ඔය රෝයල්, තෝමියන් කට්ටිය බිග් මැච් කාලෙට පරණ වෝක්ස්වැගන් බිටල්, කණේ මයිල්, මිනි කූපර්, පරණ ෆෝඩ්, ලෑන්ඩ් කෘසර් වගේ ටිකක් අමුතු වාහන ගෙනැල්ල කොළඹ පුරෝලා විදී සංචාරයේ නිරත වෙනවා.    ඕවට කියන්නේ ක්ලැසික් වාහන කියල. ඒක එක ට්‍රෙන්ඩ් එකක්. 

    සමඟි බලවේගයේ කට්ට්ය ලෑන්ඩ් මාස්ටර් වලින් විරෝධතා වීදි සංචාර පවත්වද්දී සජිත් මහත්තයා මිනි කූපර් එකෙන් ගියෙත් ටිකක් අර බිග් මැච් ගට් ෆීලින් එකෙන් කියල හිතෙනවා.   

  ඒ විරෝධතාවේ බිග් මැච් එකක තරම්වත් කිසි අලුත් බවක් නැහැ. නිර්මාණශීලි බවක් නැහැ. පන්ච් එකක් නැහැ. ඔහේ යන්නන් වාලේ යනවා වගේ තමයි පෙනෙන්නේ.   

රහක් නැහැ විතරක් නෙවෙයි අර එලීට් සෙකුරිටි එක දැක්කම තවත් මිනිස්සු අවුල් වෙනවා.      ඒ වැඩේ එහෙම යද්දී රනිල් ස්වර්ණවාහිනියට ගිහිල්ල අමුතු විදියේ කලස් පෙන්නනවා. 

    කාටවත් ලොකු අදහසක් තිබ්බේ නැති මානවම්ම රජ්ජුරුවෝ ගැන විස්තරයක් කියල නිකම් සිංහල බෞද්ධ අයට මැජික් එකක් වගේ දෙයක් පෙන්නලා කට්ටිය කොර කරලා දානවා. ඒක වෛරල් වෙලා නැගල යනවා.      මිනි කූපරේ රෝඩ් ෂෝ එක නිකම්ම නිකම් අල වෙලා යනවා. එතන තමයි

පොලිටිකල් නිලය තියෙන්නේ.    ඇත්ත දේශපාලඥයා කියල කියන්නේ කිසිම නිශ්චිත දෙයක් නොකියන කෙනෙකුට කියල පරණ බටහිර කියමනක් තියනවා.      මානවම්ම රජ්ජුරුවෝ සහ පශ්චාත් කොරෝනා ගෝලීය අර්බුදය කියන අතිශයින් සංකීර්ණ ප්‍රපංචය අතර කිසිම එකට එකේ සම්බන්දයක් නැහැ කියල රනිල් හොඳට දන්නවා. ප්‍රශ්න අහන නිවේදකයොත් දන්නවා. ඒවා බලන් ඉන්න මිනිස්සුත් දන්නවා.     

හැබැයි ඒ කොච්චර දැනගෙන හිටියත් මානවම්ම රජ්ජුරුවෝ නැවත පසු ගෝලීය ලෝකයක ජීවමාන වෙනවා.      අපි කවුරුත් නොදන්නා සහ නොසිතපු ‘කෑල්ලක්’ දාල රනිල් ඒ මොහොතෙන් ගොඩ යනවා.      දැන් වැඩේ යන විදිය දන්නා නිසයි කිසිම නිශ්චිත දෙයක් එයා නොකියන්නේ. නිශ්චිත කියල අපි හිතන මේ අවුලින් අපි ගොඩ එන්න මොනවද කරන්න ඕනි, අනාගත ආර්ථික සැලසුම් මොන වගේද, අධ්‍යාපනය මොන වගේ වෙන්න ඕනිද වගේ දේවල් වලට ‘නිශ්චිත’ කිසිම දෙයක් නොකියන්න එයා වගබලා ගන්නවා.   

