Posted on: June 8, 2020 11:24 am
0 Comments Post Views: 351

• 0Shares

රජයෙන් විශේෂ ඉල්ලීමක් කලා, ක්‍රීඩා වැනි ක්‍ෂේත්‍රවල ප්‍රසිද්ධ පුද්ගලයන් (Celebrities) අතරින් ගෙවී ගිය වසරක කාලය තුළ වැඩිම ආදායම් ඉපැයූ 100 දෙනා අතරට පැමිණීමට බොලිවුඩ් නළු ආක්ෂේ කුමාර් සමත්ව සිටියි.

ඔහු මෙම ලැයිස්තුවේ 52 වැනි තැන දිනාගෙන සිටියි.

ඉන්දියාවෙන් මෙම 100 දෙනා අතරට පැමිණ සිටින එකම පුද්ගලයා ඔහු පමණි. මෙහි ඇති විශේෂත්වය වන්නේ ඔහු ටොම් කෲස්, බ්‍රැඩ් පිට්, ජෙනිෆර් ලෝපස්, විල් ස්මිත්, ජැකි චෑන්, ලේඩි ගාගා වැනි සුපිරි කලා ශිල්පීන් පවා අභිභවා යාමට සමත්ව සිටීමයි.

පසුගිය මාස 12 ක කාලය තුළ ආක්ෂේගේ ආදායම ඇමරිකානු ඩොලර් මිලියන 48 ක් ලෙස සටහන්ව තිබේ. එය ලංකාවේ මුදලින් රුපියල් කෝටි 890 කට ආසන්නය.

පසුගිය වසරේ තිරගත වූ ආක්ෂේ රඟපෑ චිත්‍රපට කිහිපයක්ම බෙහෙවින් ජනප්‍රිය වෙමින් ආදායම් වාර්තා පිහිටුවිය. මිෂන් මංගල්, කෙසරි, Good Newwz, හවුස් ෆුල් 4 ඒ අතරින් වඩාත් කැපී පෙනිණි.

‘‘මට මුලින්ම ඕන වුණේ රුපියල් කෝටියක් විතර හම්බ කරගන්නයි. නමුත් මමත් මනුස්සයෙක්නේ. පළමුවැනි කෝටිය හම්බ කළාම ඊට පස්සෙ හිතුණා කෝටි 100ක් විතර හම්බ කරගන්න බැරි ඇයි කියලා.

ඇත්තම කිව්වොත් ඊට පස්සෙ ඉතිං නවතින්න හිතුණෙම නෑ’’ ආක්ෂේ වරක් සඳහන් කර තිබිණි. ඔහු චිත්‍රපටයක් සඳහා උපරිම වශයෙන් ඉන්දියානු රුපියල් කෝටි 45 (ලංකා රුපියල් කෝටි 110) කට ආසන්න මුදලක් අය කරන බැව් බොලිවුඩ් ආරංචි මාර්ග සඳහන් කරයි.

සහන් වික්‍රමගේ

Posted on: June 9, 2020 4:31 pm
0 Comments Post Views: 372

‘නැට්ටුක්කාරි, වංසක්කාරි, ගොලු බිරිඳ, මාධ්‍යවේදියකුගේ අසිපත’ වැනි වේදිකා නාට්‍යයත්, ‘රටගිය ඇත්තෝ’ වැනි ටෙලි නාට්‍යයත්, ‘වල්මත්වූවෝ, වෙස්ගත්තෝ’ වැනි සිනමා නිර්මාණත් නාමෙල් වීරමුණිගේ දක්ෂතා පිළිබඳ නිදසුන් සපයයි.

සිනමාව, ටෙලි නාට්‍ය, වේදිකා නාට්‍ය යන ක්ෂේත්‍ර තුනෙහිම නිෂ්පාදනය, අධ්‍යක්ෂණය, රංගනය හා තිර රචනය ආදී බහුවිධ හැකියාවන් ඔස්සේ තම නිර්මාණ කෞෂල්‍යය විදහා පෑවකු ලෙස නා​ෙමල් වීරමුණි හැඳින්විය හැකිය. හෙතෙම එයිනුදු නොනැවතී සිය ජීවන සහකාරිය හා එක්ව පෞද්ගලික ධනය වැයකර ශ්‍රී ලංකාවේ වේදිකා නාට්‍ය කලාව වෙනුවෙන් රඟහලක් දයාද කළේය. නීතිඥවරයෙක් වන ඔහු විසින් පවත්වාගෙන යන නා​ෙමල්-මාලනී පුංචි තියටර් රඟහලේ වර්තමාන තත්ත්වය පිළිබඳ ඔහු දැක්වූ අදහසයි.

