැනි අනාවරණයක් සිදුකර ඇත්තේ, ඇයගේ ඉතිහාස කල්ක්‍රියාවන් ද සිහිපත් කරමිනි. ඇය මිට ඉහතදී ඇගේ ඇසේ අක්‍රමිකතාවයකට වෛද්‍ය ප්‍රතිකාර සදහා රුපියල් මිලියන ගණනක් හිටපු විදේශ කටයුතු ලේකම් රවිනාථ ආර්යසිංහගේ නිර්දේශය මත ලබාගත් බව ද ඔවුන් සිහිපත්කර තිබේ. බ්‍රිතාන්‍යයේ වෙසෙන ශ්‍රී ලාකික පිරිසකගේ අත්සනින් යුතුව අපවෙත යොමුකර ඇති ලිපිය, ඇයට පෞද්ගලික අපහාසයක් නොවන අයුරින් සංස්කරණය කර පහත පළකර තිබේ.
රවිනාථ ආර්යසිංහගේ නිර්දේශය මත සරෝජා සිරිසේනව ලන්ඩනයේ ශ්‍රී ලංකාවේ මහ කොමසාරිස්වරිය ලෙස පත් කරනු ලැබුවේ හිටපු ජනාධිපති මෛත්‍රීපාල සිරිසේනයි.
”ලන්ඩනයේ ශ්‍රී ලංකාවේ මහ කොමසාරිස්වරිය ලෙස වැඩ භාරගත් පසුත් සරෝජා සිරිසේන තවමත් සිය අත්තනෝමතික ක්‍රියාකලාපයන් වෙනස් කරගෙන නොමැති බව පසුගිය දිනවල පළවූ මාධ්‍ය වාර්තාවලින් අනාවරණය වේ.
බ්‍රිතාන්‍ය මහ කොමසාරිස් කාර්යාලයේ කීප දෙනෙකුට කොරෝනා වැළඳී ඇති අවස්ථාවේ ඇය දැරූ වගකීම් විරහිත ආකල්පය සහ ඒ කිසිවක් මායිම් නොකරමින් කටයුතු කල ආකාරය පිළිබද තොරතුරු අදත් අන්තර්ජාලයේ සටහන්ව ඇත. මේ අතර මහකොමසාරිස් කාර්යාලය නාඩගම් මඩුවක් වී ඇති ආකාරය, අමාත්‍යාංශයට බොරු කීම, විවාහක තරුණියකට මහකොමසාරිස් කාර්යාලය තුලදීම ශාරීරික හිරිහැර සිදුවීම, චක්‍රලේඛයට පිටින් වැඩකිරීම වැනි කරුණු සාක්ෂි සහිතව විවිධ සමාජ මාධ්‍ය විසින් වාර්තා කර තිබිණ.
තමාව පුම්බාගැනිමේ අලුත්ම වැඩපිළිවෙල !
අද කතාව මේ සියල්ලගේම දිගුවක් හැටියට සදහන් කල හැක . අපට ලැබෙන නවතම තොරතුරු සහ අප ඉදිරිපත්කරන සාක්ෂි වලට අනුව ලන්ඩනයේ ශ්‍රී ලංකාවේ මහ කොමසාරිස්වරිය සුදානම් වන අලුත්ම ගේම් ප්ලැන් එක සහ තමාව පුම්බාගැනිමේ වැඩපිළිවෙල ඇගේම වචනවලින් මෙසේය.
ශ්‍රී ලංකා ක්‍රිකට් කණ්ඩායම 2021 ජුනි සහ ජූලි මාසවලදී එංගලන්ත ක්‍රිකට් කණ්ඩායම සමඟ තරඟාවලියක් සඳහා එංගලන්තයේ සංචාරය කරනු ඇත. එක්සත් රාජධානියේ ශ්‍රී ලංකාව ප්‍රවර්ධනය කිරීම සඳහා මෙය කදිම අවස්ථාවක් වනු ඇති හෙයින්, එංගලන්ත සංචාරයේ වාසිය ලබා ගැනීමට ශ්‍රී ලංකාවේ මහ කොමසාරිස්වරිය බලාපොරොත්තු වේ.