  එයා දන්නවා මේ තියෙන්නේ පැටලෙන්න ඕනි වෙලාවක් නෙවෙයි ලෙස්සල යන්න ඕනි වෙලාවක් කියල. ඒකත් යම් දේශපාලනික දක්ෂ කමක් තමයි.       මෙවන් පට්ට අවිනිශ්චිත වෙලාවක නිශ්චිත දේවල් කියන්න ගිහිල්ලා වැඩේ අල කර ගන්නේ නැහැ එයා. එයා දන්නවා දෙනලද එක් එක් මොහොතින් ෂේප් වෙලා යන්න ඕනි කියල.     

එයා දන්නවා අර්බුදය ඇතුළතින් පුපුරා යන්න තරම් මෝරනවා කියල. දැන් යන විදියට ලොකුවට දඟලන්න ඕනි නැහැ කියල.    බිංදුවට පැරදිලා ගෙදර ගිහිල්ල අවුරුද්දක් ගියේ නැහැ ආයේ ස්පොට්ලයිට් වෙමින් යනවා කියල.     කවුරුත් මේ කාලේ දැනගෙන නොසිටිය මානවම්ම රජ කෙනෙක් ගැන දැන් කට්ටිය දන්නවා.     

වරක් නෙරපා හැරලා පස්සේ පල්ලව රාජ්‍ය අනුග්‍රහය යටතේ කිසි අපහසුවක් නැතිව ලංකාවේ රාජ්‍යත්වය ගත්ත රජ කෙනෙක් තමයි මානවම්ම කියන්නේ. රනිල් ඒ උදාහරණය ගෙනාවේ කට කහනවට නෙවෙයි. අතීතය ඔස්සේ ලොකු අවිඥාණික දේශපාලනයක් දනවන්න. බලය කියන්නේ මාර අවිනිශ්චිත, පුරෝකතනය කල නොහැකි, ලෙස්සන සුළු දෙයක් කියල පෙන්නන්න.    එයා දන්නවා අතීතයෙන් ලොකු වැඩක් නැහැ කියල. හැබැයි මැජික් පෙන්නන්න නම් අතීතය ඕනි කියල.    දේශපාලනය කියන්නේ රෝඩ් ෂෝ එකකට වඩා ගොඩක් වැඩි දෙයක්.    මානවම්ම දේශපාලනයේ ඇත්ත පාඩම ඒක.    

  (මහේෂ් හපුගොඩ)  දේශපාලන හා සමාජ විශ්ලේෂක  (Mahesh Hapugoda ගේ ෆේස්බුක් පිටුවෙන්…)  

එජාප නායක රනිල් වික්‍රමසිංහ අද පෙරවරුවේ පාර්ලිමේන්තුවේ දිවුරුම් දිමෙන් පසුව පාර්ලිමේන්තුවේදි කරන ලද කථාවකදි රට තුල හමුදාකරණය ක්‍රියාත්මක වෙන හැටි ගැන පවසා තිබුණි.
මේ වනවිට රට අර්ධ හමුදාකරණයකට යටත් කර ඇතැයි ඔහු චෝදනා කර සිටි.

රනිල් වික්‍රමසිංහ විසින් කරන්නට යෙදුන මෙම චෝදනාව පසුගියදා නැගෙනහිරදි ක්‍රියාත්මකව තිබුණ අයුරු පසුගිය සතිය තුල රටතුල පුලුල් කථාබහකට ලක්ව තිබුණි.

තමන් පීඩා විදින රෝගී තත්වයකට ඖෂධ සොයා ගැනීම සදහා වීදිබට අයකුට සතෙකුට මෙන් පහර දුන් බවට ශ්‍රී ලංකා යුද හමුදාවට චෝදනා එල්ල වී තිබේ.යැයි theleader.lk වෙබ් අඩවිය වාර්තා කොට තිබේ.

මාරාන්තක වසංගත ව්‍යාප්තිය හමුවේ රට පුරා පනවා තිබු සංචරණ සිමා උල්ලංඝණය කළ බවට චෝදනා නගා  එරාවූර් වැසියන් පිරිසකට මහ මාර්ගය අයිනේ දණ ගස්වා ඉහලට අත් ඔසවා සිටින ලෙස හමුදා භට පිරිස් නියෝග කර තිබෙන අයුරු සමාජ මාධ්‍ය ඔස්සේ අනාවරණය කර තිබුනි.  