කොරෝනා වසංගතය නිසා වේදිකාවට එල්ල වුණ බලපෑම

වේදිකා නාට්‍ය ගැන නම් වචනයක් වත් කතා නොකෙරෙන කාලයක් කිව්වොත් මම නිවැරැදියි. කොරෝනා නිසා ජන ජීවත සම්පූර්ණයෙන්ම ගැටලු සහගත වෙලා තියෙනවා. සියලුම දෙනාගේ ආදායම් මාර්ග නැවතිලා මේ වෙද්දි. ඒ වගේම සෞඛ්‍ය ආරක්ෂිත නීති නිසා රඟපෑම් කටයුතු සිදුවන්නේත් නැහැ. පිරිස් ඒකරාශී වීම සිදු නොවී නාට්‍ය නිර්මාණය වන්නේ නැහැ. මේ තත්ත්වය පහව යනතුරු අලුත් නිර්මාණ බිහි නොවේවි.

වෙනස් වූ ජන ජීවිතය පුංචි තියටරේ ක්‍රියාකාරකම් කෙරෙහි බලපා ඇත්තේ කෙසේද?

ඇත්තටම පුංචි තියටර් රඟහල නාට්‍යය සඳහා පමණක්ම වෙන් වූවක් නොවේ. නාට්‍ය හැරුණු විට සාකච්ඡා (කලාවේ පටන් දේශපාලන සාකච්ඡා දක්වා), සම්මන්ත්‍රණ, දේශන, පුහුණු සැසි, සුහද හමු, රූගත කිරීම් ආදිය සඳහාත් මෙහි ඉඩ වෙන්වෙනවා. මේ ව්‍යසනය නිසා දැන් ඒ සියල්ල නතර වී තිබෙනවා.

රඟහල වසා තැබුණද නඩත්තු කටයුතු සිදුකළ යුතුයි. ඒ කටයුතු සිදුකරන්නේ කොහොමද? කාර්ය මණ්ඩල වැටුප් ගෙවීම් කළාද?

ඔව්. නඩත්තු කටයුතු පෙර පරිද්දෙන්ම සිදුවෙනවා. ස්වභාවික ගහකොළවලින් අලංකරණය වී තිබෙන නිසා ඒවාට සාත්තු කිරීම අතපසු නොකර සිදු කළ යුතුයි. මිනිස්සු නාවත් නඩත්තු කටයුතුවලින් බැහැර වන්නට බැහැ.
ඒ වගේම තමයි අපේ කාර්ය මණ්ඩලය. ඔවුන් අතහැර දැමීමටත් මේ වෙලාව නොවේ. වසර පුරා අපේ ආයතනයේ උන්නතිය වෙනුවෙන් කැප වූ ඔවුන් වෙනුවෙන් අපි කෘතගුණ සලකන්න ඕන. අපි සේවකයින්ගේ වැටුප් ගෙවීම් පෙර පරිද්දෙන්ම සිදු කළා. කිසිදු ආදායම් මාර්ගයක් නැතිව මේ වියදම් දැරිය නොහැකි තරම්. නමුත් ඒ කළයුතුම රාජකාරි නිසා බැංකු ණය පවා ලබාගන්න සිදුවුණා.

අත්තිකාරම් මුදල් ගෙවා දින වෙන් කරගත් නාට්‍ය සඳහා නැවතත් අවස්ථාවක් ලබා දෙනවාද? එසේත් නැතිනම් මුදල් ආපසු භාර දෙනවද?

අපි කිසිම දවසක අත්තිකාරම් මුදලක් ලබා ගත්තේ නැහැ. නාට්‍ය දර්ශන අවසන් වූ විට එහි අධ්‍යක්ෂකවරයා විසින් තමයි අදාළ මුදල් ගෙවන්නේ. ඉදිරියේදී දින වෙන් කරගෙන තිබූ නාට්‍යය පිළිබඳ තවමත් පැහැදිලි අදහසක් නැහැ. මේ තත්ත්වය පහව යනතුරු අපිට ආදායම් මාර්ගයක් නැහැ කියන දේ විතරක් පැහැදිලියි.

සමාජ දුරස්ථභාවය රැකගනිමින් රඟහලක් පවත්වාගෙන යාමට හැකිද?

රඟහල සහ ප්‍රේක්ෂකයා කියන්නේ එකකට එකක් සම්බන්ධ දෙයක්. නාට්‍යයක් නිර්මාණය කරන්නේ සෙනග පිරුණු රඟහලක් හිතේ තියාගෙන. නාට්‍යයක තියන ජීව ගුණය, හඬේ තිබෙන පෞරුෂය සෙනඟ නැති රඟහලක තිබේවි දැයි සැක සහිතයි. ප්‍රේක්ෂකයන් අඩු සංඛ්‍යාවකට වේදිකා නාට්‍ය රඟදැක්වීම එතරම් ප්‍රායෝගික නැහැ. මොකද වසංගත තත්ත්වය ඇති වෙන්නට පෙරත් ඇතැම් නාට්‍ය දර්ශන සඳහා ප්‍රේක්ෂකයන් සහභාගි වීමේ දුර්වලතා තිබෙනවා. ඉතින් මෙවැනි තත්ත්වයක් යටතේ නාට්‍යය නිෂ්පාදනයට වැය වූ මුදලවත් සොයා ගත හැකි වේදැයි සැකයි.

පෙරදී තරම් ප්‍රේක්ෂකයන්ගේ සහභාගිත්වයක් බලාපොරොත්තු වෙනවද?

එවැනි බලාපොරොත්තුවක් තබා ගැනීමම විහිළුවක්. මොකද මේ කාලය ලෝකවාසී සියල්ලන්ටම අසීරු, දුෂ්කර කාලයක්. මිනිස්සුන්ට මේ දිනවල ජීවිතය විඳින්න අවසරයක් නැහැ. බොහෝ දෙනෙක් ආහාර ප්‍රශ්නෙට මූණ දීලා ඉන්නේ. නාට්‍ය බලන්න තරම් මිනිස්සුන්ගේ හිතේ එකලාසයක් නෑ. දැන් නාට්‍ය බලන්න පවුල් පිටින් යන්න බෑ. බලන බලන මාධ්‍යයෙන් නිවේදනය කරන්නේ තනියම ඉන්න කියලා. මීටරේ දුරින් ඉන්න කියලා. ගෙදර එක්කෙනෙක් විතරක් එළියට යන්න කියලා. අනිත් කාරණය මාස දෙකක් කිසිම ආදායමක් නැතිව හිටිය මිනිස්සු නාට්‍ය බලන්න ඒවිද? සල්ලි තියෙනවා නම් තමයි නාට්‍ය බලන්න මිනිස්සු එන්නේ. කිසිම මිනිහෙක් හැමදේම කරලා ඉවරවෙලා නෙවෙයි කෑම කන්නේ. කෑම කාලා තව ඉතුරු නම් තමයි අනිත් දේවල් කරන්නේ. ඉතින් මම හිතන්නේ නෑ මේ තත්ත්වය පහව ගිය සැනින් පෙර පරිද්දෙන් රඟහල් වෙත මිනිස්සු පැමිණේවි කියා. කෙතරම් අපහසු වුවත් අපි යථාර්ථයට මුහුණදිය යුතුයි.

වේදිකාවෙන් ජීවිකාව ගෙනගිය පුද්ගලයන්ගේ අනාගත ඉරණම කෙබඳු වේද?

ඒ ගැන ඇත්තටම කතා කරන්නත් අපහසුයි. මොකද මේ වන විට සියලු නාට්‍ය නිෂ්පාදන, නාට්‍ය දර්ශන නතර වී තිබෙනවා. ඔවුන්ගේ ආදායම් මාර්ග සියල්ල ඇනහිටලා තියෙන්නේ. ඔවුන් වෙනුවෙන් කිසිවෙකු හඬක් නගන්නේ නැහැ. කලා ශිල්පීන් සියලුම දෙනා ඉමහත් අසීරුවෙන් මේ කාල පරිච්ඡේදය ගෙවන්නේ. රජයේ හෝ සංස්කෘතික අමාත්‍යාංශයේ මැදිහත්වීමක් සිදුවනවා නම් එය ඔවුන්ගේ ජීවිතවලට විශාල ශක්තියක් වේවි.