ඒ අනුව, ජුනි 23 හෝ 24, ජුනි 26, 29 ජුනි 29 සහ 2021 ජූලි 01 වන දින එක්සත් රාජධානියේ රජයේ උසස් නිලධාරීන්, පාර්ලිමේන්තු මන්ත්‍රීවරුන්, කර්මාන්ත නායකයින්, ප්‍රමුඛ සංචාරක ක්‍රියාකරුවන් සහ වෙනත් බලපෑම් කරන්නන් ඇතුළු වැදගත් අමුත්තන්ට කොමසාරිස්වරිය සමග තරග නැරඹීමට ආරාධනා කිරීමට බලාපොරොත්තු වේ.
මහකොමසාරිස්වරියට අනුව මේ පිරිස සමග මෙහිදී තරගය නරඹන අතරේ ශ්‍රී ලංකාව ප්‍රවර්ධනය, සංචාරක චාරිකා, තේ, වෙළඳාම සහ ශ්‍රී ලංකාව තුල ආයෝජනය කිරීමට ඇය බලාපොරොත්තු වන බව සදහන් කරයි.
ඉහත සදහන් පිරිස තරඟ නැරඹීම සදහා ඇය විසින් රුපියල් මිලියන 6.7ක (දල වශයෙන්) මුදලක් ශ්‍රී ලංකාවෙන් ඉල්ලා ඇති අතර එය තරගයෙන් තරඟයට මෙසේය.# කාර්ඩිෆ් හි පැවතෙන T20 තරගයට එක් අයකුට වියදම රුපියල් 105,300.00 සහ මුළු වියදම රුපියල් 1,263,600.00# සවුත්හැම්ටන් හි පැවතෙන T20 තරගයට එක් අයකුට වියදම රුපියල් 145,530.00 සහ මුළු වියදම රුපියල් 1,746,360.00# චෙස්ටර් ලි ස්ට්‍රීට් හි පැවතෙන එක්දින තරගයට එක් අයකුට වියදම රුපියල්145,800.00 සහ මුළු වියදම රුපියල් 1,749,600.00# ඕවල් හි පැවතෙන එක්දින තරගයට එක් අයකුට වියදම රුපියල්161,730.00 සහ මුළු වියදම රුපියල් 1,940,760.00
බ්‍රිතාන්‍යයේ ශ්‍රී ලංකා මහකොමසාරිස්වරිය වන සරෝජා සිරිසේන ශ්‍රී ලංකා ක්‍රිකට් කණ්ඩායම දිරිගන්වමින් ක්‍රිකට් තරඟ නැරඹීමට යාම අගය කළයුතු කරුණක් වුවද, ලංකාවේ සංචාරක අමාත්‍යංශය නොමඟ යවා ශ්‍රී ලංකාවේ අහිංසක මිනිසුන්ගේ බදු මුදලින් විදේශිකයින්ට විනෝදවීමට අවස්ථාව ලබාදීම කිසිඳු ලෙසකින් අනුමත කළ නොහැක.
ශ්‍රී ලංකාවේ සංචාරක කර්මාන්තය ප්‍රවර්ධනය කිරීමට සංචාරක චාරිකා වැඩිකරනවා, තේ වෙළඳාම වැඩිකරනවා සහ ශ්‍රී ලංකාව තුල ආයෝජනය වැඩිකරනවා කියා ඇය විසින් කරන ප්‍රකාශ කිසිඳු ලෙසකින් පිළිගත නොහැක්කේ ඇය සිය රාජ්‍යතන්ත්‍රීක සේවා කාලය තුළ මෙතෙක් එවැනි කිසිඳු ආකාරයේ මැදිහත්වීමක සිදුකර නොමැති තත්වයක් තුලය.