එම අඩන්තෙට්ටම සම්බන්ධයෙන් චෝදනා ලබන සෙබළුන්ට ස්ථාන මාරු ලබා දී ඇති බව යුද හමුදාව පවසයි.      යුද හමුදා සාමාජිකයන් අතින්  නින්දාවට හා පහර කෑමකට ලක්වු  හතලිස් හතර වයසැති මුස්ලිම් ජාතික එරාවූර්හි මොහොමඩ් ඉස්මයිල් මර්සූක් ඉන්දියාවේ ‘හින්දු’ පුවත්පතට පවසා ඇත්තේ තමන් බෙහෙත් ලබා ගැනීමට නිවසින් පිටත් වු බව යුද හමුදා සෙබළුන්ට දන්වා සිටියත් තමන්ට දණ ගසන ලෙස යුද හමුදාව නියෝග කර ඇති බවයි.

.     “මම අපේ ගමේ ෆාමසියෙන් දියවැඩියාවට ගන්න බෙහෙතුයි, තව ළඟ පාතින් හාල් ටිකකුයි ගන්න බයිසිකලෙන් ගියේ. මම මං ගන්න ගිය පෙති වල හිස් පෙට්ටියකුත් පෙන්නුවා. ඒත් හමුදාවෙන් මට බල කළා, එතන හිටිය තවත් කීප දෙනෙක් එක්ක දණ ගහගෙන අත් උස්සං ඉන්න.”   තමන්ගේ රෝගී තත්වය සම්බන්ධයෙන් හමුදා සාමාජිකයන් දැනුවත් කළද අමානුෂික ලෙස තමන්ට පහරදුන් බවත් ඔහු ‘හින්දු’ පුවත්පතට වැඩි දුරටත් පවසා තිබේ.   “මම රෝගියෙක් කියලත් කිව්ව, බෙහෙත් ගන්න අවසර තියෙන නිසා මං ආවෙ ඒකට විතරයි කියලත් මං සිංහලෙන් එයාලට පැහැදිලි කරල කිව්ව. ඒත් එයාලා මං කිව්ව දේ ඇහුවෙ නැතුව, හරකෙක්ට ගහනව වගේ මට ගැහුවා,” යි ඔහු පවසා ඇතැයි  theleader.lk වෙබ් අඩවිය තවදුරටත් සටහන් කොට තිබේ

පාර්ලිමේන්තු මන්ත්‍රීවරයෙකු ලෙස අද උදෑසන කථානායකවරයා ඉදිරියේ දිවුරුම් දීමෙන් අනතුරුව අමාත්‍ය බන්දුල ගුණවර්ධන අමාත්‍යවරයාගේ ප්‍රකාශයකට අදහස් දක්වමින් රනිල් වික්‍රමසිංහ මහතා හමුදාපති ප්‍රමුඛ නඩයේ පාලනය ආසාර්ථික බව ඉතා පැහිදිලි විවේචනය කරමින් ආණ්ඩුව පාලනය කිරිමේ වගකිම කැබිනට් මණ්ඩලයට දිය යුතු බවට යළිත් වරක් අවධාරණ්‍ය කර සිටියේය
අතීතය ගැන කථා කිරීමෙන් රට පත්ව සිටින තත්ත්වයෙන් ගොඩ ආ නොහැකි බව ද සඳහන් කර සිටි ඒ මහතා, 
ජාත්‍යන්තර මූල්‍ය අරමුදල සමඟ ගනුදෙනු කිරීමට රජය අකමැති නම් එයට ඇති විකල්පය කුමක් දැයි හෙළි කරන ලෙස ද ඉල්ලා සිටි බවද අද දෙරණ වෙබ් අඩවිය වාර්තා කෙොට තිබුණි

මෙම ආර්ථික අර්බුදයට මුලික හේතුව පවතින කොවිඩ් තත්ත්වය බවත්, ඒ සඳහා කාර්ය සාධක බළකාය සම්පූර්ණයෙන් අසාර්ථක වී ඇති බවත් සඳහන් කළේය.

