වැලිමඩ දික්කාපිටිය හා කහටපිටිය ගොවි බිම්වලින්  එළවළු සොරා ගත් බව කියන  හත් දෙනකු  අල්ලා පොලිසියට බාර දුන් බව වැලිමඩ පොලිසිය කියා ඇතැයි ලංකාදිප වෙබ් අඩවිය වාර්තා කොට තිබේ.
වෙළෙඳපොලේ පවතින අධික මිල හේතුවෙන් මෙම පිරිස සංවිධානාත්මක රාත්‍රී කාලයේ  ගොවි බිම්වලට ඇතුළු වී එසේ අස්වැන්න සොරාගෙන ගොස් ඇතැයි වැඩිදුරටත් එහි සදහන්ය.

සැකකරුවන් අතර මව,පියා සහ  පුතා ද සිටින බව පොලිසිය කියයි.

කරවිල,වම්බටු,තක්කාලි හා වට්ටක්කා ඇතුළු එළවළු වර්ග රැසක් මොවුන් විසින් මෙම පිරිස විසින් සොරාගෙන ඇත. 

රට දැන් පත්ව ඇති අර්බුදයේ තරම එළවළු පවා සොරකම් කරන්නට ජනයා පෙළඹි තිබිමෙන් වඩාත් පැහැදිලි වෙමින් තිබේ.වෙනසකට ඇත්තේ දැන් සැපයිද නිරන්තරයෙන් ම අහන්නට කෙනෙකු නැතිවිමයි.

ඉන්ධන මිළ හොර රහසේම ඊයේ මැදියේම රැයේ වැඩිකිරිමත් සමගින් ජනතාව දැඩි අපහසුවකට පත්ව සිටිති. ප්‍රකාශ නොවන වෛරයක්ද අද ඉන්දන පිරවුම් මල අසල වු කථාබහ විසින් පෙනෙන්නට තිබුණි.
ඉහල දැමු ඉන්දන මිළත් සමගින් තවත් තවත් බොහෝ දේවල් වල මිළ ඉහල යනු ඇතැයි අපෙක්ෂිතය.

මේ අතර ඇමති ජොන්ස්ටන් අද කියා තිබුනේ සමස්ත ලෝකයම ආර්ථික අර්බුදයකට මුහුණ දී සිටින බැවින් සහන නොඉල්ලා ඉවසාගෙන සිටීමට ජනතාව කටයුතු කළයුතු බවය රට වෙනුවෙන් සියලු දුෂ්කරතා විඳීමට ජනතාව ඉදිරිපත් වියයුතු බවයි ඇමතිවරයා අවධාරණය කර තිබේ.

පසුගිය කාලයේදී ඉන්ධන මිල ස්ථාවර පවත්වාගෙන ගියේ විශාල පාඩුවක් විඳිමින් බවත්, එම පාඩුව තවදුරටත් විඳීමට ඛනිජ තෙල් සංස්ථාවට නොහැකි බවත් ඔහු පෙන්වා දෙනවා.

තවදුරටත් පාඩු පිට තෙල් ලබාදීමට සිදු වුවහොත් එහි පාඩුව විඳීමට සිදුවන්නේද ජනතාවට බව පෙන්වා දෙන ජොන්ස්ටන් ඇමතිවරයා, ‘ගහලා බැන්දත් එකයි – බැඳලා ගැහුවත් එකයි’ යනුවෙන් පවසා තිබේ.

අයවැයන් පසුව මැති ඇමැත්තන් 60 ක‌ට වැඩි පිරිසක් විදේශ් සංවාරවලට නිරත බව මාධ්‍ය විසින් වාර්තා කර තිබුණ අතර ඒ් සම්බන්ධයෙන් මාධ්‍යවේදින් නැගු ප්‍රශ්ණ වලට පිළිතුරු දෙමින් ඇමති ජොන්ස්ටන් කියා තිබුනේ විදෙස් රටවල සිටින දරුවන් බැලිමට ඔවුන් යා යුතු බවය.

ගෑස් පිපිරීම් සම්බන්ධයෙන් හේතුව මෑත කාලයේ සිදුවූ ගෑස් සංයුතියේ වෙනස්කම් හේතුවෙන් බවයි ගෑස් පිපිරීම් සම්බන්ධයෙන් සොයා බැලීමට ජනාධිපති ගෝඨාභය රාජපක්ෂ මහතා විසින් පත් කළ ජනාධිපති කමිටුවේ සභාපති මහාචාර්ය ශාන්ත වල්පොළ ප්‍රකාශ කර තිබේ..

ගෑස් පිපිරීම් සම්බන්ධයෙන් විමර්ශනය සිදුකිරීමට පත්කළ ජනාධිපති කමිටු වාර්තාවේ අඩංගු කරුණු සම්බන්ධයෙන් මාධ්‍ය දැනුවත් කරමින් එම කමිටුවේ සභාපතිවරයා මේ බව සඳහන් කර ඇත.

ගතවූ නොවැම්බර් මාසයේ සිට දෙසැම්බර් මාසයේ මැද කාලය දක්වා සිදුකළ පරීක්ෂණ වලදී ඒ සම්බන්ධයෙන් කරුණු තහවුරු වී ඇති බවයි මාහාචාර්ය ශාන්ත වල්පොළ එහිදී සඳහන් කරන්නට යෙදුණි.

පසුගිය දින 50 ක කාලය තුල 800 කට වඩා ගැස් ආශ්‍රිත පිපිරිම් සිදුව ඇති බව වාර්තාවේ.

මේසා බරපතල වරදක් සිදුකර ඇති වගකිවයුත්තන්ට එරෙහිව නිතිය ක්‍රියාත්මක වන්නේ කෙසේද යන්න ගැන දැන් රටම බලා සිටි.

පළාත් පාලන මැතිවරණය වසරකින් කල්දැමීමට රජය ගත් පියවර ප්‍රජාතන්ත්‍රවාදයට කළ මරු පහරක් වන අතර ඡන්ද දායකයට කළ නිගරුවකැයි නිදහස් හා සාධාරණ මැතිවරණයක් සඳහා ජනතා ක්‍රියාකාරිත්වය හෙවත් පැෆරල් සංවිධානය සඳහන් කර තිබේ.

රජය පළාත් පාලන මැතිවණය වසරකින් කල්දැමීමට රජය තීරණය කර ඇත්තේ දේශපාලන කරුණු මත බව බැලූ බැල්මට පෙනී යන බව ද පැෆරල් සංවිධානයේ  විධායක අධ්‍යක්ෂ රෝහණ හෙට්ටිආරච්චි මහතා පවසා තිබුණි.

මැතිවරණය කල්දැමීමට හේතුව කොවිඩ් වසංගතය නොවන බව ඕනෑම පුරවැසියකුට තේරුම් යන සරල කරුණක් බව ද ඔහු සඳහන් කළේය.

මේ අතර රටපුරාම අන්ත ලෙසින් පිරිහිමට ලක්ව ඇති මේ රජයේ ජනප්‍රිය භාවය නිසා මැතිවරණ කල්දැමිම සිදුකරන ලද ඉතා පැහැදිලි බව ආණ්ඩුවට ඡන්දය දුන් බහුතරයක් ජනයාගේද මතය වි තිබේ.ඉහල යන බඩු මිළ පෝර හිගය ඇතුළු කරුණු ගණනාවක් මත රජයට එරෙහිව විරෝධතා රැල්ලක් ඉදිරියේද පාරට එන බව ඉතා පැහැදිලිය.