සරෝජාට ප්‍රශ්න පත්‍රයක් !
එවැනි වටපිටාවක් තුල අපට බ්‍රිතාන්‍යයේ ශ්‍රී ලංකා මහකොමසාරිස්වරිය ගෙන් ඇසීමට ප්‍රශ්න කීපයක් ඇත. ඒවා මෙසේය.
1- ඔබතුමියට එක්සත් රාජධානියේ ඉහල රාජ්‍ය නිලධාරීන්, පාර්ලිමේන්තු මන්ත්‍රීවරුන් වැනි ප්‍රභූන් සමග සමීප සම්බන්ධතාවයක් තිබේනම්, ශ්‍රී ලංකා රජයට එරෙහිව ජිනීවා අර්බුදයේදී ලෝර්ඩ් නෙස්බි හැර වෙනත් කිසිවකුගේ සහය ලබානොගත්තේ ඇයි ?
2- එසේ, ජිනීවා ප්‍රශ්නෙදි ඔබට එකතුකරගත නොහැකිවූ එක්සත් රාජධානියේ රජයේ ඉහල නිලධාරීන්, පාර්ලිමේන්තු මන්ත්‍රීන් ක්‍රිකට් තරග වලට ගෙන ඒමට ලැබුනේ කෙසේද ?
3- මෙපමණ කලක් අප නොදුටු, ඔබ කියන එක්සත් රාජධානියේ රජයේ උසස් නිලධාරීන්, පාර්ලිමේන්තු මන්ත්‍රීවරුන් කවුරුන්ද ? නැතිනම් මෙපමණ කලක් ශ්‍රී ලංකාවට ජාත්‍යන්තර සහය අවශ්‍ය වූ විටදී නිදා සිටියාද ?
4 – ඔබ කියන එක්සත් රාජධානියේ රජයේ උසස් නිලධාරීන්, පාර්ලිමේන්තු මන්ත්‍රීවරුන් ඉහත තරග 4 බැලීම සදහා පැමිණෙන බවට ඔබට ඇති සහතිකය කුමක් ද?
5- තරඟයෙන් තරඟයට පැමිණෙන එක්සත් රාජධානියේ රජයේ ඉහල නිලධාරීන්, පාර්ලිමේන්තු මන්ත්‍රීවරුන්ගේ profile එක සහ ශ්‍රී ලංකාවට ඇති ප්‍රයෝජනය සාධාරණිය කල හැකිද ?
6 – මෙපමණ කලක් Cricket hospitality activities වියදම් සඳහා ශ්‍රී ලන්කන් ගුවන් සමාගම අනුග්‍රහය දැක්වුවද, පවතින තත්වය තුල ඔවුන් එය ප්‍රතික්ෂේප කර ඇති අතර මෙකි සේවාවන් ශ්‍රී ලංකා මහකොමසාරිස් කාර්යාලය විසින් කිරීමට තීරණය කලේ කවුරුන්ද ?
7- ශ්‍රී ලන්කන් ගුවන් සමගම මෙවර අනුග්‍රහය දැක්වීමට මැලිවූ විට ඉහත මුදල සංචාරක අමාත්‍යංශය හරහා ශ්‍රී ලන්කන් ගුවන් සමාගමට එවන ලෙස ඉල්ලීම් කලේ මන්ද? කුමන හේතුවක් නිසාද? නැතිනම් සුපුරුදු පරිදි මෙවරත් තමන්ගේ ඇග බේරා ගෙන ශ්‍රී ලන්කන් ගුවන් සමාගම බිල්ලට දීමට සැරසෙන්නේ ද ?
8 – ශ්‍රී ලංකාවේ වර්තමාන කොරෝනා තත්වය තුල බ්‍රිතාන්‍ය සංචරකයිනට ශ්‍රී ලංකාවට පැමිණිය හැකිද? සහ ඔබ කියන පිරිස ඒ සදහා ලබාදෙන දායකත්වය කෙබදුද ?
9- මේ වන විට ඇම්බර් ලිස්ට් එකේ තියන ලංකාව බොහෝ දුරට රෙඩ් ලිස්ට් එකට වැටෙන්න ඉඩ තියන අවස්ථාවක මෙවැනි දෙයකට යොමු වන්නේ කුමන හේතුවකටද ?
10 -වර්තමාන නීතියට අනුව එංගලන්ත පුරවැසියෙකුට එංගලන්තයෙන් පිටවීමට අවසර ඇත්තේ සාධාරණ නිදහසට කරුණක් ඇත්නම් පමණක් බව මහකොමසාරිස්වරිය හැටියට ඔබ නොදන්නවාද ?.
11 – ඉහත තත්වයන් තුල ජාත්‍යන්තරය තුල සහ ක්‍රීඩා ලෝලීන් අතර මාධ්‍ය තුල මෙකි තරඟවලට තියන උනන්දුව පිළිබඳව ඔබට වැටහීමක් තිබෙනවාද? ඔබ අවසාන වශයෙන් නරබපු ක්‍රිකට් තරගය කුමද ? කුමන වසරේදීද ?
12- බ්‍රිතාන්‍යයේ අග්‍රාමාත්‍යවරයා ක්‍රීඩා තරඟ සඳහා මෙතෙක් කොවිඩ් නීතිරීති වෙනස් කර නොමැති තත්වයක සහ පසුබිමක් තුල ඔබ මෙවැනි දෙයක් සංවිධානය කරනු ලබන්නේ කුමන හේතුවක් නිසාද? මීටරයක් පරතරය තබාගෙන ඔබ හිතන ප්‍රවර්ධනය කල හැකිද ?
13- සුපුරුදු පරිදි මෙවරත් ඔබ කැබිනට් අනුමැතියක් නොමැතිව විශේෂ ටෙන්ඩර් මණ්ඩලයකින් ඉහත මුදල් ඉල්ලා සිටියේ, කුමන හේතුවක් නිසාද ?
14- ඔබ කියන සම්බන්ධතා යොදා ගනිමින් එංගලන්තයේ තිබෙන සංවිධාන හරහා ශ්‍රි ලංකාවේ කොරෝනා මැඩලීමට ඔබට හැකියාවක් නැතිද ?
15- එංගලන්තය තුල ceylon තේ සඳහා ඇතිවී තිබෙන තත්වය ඔබ සැබවින්ම දන්නවාද ? ඔබ බ්‍රිතාන්‍යයේ සිටි වසර දෙකක කාලය තුළ ශ්‍රී ලංකා තේ ප්‍රවර්ධනයට කළ කී දෑ මොනවාද ? එංගලන්තයේ රෝහලකට ගොස් ලංකාවේ තේ පෙට්ටි කීපයක් දී ජයාරූප කිහිපයක් අන්තර්ජාලයේ පළකලේ තමන්ගේ ප්‍රතිරූපය ඉස්මතුකරලීම තවත් සෙප්පඩ විජ්ජාවක්ද ?
16- ඔබ බ්‍රිතාන්‍යයේ ශ්‍රී ලංකා මහකොමසාරිස් වූ පසු ව්‍යාපාරිකයින් කීදෙනෙක් ශ්‍රී ලංකාව තුළ ආයෝජනය කිරීම සදහා මුලික වී තිබෙනවාද ? එය මුදල් වලින් කොපමණ මුදලක්ද ?
බ්‍රිතාන්‍යයේ ශ්‍රී ලංකා මහකොමසාරිස් කාර්යාලය නඩත්තු කිරීමට බදු ගෙවන අහිංසක ශ්‍රී ලංකික ජනතාව හදිසි කොරෝනා තත්වයන් තුල රෝහල් නොමැතිව, එන්නත් නොමැතිව අසරණව සිටින මොහොතක රෝහල් කාර්ය මණ්ඩලවලට අවශ්‍ය පහසුකම් නොමැති මොහොතක මහකොමසාරිස්වරියගේ ප්‍රතිරූපය නංවා ගැනීම සඳහා යෝජනා කර ඇති මෙවැනි ප්‍රචාරක ව්‍යපෘති කිසිඳු ශ්‍රී ලාංකිකයකුට අනුමත කළ හැකි ද?