ප්‍රේක්ෂකයන් නැවතත් රඟහල වෙත කැඳවා ගැනීමට කිසියම් වැඩපිළිවෙළක් තිබෙනවාද?

තවම නම් එවැන්නක් සිතුවේ නැහැ. ප්‍රශ්නයක් තියෙනවා මේ වසංගතය නිසා සැක බිය නොමැතිව නාට්‍ය නරඹන්න ඒවිද කියලා. මේ තත්ත්වය පහව ගියත් තව වසර දෙකක් පමණ යාවි කියලා හිතෙනවා නැවතත් යථා තත්ත්වයට පත් වෙන්න.

නැවත පුංචි තියටර් වැඩ අරඹන්නේ කවදාද?

රජයේ සෞඛ්‍ය නිර්ණායකයන්ට අනුව ආයතනය විවෘත කිරීම අපහසුයි. මොකද සමාජ දුරස්ථභාවය රැක ගනිමින් මෙහේ වැඩ කටයුතු සිදු කරන්න බැහැ. ආයතනයේ අනිවාර්ය ගෙවීම් ආදායමක් ලැබුණත් නොලැබුණත් ගෙවිය යුතුයි. විදුලි බිල්, ජල බිල් ගෙවා ගැනීමට තරම් ආදායමක් ලැබෙන්නෙ නැහැ සෞඛ්‍ය නිර්ණායකයන්ට අනුව විවෘත කළොත්. ආයතනය වසා දැමීම තමයි දැනට තිබෙන එකම විසඳුම. මේ වෙද්දි කිහිප දෙනෙක් එක්කම සාකච්ඡා කළා. ඉදිරියේදී කවුරුන් හෝ අනුග්‍රහයක් දක්වන්න ඉදිරිපත් වුණොත් ආයතනය පවතීවි.

සෝබා ඩී. කෝලියවංශ

තණමල් විල කොල්ලෙක් මේ දිනවල අතිෂය කතා බහට ලක්වන සාර්ථක ටෙලි නිර්මාණයක්. තණමල්විල කොල්ලෙක් හි කාගෙත් ආදරය දිනූ කොළු රෑනක්ම වේ. ඒ කොළු රෑනේ “කූරා” ගේ චරිතයට පණ පොවන රංගනවේදී නිලංක දහනායක යෞවන සම්මාන උළෙල දෙකකදී හොඳම නළුවාට හිමි සම්මානය දිනු වේදිකාවේ පෙරළිකාරයෙක්. අද කූරා හෙවත් නිලංක පිණිපලසට ගොඩ වුණා. කූරාව ටෙලි නාට්‍යයෙන් දැන ගත්තත් නිලංක දහනායක ගැන බොහෝ දෙනෙක් නොදන්නවා විය හැකි නිසා අපි කූරාට කලින් නිලංක ගැන කතා කළා.

“මගේ ගම වේරහැර. කොළඹම තමයි ගම. අම්මා කොළඹ. තාත්තා මාතර අකුරැස්සේ. මට ඉන්නවා අක්කයි, අයියයි. පිළියන්දල කනිෂ්ඨ විද්‍යාලයෙන් ශිෂ්‍යත්වය පාස් වෙලා මොරටුව වේල්ස් කුමර විද්‍යාලයට ගියා. පාසලේදිත් නාට්‍ය වැඩවල හිටියා. උසස් පෙළින් පස්සේ අපි වීදී නාට්‍ය කළා. පස්සෙ රන්වල පදනමටත් සම්බන්ධ වෙලා හිටියා. යාළුවෝ එක්ක කෙටි නාට්‍ය කළා. ආ සරුංගලේ කියලා ළමා නාට්‍යයකුත් කළා. ඔහොම අද්දැකීම් ගොඩක් ලබමින් ඉද්දි 2007 සුරංග බැමිණියවත්තගෙ ‘මම ගැහැනියක් නෙවෙයි’ කෙටි නාට්‍ය කළ ජ’පුර වේදිකාවෙන් ‘මහ පොළොවට වෙනුවෙන්’. ඒකෙන් කුසලතා සහතිකයක් මට ලැබුණා.”

2009 වසරේ නිලංක මුල්ම සම්මානය දිනනවා?

“ඔව්. අපේ හර්ෂ තෙන්නකෝන්ගෙ අත්තානං කෙටි නාට්‍යයේදී මට යෞවන සම්මාන උළෙලෙ හොඳම නළුවා ලෙස සම්මානය ලැබෙනවා. ඒ නාට්‍ය පිටපතත් මගේ.

නිලංක සෝමලතා සුබසිංහ නාට්‍ය ඇකඩමියේත් කටයුතු කළා?

“සොමලතා මිස්ගෙ ප්ලේ හවුස් එකට මම සම්බන්ධ වුණා. කෞශල්‍යා ප්‍රනාන්දුගෙ ‘දුටු තැන අල්ලනු’ නාට්‍යයෙත් මම රඟපෑවා. නාමල් ජයසිංහ හා සුසන්ත මහගමගෙ අධ්‍යක්ෂණය කළ ‘ග්ලැඩියේටර් ප්‍රේමය’ නාට්‍ය ඇතුළු නාට්‍ය ගණනාවක හිටියා. 2015 චාමර ගුරුගෙ ගේ ‘වට්ස් අ නයිස් කපල්‘ නාට්‍ය රඟපෑම වෙනුවෙන් යෞවන සම්මානය, හොඳම නළුවා සම්මානය ලැබුණා. ඒ නාට්‍යයෙම චරිත දෙකයි. මමයි, ශ්‍යමිලා කල්හාරියි ඇට් කළේ”
ෆිල්ම් එකකත් නිලංකව දකින්න ලැබුණා.

“ඔව්නේ සංජීව පුෂ්පකුමාරගෙ ඉගිළෙන මාළුවෝ ෆිල්ම් එකෙ රඟපාන්න අවස්ථාව ලැබුණා.

ටෙලි නාට්‍යවලට සම්බන්ධ වුණේ?

“ඒක මෙහෙමයි. 2009 ආනන්ද අබේනායක මහත්තයගෙ ‘අහසින් වැටුනා’ ටෙලිනාට්‍යයෙ බීච් බෝයි කෙනෙක්ගෙ චරිතයෙන් පටන් ගත්තේ. ඊට පස්සෙ පෝය ටෙලි නාට්‍යවල, දේව දරුවෝ ටෙලිනාට්‍යයේ, අප්පච්චි ටෙලි නාට්‍ය ඇතුළු නාට්‍යවල රඟපෑවා.”

තණමල්විල කූරා වෙන්නෙ කොහොමද?

“තණමල්විල කොල්ලෙක් නාට්‍ය අධ්‍යක්ෂ රෝෂාන් රවින්ද්‍ර අවුරුදු ගාණකට කලින් මේ වැඩේ ගැන මට කියලා තිබ්බා. පස්සෙ අවුරුදු දෙකකට විතර කලින් 2018 මේ ටෙලි නාට්‍ය තුළ කූරාගෙ චරිතයට මට එන්න කිව්වා. රෝෂාන් කලින්ම පිටපත එව්වා. ඒක කියෙව්වම මේක මාර වැඩක් වෙයි කියලා ආරම්භයේම දැනුනා. ඉතාම කැමැත්තෙන් මේ චරිතය බාරගෙන කළා.”

කොහොමද ප්‍රතිචාර ?

“ඉතා හොඳ ප්‍රතිචාර තියෙනවා. ඒ වගේම ඒක මෙහෙම වුණා නම් තව හොඳයි වගේ යෝජනාත් තියෙනවා. මම හිතනවා අපි ජීවත් වෙන සමාජය ඇතුළේ තණමල්විල කොල්ලෝ වගේ කොල්ලෝ කූරා, පතෝලයා, කිතුලා, ජගා, දීප්ත ලොක්කයියලා අක්කලා, සුලෝලා තවම ඉන්නවා. මේ කොළඹත් ඉස්කෝලවලත් ගම්වලත් වෙනත් නම්වලින් වෙනත් භාවිතාවන් එක්ක ඉන්නවා. කූරා හීන් අයියා වගේ චරිත ඕන තරම්. ඒ නිසා තමන් අභ්‍යන්තරේ හැංගිලා ඉන්න ඒ වේදනා දරන සුන්දර හිත් බලන අයගෙ යම් අවධිවීමක් වෙනවා ඇති. ඒ නිසා මේක වඩා සාර්ථක වුණා කියායි මගෙ විශ්වාසය. නිලංක දහනායක වන මා ළඟත් කූරා යම් පමණින් ඉන්නවා. මම රඟපාන අතරේම ඒ චරිතය විඳිනවා. පිටපත විසින් චරිත කදිමට උලුප්ප්පා තිබෙනවා. රෝෂාන් රවින්ද්‍රගේ අධ්‍යක්ෂණය එක්ක එක් වුණාම පිරිච්ච වැඩක් වී ඒක එළියට ආවා’’

කලක් රංගණයේ නිරත වුණාට ඔබ උසින් අඩු නිසා පෙම්වතාගෙ චරිතය නම් ලැබෙන එකක් නෑ නේද..?

“අපොයි මට එහෙම එකක් හිතිලා නෑ. හැබැයි මම අඩි පහට වඩා උසයි. කොට කෙනෙක්ගෙ උස් ප්‍රේමයක් තියෙන්න පුළුවන් නේද..? කවද හරි මට එහෙම ප්‍රේමයක් රඟපාන්න ලැබෙන්න පුළුවන්. මගේ ප්‍රාර්ථනය පෙම්වතාගෙ චරිත ලැබෙන්න නෙවෙයි. හොඳ රංගණයක් ඉදිරිපත් කළ හැකි අභියෝගාත්මක චරිත කරන්න ලැබෙන්න කියන එක. අනිත් එක නළුවෙක් නම් සුදු වෙන්න ඕන. උස වෙන්න ඕන. සික්ස් පැක් ඕන වගේ සිතිවිල්ලක මම නෑ. එහෙම සිතිවිල්ලක් මට ආවනම් මම ලත් තැන ලොප්’’

රූගත කිරීම් ගැන මතක් කළොත්?

“තණමල්විල පැත්තේම තමයි තණමල්විල කොල්ලෙක් රූගත කළේ මුල් දිනවල හෙවණට ගහක්වත් නැති තැන්වල අපේ මුළු කණ්ඩායමම වැඩ කළා. හැබැයි කවුරුවත් මැසිවිලි කිව්වෙ නෑ. හැමෝම නිර්මාණයේ හිටියේ. ටික දවසකින් අපට ඒ සියල්ල හුරු වුණා. දවසක් අපේ වාහන තණමල්විල යද්දි ඉස්සරහින් ගිය වාහනේ ආපසු හරවන් එනවා.. අලි එනවා කියලා.. අපිත් හරවගෙන වේගෙන් නගරයට ආවා. පස්සෙ හොයලා බලනකොට අලියෙක් දැකපු කෙනෙක් නෑ. ඔය වගෙ රස සිද්ධි වුණා. අනෙක අපේ නිෂ්පාදන කණ්ඩායම, නළු නිළි කණ්ඩායම මේ ඔක්කොම එක්ක ඉතින් රස දවස් ඒ රූගත කරපු කාලයම.”

ජයන්ත සුබසිංහ

9 Shares Share Tweet

ජෝර්ජ් ෆ්ලොයිඩ්ගේ මරණයෙන් පසු ජාතිවාදයට එරෙහිව සමාජ මාධ්‍ය ජාලා ඔස්සේ අදහස් දක්වන බොලිවුඩ් නළු නිළියන්

“ෆෙයාර් ඇන්ඩ් ලව්ලි” වැනි ඉන්දියානු සම සම පැහැපත් කරන ක්‍රීම් වර්ග වල ප්‍රචාරක දැන්වීම් වල ප්‍රනී සිටීම සමාජ මාධ්‍ය ජාලා ඔස්සේ මේ දිනවල කථා බහට ලක්වෙමින් තිබේ.

