පසුගියදා අධ්‍යාපන අමාත්‍යංශ පරිශ්‍රයේදි පැවැති විරෝධතාවයේදි එහි තාප්පයට උඩින් පනින්නට ගිය භික්ෂුවකගේ සිවුරු පැටලිම නිසා උන්වහන්සේ සිවුරුත් නැතුවම දිව ගිය විඩියෝ දර්ශන බොහෝ මාධ්‍ය විසින් ප්‍රචාරය කර තිබුණි.
මේ පිළිබදව විවිධ මත පළකිරිම්ද සිදුව තිබේ.
බෞද්ධ හා පාලි විශ්වවිද්‍යාලයේ හිමිවරුන්ගේ ඊයේ (23) පැවති විරෝධතාවය අතරතුර හැසිරීම සම්බන්ධයෙන් මහාචාර්ය, පුජ්‍ය කොටපිටියේ රාහුල හිමියන් ද අදහස් පළ කර තිබුණි
ඒ, හෝමාගම පනාගොඩ යුද හමුදා බෝධිරාජාරාමයේ පැවති සමස්ත ලංකා පිරිවෙන් කෘත්‍යාධිකාරි සහ පරිවේණාධිපති සම්මේලනයේදීය.
මහාචාර්ය පුජ්‍ය කොටපිටියේ රාහුල හිමි,
“ඊයේ අපි දැක්කා භික්ෂුවකගේ සිවුර ගැලවෙනවා. සිවුර දාලා දිව්වා. ඒ භික්ෂුවට තිබුණා නම් ශ්‍රද්ධාවක්, මහණ වෙච්ච දවසේ ඉඳන් මම ඉදිරියට ආවේ සිවුරේ පිහිටෙන් කියලා හිතුනා නම් මේ සිවුර දාලා යන්නේ නැහැ.”