බ්‍රිතාන්‍යයේ ශ්‍රී ලංකා මහකොමසාරිස්වරයෙකු හෝ වරියක් ඉතිහාසයේ කිසිදිනක මෙසේ හැසිරී නොමැත. කිසිම අවස්ථාවක ක්‍රිකට් තරඟ හරහා hospitalay box වල කැපී පෙනෙන්නට දැඟලුවේ නැත. මතක ඇති කලෙක මහකොමසාරිස්වරයෙකු හෝ වරියක් මෙසේ හොරපාරේ මුදල් ඉල්ලා ලංකාවට ලියුම් යවා නැත…
මෙවැනි නිලධාරීන් සිටන විටදී සර් ෆේල් වන එක අහනත් දෙයක්ද ? හැබැයි සරෝජා සිරිසේන නම් කියන්නේ එයා නාමල්ගේ ලගම හිතවතියක් කියා .. එනිසා කිසිවෙක් ඇයට අත නොතබන බවයි. සරෝජා සිරිසේනට ක්‍රිකට් තරග නැරඹීමට අවශ්‍යනම් ඇයගේ දොස්තර සැමියා සමග යා හැක. අප විශ්වාස කරනවා ඔහුට සරෝජාට තරගය බැලීමට ටිකට් පතක් ගැනීමට පුළුවන් කමක් තිබෙන බවට. අනික් කරණය නම් තවදුරටත් ශ්‍රී ලංකා සංචාරක ආයතනය සරෝජාගේ ගැටවලට හසුවීම නැවතිය යුතුය. නියම ආකාරයේ ප්‍රවර්ධන සේවාවන් නිසි කලදී නිසි වේලාවට සිදුකරන්න. එවිට ශ්‍රී ලංකාව බලාපොරොත්තු වන ඉලක්ක වලට යාමට හැකිවනු ඇත.
බ්‍රිතාන්‍යයේ ශ්‍රී ලංකා මහකොමසාරිස්වරිය මුදල් ඉල්ලා යොමුකළ ලිපිය සහ මිල ගණන් පහතින් (exchange rate calculate at : £1 = Rs.270)
theleader.lk
ව්‍යාජ නෝට්ටු වලින් පරිස්සම් වෙන්න …
ව්‍යාජ ඩොලර් 100 නෝට්ටු සහ ශ්‍රී ලංකා මුදල් නෝට්ටු ගණනය කිරීමේදී සුපරීක්ෂාකාරී වන ලෙස පොලිසිය මහජනතාවට අනතුරු ඇඟවා තිබේ.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ පැවසුවේ අපරාධ විමර්ශන දෙපාර්තමේන්තුව (සීඅයිඩී) විසින් මෙම වංචාවන් අනාවරණය කර ඇති බවය.
ව්‍යාජ මුදල් නෝට්ටු මුද්‍රණය කිරීම සම්බන්ධයෙන් අප්‍රේල් මාසය තුළ පොලීසිය විසින් වැටලීම් කිහිපයක් සිදු කර ඇති බව ඔහු පවසා තිබුණ අතර ශ්‍රී ලංකා මුදල් නෝට්ටු මුද්‍රණය කිරීමට අමතරව වැරදිකරුවන් ව්‍යාජ ඩොලර් 100 නෝට්ටු මුද්‍රණය කර ඇති බව රහස් පොලිසිය විසින් කරන ලද පරීක්ෂණවලින් හෙළි වී තිබෙන බවද හෙළිකර සිටියේය.
