ජනතාව තලා පෙලා දමන රාජපක්ෂ පාලනයට එරෙහි ශක්තිමත් විපක්ෂයක කාර්ය භාරය ඉටුකළ යුතුව ඇති සමගි ජනබලවේගයේ දේශපාලනයේ සිමාවේ ඉතා පැහැදිලි ලෙසින් මේ වන විටත් ලකුණු වෙමින් තිබේ. ඒ් එහි නායකය සජිත් ප්‍රේමදසාගේ දකුණේ සිංහල කේන්ද්‍රිය දේශපාලන භාවිතාව නිසා පමණක් නොවේ.
මාධ්‍යවේදියෙකුවද සිටි දැන් සමගි ජනබලවේගය වෙනුවෙන් මයික් ඉදිරියේ මත සමාජ ගත කරන ඒස් මරික්කාර් අද දිනයේ හිරු මාධ්‍යවේදි චමුදිතගේ නිවසට එල්ල වු ප්‍රහාරය ගැන අදහස් දක්වමින් කළ කථාවේ හරය ගත් කළ ඔහුගේ දේශපාලනය කැපි ඇති ප්‍රමාණයද මනාවට ඔප්පු වි තිබුණි.
පසුගිය රාජපක්ෂ පාලනය යටතේ ඝාතනයට ලක්වු මාධ්‍යවේදින් සහ මාධ්‍ය සේවකකයන් 44 දෙනාගෙන් 41 ක් දