අර්තාපල්, ලොකු ලූණු, පරිප්පු ඇතුලූ අත්‍යවශ්‍ය පාරිභෝගික භාණ්ඩ කීපයක මිල ගණන්  පහත වැටී ඇතැයි වෙළඳපොළ ආරංචි මාර්ග සඳහන් කරන බව ලංකාදිප වෙබ් අඩවිය වාර්තා කර තිබේ.

ඒ් අනුව පිටකොටුවේ දේශිය ආනයනික අර්තාපල් කිලෝවක සිල්ලර මිල රුපියල් 180 දක්වා ද, ලොකු ලූණු කිලෝවක මිල රුපියල් 150 දක්වා ද පහළ බැස ඇති බව දැකගත හැකි විය.

දේශීය අර්තාපල් මිලද රුපියල් 380 දක්වා පහත බැස ඇත. නාරාහේන්පිට ආර්ථික මධ්‍යස්ථානයේද ආනයනික අර්තාපල් කිලෝවක මිල මේ වන විට රුපියල් 220 දක්වා අඩුවි ඇත. ආනයනික අර්තාපල් මිල මීට සති දෙකකට පමණ පෙර පැවතියේ රුපියල් 230- 240 අතර සීමාවේය.

ලොකු ලූණු කිලෝවක මිල රුපියල් 150 දක්වා පහත වැටි ඇති අතර නාරාහේන්පිට ආර්ථික මධ්‍යස්ථානයේ එය රුපියල් 170ක් ලෙස පැවතිණ.

ලංකා සතොස වෙළඳසැල්වලද ලූණු කිලෝව 165ක් ලෙස ලෙස අලෙවි වනු දැකිය හැකි විය. ලොකු ලූණු මිල මිට පෙර පැවතියේ කිලෝව රුපියල් 220- 240ත් අතරය. බොහොමයක් සුපිරි වෙළඳසැල්වල ආනයනික අල දැකිය නොහැකි අතර ඒවායේ පවතින්නේ දේශීය අර්තාපල් පමණ. එහි කිලෝවක මිල රුපියල් 560ක් ලෙස ප‍්‍රදර්ශනය කර තිබිණ.

පරිප්පු මිල ගණන්ද සැළකිය යුතු මට්ටමකින් පහත වැටි ඇත. මේ වන විට පරිප්පු කිලෝව රුපියල් 460ත් 480ත් අතර පවතී. ලංකා සතොසේ එය රුපියල් 485ක් ලෙස දැකගත හැකි විය.

වියළි මිරිස් කිලෝවව රුපියල් 1600ක් ලෙස පිටකොටුවේ අලෙවි වු අතර නාරාහේන්පිට ආර්ථික මධ්‍යස්තානයේදී එය රුපියල් 1640ක් විය.

පිටකොටුව හා නාරාහේන්පිට ආර්ථික මධ්‍යස්ථානවල සුදු සීනි කිලොම්ක මිල රුපියල් 300ත් 305ත් අතර පැවතිණ. ලංකා සතොසේ සුදු සීනි කිලෝව රුපියල් 298කට මිලදී ගත හැකිය. එහෙත් සුපිරි වෙළඳසැල්වල තවමත් සීනි මිල ගණන් පවතින්නේ කිලෝව රුපියල් 356ත් 359ත් අතරය.
මුලාශ්‍රය – ලංකාදිප

පසුගිය කාලය තුල ජනතාව මුහුණ දුන් දරුණු ඉන්ධන ප්‍රශ්ණය හමුවේ විදුලි වාහන පිළිබදව රටේ ජනයා අතර පැවති උනන්දුව නිතිපතා ඉහල යමින් තිබුණි.

විදුලියෙන් ක්‍රියාත්මක යතුරු පැදි මිට පෙර ලබාගෙන තිබුන අය පැවැති ඉන්ධන අර්බුදය ප්‍රශ්ණයක් කොට නොගෙන සිය කටයුතු සමාන්‍ය පරිදි කරගෙන ගිය ආකාරය පැහැදිලි විය.