ඩොලර් හුවමාරු කර ගැනීමේදී සුපරීක්ෂාකාරී වන ලෙස පොලිසිය ජනතාවට උපදෙස් දුන් අතර ව්‍යාජ මුදල් නෝට්ටු පිළිබඳ තොරතුරු 0112-326670 හෝ 0112-320145 යන දුරකථන අංකයට දැනුම් දෙන ලෙස ජනතාවගෙන් ඉල්ලා සිටියේය.
වෙළද කලාපයෙන් ඇහෙන තවත් ශෝකී කථාවක් ….
(කටුනායක) මේ කතාව අහන්න ලැබෙන්නෙත් කටුනායක නිදහස් වෙළඳ කලාපයේ ප්‍රින්ටින් ආශ්‍රිතව නිෂ්පාදනයන් කරන කර්මාන්ත ශාලාවකිනි.එහි සේවකයන් අප හා පැවසුවේ දැනටමත් covid positive කම්කරුවන් දහ දෙනෙක් පමණ සිටින අතර ඊයේ දින පමණක් හතර දෙනකු හමුවී ඇති බවයි.
ඔවුන් හතර දෙනා රාත්‍රී සේවයේ යෙදෙන අතරතුර උණ රෝගය සැදුණ නිසා නිරෝධායන මධ්‍යස්ථාන වෙත රැගෙන ගොස් ඇත. දැනට මෙම දාහතර දෙනා ම ගෙන ගිය ස්ථානයක් අනෙකුත් සේවකයින් නොදන්නා අතර සේවකයින්ට ඒබව පාලක විසින් පවසා නැත.
සේවක සේවිකාවන් තුන් දහසක් පමණ එකම ගොඩනැගිල්ලක් තුළ ඉතා ළං ළං ව සේවය කරන අතර මෙම ආයතනයේ කොවිඩ් සෞඛ්‍යය නීති රිති අනුගමනය නොකරන බවද සේවකයින් පවසයි.
ඉතා ළං ළංව සේවය කරන ආකාරයෙන් මැෂින් සවිකර ඇති අතර එහි සේවකයන් වරකට පහළොවක් විස්සක් ක් අතර ප්‍රමාණයක් සේවයෙහි යෙදේ.මෙලෙස මීටරයක් තබා අඩියක්වත් දුර නැති ලෙස විසබීජහරණය දුරස්ථ තාවය ආදී කොරෝනා නීතිරීති නොතකමින් සේවයෙහි යෙදවීම තුළ කම්කරුවන් ගේ ජීවිත වලට ඉතාමත් අනාරක්ෂිත තත්ත්වයක් උදාවී ඇතැයිද මොවුන් පවසයි.
ඒ වගේම මෙම ආයතනයේ පාලකයින් සේවකයින්ට බල කරන්නේ කිසිදු හේතුවක් නිසා නිවාඩු ලබා නොගන්නා ලෙසත් දිගටම සේවයට පැමිණෙන ලෙසත් කොවිඩ් හැදුනොත් නිරෝධායන මධ්‍යස්ථාන වලට ගෙනියන බවත් වැඩට ආවේ නැත්නම් පඩි නොගෙවන බවත්ය..
නමුත් සේවකයින් පවසන්නේ සේවය අහිමි වේයැයි තිබෙන බය නිසා සේවයට පැමිණියත් මෙම ආයතනය කොවිඩ් නීති රීති අනුගමනය නො නොකරන බැවින් තමන්ට තමන්ගේ ජීවිත පිළිබඳව දැඩි අනතුරක් දැනෙන බවත් මේ පිළිබඳව බලධාරීන්ගේ අවධානය යොමු කොට තමාට සහනයක් ලබා දෙන ලෙසත් ය._
තිහාරියේ කථාවක් …
මෙම සිදුවීම වාර්තා කරන්නේ තිහාරියේ සහ හොරගස් මංකඩ ප්‍රදේශවල පවත්වාගෙන යන ත් ග්ලවුස් ආශ්‍රිත ආයතනයක සේවකයන් පිරිසක් විසිනි.