නිළියක වන දිෂා පටානි පසුගිය සතියේ “සියලු වර්ණ ලස්සනයි” යනුවෙන් ග්‍රැෆික් එකක් ට්විට් කළ විට, ට්විටර් භාවිතා කරන්නන් ඇය සම පැහැපත් කර ගැනීම සඳහා මුහුණු නිෂ්පාදනයක් ලෙස ප්‍රචාරය කරන ලද ෆොංඩ්  “ෆෙයර්නස්” ක්‍රීම් ප්‍රවර්ධනය කරනවා ” පෙරලා ප්‍රථිචාරය දැක්වීය.

“සයාඩා ගෝරපන්…” යැයි පවසන ෆෙයාර්නස් ක්‍රීම් වෙළඳාම සඳහා ඔබ වචනානුසාරයෙන් වැඩ කරයි” පුද්ගලයකු ට්විට් කර තිබුනේ වචන “වඩාත් සුදු පැහැය” බවට පරිවර්තනය කරයි යනුවෙනි.

සමාජ ක්‍රියාධාරිනියක් වන අන්ජලී ෂර්මා ට්විටර් මගින් ප්‍රතිචාර දක්වමින් “එක අතකින් හම පැහැපත් කරන ක්‍රීම් විකුණා මුදල් එකතු නරන අතර අනෙක් පසින් ජාතිවාදයට විරෝධය දක්වනවා. යයි කුහකකම, මෙහි මිලියන ගානක් මිය යනව. මතකද නිහඬතාවය දිල්ලියේ විරෝධතා වලදි.” යයි සටහන් කර තිබේ.

ගාර්නියර් සමේ විරංජක ක්‍රීම් වර්ගයක් සඳහා වෙළඳ දැන්වීම් කර ඇති ප්‍රියංකා චොප්රා, ෆ්ලොයිඩ්ට සහය පළ කරමින් ඉන්ස්ටග්‍රෑම් වෙබ් අඩවියේ පලකල ප්‍රකාශයකටද  ද එවැනිම ප්‍රතිචාරයක් එල්ල විය.

“කණගාටුයි, නමුත් ඔබ කිසි විටෙකත් මැර කල්ලි ගැසීම, කාශ්මීරයේ අගුලු දැමීම, ඔබ සමඟ වැඩ කළ හෝ වැඩ කළ ට්‍රාන්ස්ෆොබික් සහ සමලිංගික නළු නිළියන් / චිත්‍රපට සහ විෂමාචාරයට එරෙහිව කතා කළේ නැත” යනුවෙන් එක් පුද්ගලයෙක් ඇගේ සටහනට ප්‍රතිචාර දක්වා තිබිණ.

“ඔබේ තෝරාගත් කෝපය කිසිවෙකුට අවශ්‍ය නැත” යනුවෙන් තවත් පරිශීලකයෙක් අදහස් දක්වා තිබේ.

ඉන්දියාව සහ පාකිස්තානය යන රටවල් දෙකම කියා සිටින මතභේදාත්මක රාජ්‍යයක් වන කාශ්මීරයේ ස්වයං පාලක තත්වය අහෝසි කිරීමේදී පසුගිය වසරේදී චොප්රා ඉන්දීය රජයට සහ ත්‍රිවිධ හමුදාවට ප්‍රසිද්ධියේ සහයෝගය දැක්වීම ගැන දොස් පැවරීය.

ගායිකාවක් සහ ගීත රචකයෙකු වන නික් ජොනාස් සමඟ ඇයගේ විවාහ මංගල්‍යයට ජාතිකවාදී ඉන්දීය අග්‍රාමාත්‍ය නරේන්ද්‍ර මෝදිට ආරාධනා කර තිබුණි.

ෆෙයාර්නස් ක්‍රීම්  ‘විශේෂයෙන් සමට හානි කරයි’  සහ වර්ණවාදය බොලිවුඩයේ නව සංසිද්ධි නොවේ. මිලියන 92 කට ආසන්න සමාජ මාධ්‍ය අනුගාමිකයන් සිටින කර්මාන්තයේ වඩාත් ජනප්‍රිය නළුවා වන ෂාරුක් ඛාන් පවා “බොලිවුඩයේ රජ” – “සාධාරණ හා කඩවසම්” සහ “දෝෂ රහිත” සටන් පා ෆෙයාර්නස් කීම් ප්‍රවර්ධනය කරන වෙළඳ දැන්වීම් කර ඇත. එහි වෙළඳ පාඨයන් “පිරිසිදු”,  “පරිපූර්ණ මුතු”  සහ ෆෙයාර්නස් පැල්ලම් රහිතයි ”.

