මේ දිනවල රටපුරාම දිනෙන් දින දිගු වෙමින් ඇති තෙල් පෝලිම් තුල ජනයා කුලල් කෑමට පටන් ගෙනය. තතු එසේව තිබියදි ලංකා ඉන්දීය තෙල් සමාගම ඉන්ධන මිල යළිත් ඉහළ දැමීමට කටයුතු කර තිබුණි. ඒ අනුව ඩීසල් ලීටරයක් රුපියල් 15කින් හා පෙට්‍රල් ලීටරයක් රුපියල් 20කින් ඉහළ දැමීමට ඔවුන් කටයුතු කර ඇත.
එම ඉහළ දැමීමත් සමඟ ඔක්ටේන් 92 පෙට්‍රල් ලීටරයක් රුපියල් 184 සිට රුපියල් 204 දක්වා ද, ඔටෝ ඩීසල් ලීටරයක් රුපියල් 124 සිට රුපියල් 139 දක්වා ද, ඉහළ ගියේය.
ලංකා අයි.ඕ.සී සමාගම විසින් පසුගිය 06 වනදා ද ඉන්ධන මිලගණන් ඉහළ දැමූ අතර මෙම මාසය තුළ දෙවරක් ඔවුන් විසින් ඉන්ධන මිල ගණන් ඉහළ දමා තිබේ.
මේ ආකාරයෙන් ඉන්ධන මිළ ඉහල දැමිමට රජයක් විසින් අවසර දි තිබුනේ ඉතිහාසයේ පළමු වරටය.