මේ අතර අමාත්‍ය බන්දුල ගුණවර්ධන මහතා අද බොරලැස්ගමුව ප්‍රදේශයේ පවත්වාගෙන යන විදුලි ත්‍රිරෝද රථ එකලස් කිරීමේ කම්හලක් නිරීක්ෂණය කළේය.ප්‍රවාහන අමාත්‍යවරයා ලෙස ඔහු පසුගිය දා විද්‍යුත් ත්‍රිරෝද රථ ලියාපදිංචි කිරීමට ඉඩ සැලසෙන පරිදි මෝටර් රථවාහන පනත සංශෝධනය සඳහා කැබිනට් අනුමැතිය ද ලබාගෙන ඇත.

මිගමුවේ ප්‍රකට විදුලි යතුරු පැදි ව්‍යාපාරයක් පවත්වාගෙන ගිය ඇපලෝ සමුහ ව්‍යාපාරය විදුලි ත්‍රිරෝද රථ ගෙන්විමටද කටයුතු සැලසුම් කරගෙන තිබුණද කොරෝනා වසංගත තත්වය හමුවේ එය ක්‍රියාත්මක කරගැනිමට නොහැකි විය.
කෙසේ වෙතත් රජය විසින් වැඩි ප්‍රමුඛතාවයක් දි මේ විදුලි ත්‍රිරෝද රථ ක්ෂේත්‍රය වැඩිදියුණු කළ යුතුව තිබේ. මේ ආකාරය නව්‍යතා මාධ්‍ය විසින් ප්‍රචාරය කරන හැම අවස්ථාවක ජනතාව ප්‍රශ්ණ කර සිටින්නේ මේවා වෙළද පළට එන්නේ කවදා දැයි කියාය.

රනිල් වික්‍රමසිංහ මහතාගේ නව රජයේ අගමැතිවරයා ලෙස සභා නායක දිනේෂ් ගුණවර්ධන මහතා පත්වීම ද නියමිතය. හෙට පැවැත්වෙන නව කැබිනට් ඇමතිවරු දිවුරුම් දීමේදී නව අගමැතිවරයා ලෙස දිනේෂ් මහතා දිවුරුම් දීමට නියමිත බව වාර්තා වේ.

මේ අතර ද ලිඩර් වෙබ් අඩවියේ ඊයේ දිනයේ වාර්තා කර තිබුණේ ආණ්ඩුවේ ආරංචිමාර්ග වලට අනුව අගමැති ධුරය සඳහා නම් කිහිපයක් යෝජනාවී ඇත බවය.
සභානායක දිනේෂ් ගුණවර්ධන, අමාත්‍ය සුසිල් ප්‍රේම්ජයන්ත, අමාත්‍ය විජේදාස රාජපක්ෂ හා ෆීල්ඩ් මාර්ෂල් සරත් ෆොන්සේකා ගේ නම් එසේ කතාබහට ලක්ව ඇතැයි සදහන් කර තිබුණි.

තමා අගමැති ධුරය අපේක්ෂා කරන බව අමාත්‍ය සුසිල් ප්‍රේම ජයන්ත ඊයේ ජනාධිපති රනිල් වික්‍රමසිංහ හා හිටපු ජනාධිපති මහින්ද රාජපක්ෂ හමුවේ දැනුම් දී ඇතැයි ද පැවසේ.

ස්වාධින මන්ත්‍රීවරුන් ලෙස කටයුතු කරන සුසිල් ප්‍රේමජයන්ත හා විජේදාස රාජපක්ෂ යන අමාත්‍යවරුන් රනිල් වික්‍රමසිංහ ජනාධිපති ධුරයට පත්කිරීමේ පාර්ලිමේන්තු මෙහෙයුමේදී විශාල කාර්ය භාරය සිදුකර ඇතැයි වාර්තාවේ.