“මේ කාර්ය සාධක බළකායට ඉදිරියට යන්න බෑ. අසාර්ථ වෙලා තියෙන්නේ. හැමදේම වැඩිවෙලා තියෙන්නේ. අපේ ව්‍යවස්ථාව අනුව මේ වගකීම තියෙන්න ඕනේ කැබිනට් මණ්ඩලයටයි. කැබිනට් මණ්ඩලය වගකියන පාර්ලිමේන්තුවටයි. ඇයි කැබිනට් මණ්ඩලයට මේ බලතළ දෙන්නේ නැත්තේ. ව්‍යවස්ථාවට අනුව ආණ්ඩුව පාලනය කරන්න පුළුවන් කැබිනට් මණ්ඩලයට විතරයි. අගමැතිතුමා මෙතෙන ඉන්නවා ඇමතිවරුත් මෙතෙන ඉන්නවා. ඔබ තුමාලා භාරගන්න. වැරදි වුණොත් අපිට පුළුවන් මෙතෙන ඇවිත් කෑගහන්න. අඩු ගානේ පෝස්ටර් හරි උස්සන්න. ඇයි මේක කැබිනට් මණ්ඩලයට භාරනොදෙන්නේ. WHO සංවිධානයටත් විශේෂඥ කණ්ඩායමක් තියෙනවා. ලංකාවේ ඒක නෑ. කොමිටියක් තියෙන්නේ. ඒක භාරදීලා තියෙන්නේ දෙපාර්තමේන්තු ප්‍රධානියෙක් ට. හමුදාපති කියන්නේ දෙපාර්තමේන්තු ප්‍රධානියෙක්. කොහොම ද එතුමා මේ වැඩකටයුතු කරන්නේ. ලේකම්වරුන්ට නියෝග දෙන්න පුළුවන් ඇමතිට නැත්තන් කැබිනට් මණ්ඩලයට විතරයි. දෙපාර්තමේන්තු ප්‍රධානීන්ට නියෝග දෙන්නේ ලේකම්වරු ඇමතිවරුන්ගේ තත්ත්වය මත. ඇයි බලතල මේ ක්‍රියාත්මක නොවෙන්නේ. අපි කියන්නේ ඒ බලතල ගන්න.”
මුලාශ්‍රය – දෙරණ

දෙමළ ජාතික සන්ධානය (ටීඑන්ඒ) සමඟ පැවැත්වීමට නියමිතව තිබූ රැස්වීමක් ජනාධිපති ගෝතබයා රාජපක්ෂ මහතා දින නියමයක් නොමැතිව කල් දමා ඇතැයි ඩේලි මිරර් වෙබ් අඩවිය වාර්තා කොට තිබේ.

මෙම රැස්වීම අද (16 ) සවස ජනාධිපති ලේකම් කාර්යාලයේදී පැවැත්වීමට නියමිතව තිබුණි. කෙසේ වෙතත්, දෙමළ ජාතික සන්ධානයේ මාධ්‍ය ප්‍රකාශක එම්. ඒ. සුමන්තිරන් මහතා පැවසුවේ ඊයේ රාත්‍රියේ රැස්වීම කල් දමා ඇති බව තමන්ට දන්වා ඇති බවයි.
රැස්වීම කල් දමා ඇත. නව දිනය හා වේලාව පසුව දැනුම් දෙන බව ජනාධිපති ලේකම් කාර්යාලය පැවසීය. ජනාධිපති සහ දෙමළ ජාතික සන්ධානය හා මෙවැනි හමුවක් පැවැත්විමට නියමිතව තිබුනේ පළමු වතාවටය.
දෙමළ ජාතික සන්ධානය ආණ්ඩුක්‍රම ව්‍යවස්ථා ප්‍රතිසංස්කරණ සඳහා වූ යෝජනා පසුගිය දෙසැම්බරයේ දී ජනාධිපතිවරයා විසින් පත් කරන ලද විශේෂඥ කමිටුවට යවා ඇති අතර ඉන් අනතුරුව මේ වසරේ පෙබරවාරි මාසයේ දී ඔවුන්ගේ ආරාධනයෙන් කමිටුව හමුවිය.
අද දින පැවැත්විමට නියමිත හමුව එහි දිගුවක් බව සුමන්තිරාන් මහතා පවසා තිබුණි