ප්‍රියංකා චොප්රා පෙනී සිටි ගානියර් වෙළඳ දැන්වීම, සමේ ආලෝකකරණ දැන්වීම් කිහිපයක සිටියද, ‘මම එය අනුමත නොකරමි’ යැයි අද ඇය පවසයි.

(උපුටා ගැනීම : winddirectionlanka.com)

Share Tweet Email

කොවිඩ් 19 වසංගත තත්වය හේතුවෙන් දැනට වසා දමා ඇති ඉන්දීය සිනමාශාලා නැවත ජූනි 30 වන දින විවෘත කිරීමට

ඉන්දියාවේ මල්ටිප්ලෙක්ස් සංවිධානය සැළසුම් ඉදිරිපත් කර ඇත.

ඒ අනුව නව බොලිවුඩ් සිනමාවේ රසිකයන්ට ඉලෙක්ට්‍රොනික් ටිකට් පාවිච්චි කරන්නට සිදුවන අතර සිනමා ශාලාව ඇතුලත පවුල් අතර ආසන හිස්ව තබා ගැනීට සිදු වනු ඇත.

අගුල් දැමීම නිසා බොලිවුඩ් සිනමාවට ඩොලර් මිලියන 100 ක බොක්ස් ඔෆිස් ආදායම අහිමි විය.

”සමීප නැටුම් නැත, අත් අල්ලා ගැනීම් නැත, සිප ගැනීම් අනිවාර්යෙන්ම නැහැ.”

වසරකට චිත්‍රපට 1800 කට වඩා නිපදවමින් ඩොලර් බිලියන 2.1 පමණ ආදායමක් ඉන්දියානු ආර්ථිකයට එකතු කරන ඉන්දියානු සිනමාව වෛරසයත් සමග සමාජ දුරස්ථ බාවයට මුහන දෙනුයේ ඉහත වෙනස්කම් සමගය.

කෙසේ වෙතත් නිශ්පාදන කාර්ය මණ්ඩලය අඩු කිරීම, නළු නිළියන් දුරස්ථව හැසිරවන අතර දර්ශණ තලයෙදීම ශරීර උෂ්ණත්වයන් පරික්ෂා කිරීම සිදු කරන අතර සැමවිටම රූපගත කිරීම් අසල ගිලන් රථයක් සූදානම්ව තිබෙනු ඇත.

පෙර පරිදි විශාල නැටුම් කණ්ඩායම් සහ පෙම්වතා සහ සමීපව පෙම් කරන දර්ශණ හෝ සිප ගන්නා දර්ශණ අනාගත බොලිවුඩ් සිනමාවේදී ඔබ නොදකිනු ඇති මුත් නැවත කුමන ආකාරයකින් පැමිණියත් උමතු ඉංදියානු ප්‍රේක්ශකයින් එය ආදරයෙන් වැළඳ ගන්නා බව නිසැකය.

”දිනකට මිලියන පහලොවක් එනම් සමස්ත ඉන්දීය ජනගහනයෙන් සියයට එකක් ජනතාව වෛරසයට පෙර දිනපතා සිනමා ශාලාවලට පැමිණි අතර චිත්‍රපට නැරඹීම සහ නළු නිළියන් පිළිබඳ කතා කිරීම ඉංදියාවේ ජාතික විනෝදාංශයයි.” බොලිවුඩ්හි අබුන්ඩන්ටියා එනටර්ටේනට්මන්හි විධායක නිළධාරී වික්‍රම් මල්හෝත්‍ර පවසයි.

”ඉංදියාවේ සිනමා තරු වෙනුවෙන් කෝවිල් ඉඳිකර ඇති අතර සිනමා තරු ඔවුන්ගේ දේවතාවන්ට වන්දනා කරනවා මෙන් ඔවුන්ගේ රසිකයන් ඔවුන්ට වන්දනා මාන කරනව.” ඔහු වැඩි දුරටත් පැවසීය.

(winddirectionlanka.com)