දිවයිනට පැමිණ සිටින ජාත්‍යන්තර මූල්‍ය අරමුදලේ ආසියා පැසිෆික් කලාපීය අධ්‍යක්ෂ චැන්යොං – රී, අද ජනාධිපති ගෝඨාභය රාජපක්ෂ හමුවිමට නියමිතව ඇති බව නිව්ස්වයර් වෙබ් අඩවිය වාර්තා කර තිබේ.
ජාත්‍යන්තර මූල්‍ය අරමුදලේ නියෝජිත පිරිස ඊයේ දිනයේදී මුදල් අමාත්‍ය බැසිල් රාජපක්ෂ සහ මුදල් අමාත්‍යාංශ ලේකම් එස්.ආර්.ආටිගල සමඟ ද සාකච්ඡාවක නිරත වූ බව ආරංචි මාර්ග උපුටා දක්වමින් රොයිටර් පුවත් සේවය වාර්තා කර තිබුණි.
මේ අතර දෙදින නිල සංචාරයක් සඳහා මුදල් අමාත්‍ය බැසිල් රාජපක්ෂ මහතා සහ මුදල් අමාත්‍යංශ ලේකම් එස්.ආර්. ආටිගල මහතා අද දිවයිනෙන් පිටත්ව ගියේය.
මුදල් අමාත්‍යවරයා ඉන්දියාවේ සංචාරයකට එක් වන්නේ ඉන්දියාව ඩොලර් බිලියන 1.5ක සහන ණය පැකේජයක් අනුමත කර ඇති පසුබිමක වීම විශේෂත්වයකි .
ඉන් ඩොලර් මිලියන 500ක් ඉන්ධන මිලදී ගැනීමටත් ඉතිරි ඩොලර් බිලියනය අත්‍යවශ්‍ය ආනයන සඳහාත් වේ.