මෙම ආයතනවල සේවකයන් දහසකට අධික ප්‍රමාණයක් සේවයෙහි නිරත වන අතර ඔවුන් ග්ලවුස් නිපදවීමේ යෙදෙන නිසා අත්‍යොවශ්‍ය සේවාවක් වන බැවින් නිවාඩු නොගෙන සේවයට පැමිණෙන ලෙස පාලනාධිකාරිය දන්වා ඇත.මෙම ආයතන වල කොවිඩ් නීති රීති අනුගමනය කිරීම මන්දගාමී බවත් තවමත් කිසිම සේවකයෙකු සඳහා PCR පරීක්ෂණ කර නොමැති බවත් එසේ නොකරන්නේ PCR කරොත් covid positive සේවකයන් සිටියහොත් ආයතනය වසා දමන්නට සිදු වන නිසා බව සේවකයින්ගේ අදහසයි.
මේ නිසා රට තුළ පවතින කොවිඩ් වසංගතය මධ්‍යයේ සේවය කිරීම මත තමා ගේ ජීවිතවලට අනාරක්ෂිත බවක් පවතින හෙයින් අදාළ බලධාරීන් ගේ අවධානය යොමු කොට තමන්ට අවශ්‍ය පරීක්ෂණ ටික සිදු කරන ලෙස සේවකයෝ දිගින් දිගටම ඉල්ලා සිටී.කෙසේ කළහොත් නිරෝගී සේවකයන් ලෙස තමන්ට ආයතනයේ ප්‍රගතිය උදෙසා බියකින් සැකයකින් තොරව සේවය කළ හැකි බව ද සේවකයෝ පවසති.
(චන්ද්‍රා දේවනාරයනගේ ෆේස්බුක් පිටුවෙනි )
යාපනේ නගර සභා සේවකයන් 5 දෙනෙකු 4 වෙනි තට්ටුවට ????
යාපනය මහනගර සභාව විසින් යාපනය නගරය පිරිසිදුව තබා ගැනීමට සහ දඩ මුදල් අය කිරීමේ යන කරුණු අරභයා කටයුතු කිරිමට විශේෂ ඒකකයක් ස්ථාපිත කර තිබුණි.
ඔවුන් ඇද සිට තිබුනේ විශේෂ නිල්පැහැති නිල ඇදුමකි.
යාපනය නගරාධිපති නිතිඥ මනිවානන් කියා තිබුනේ ඒ ඇදුම කොළඹ මහනගර සභාවේ ඒ හා සමාන ඒකකයක ඇදුමට සමාන ලෙසින් සකස් කළ බවය.
එහෙත් පොලිසිය විසින් නගරාධිපතිවරයා අත්අඩංගුවට ගෙන තිබුනේ යාපන නගරසභා සේවකයන්ගේ නිළ ඇදුම එල්.ටි.ටි.ඊ සංවිධානයේ පොලිසියේ ඇදුමට සමාන කම් දක්වන බව කියමිනි.
පැය ගණනාවක් ප්‍රශ්ණ කිරිමෙන් අනතුරුව නගරාධිපතිවරයාව ඇප මත මුදාහැර තිබුණි.
මේ අතර යාපන නගර සභාවේ සේවකයන් 5 දෙනාව ප්‍රශ්ණ කිරිම සදහා යැයි කියමින් මැයි මස 11 වනදා පෙරවරු 9 ට කොළඹ සිව්වන මහලේ පිහිටි ත්‍රස්ත විමර්ශන අංශයේ කාර්යාලයට කැඳවා ඇතැයි බැටි නිව්ස් වෙබ් අඩවිය වාර්තා කොට තිබේ.
කෙසේ වෙතත් උතුරු නැගෙනහිර ප්‍රදේශය තුල මානව හිමිකම් වලට තර්ජනක් එල්ල කරන බවට පොලිසියට දැනටමත් චෝදනා රැසක් එල්ල වෙමින් තිබේ.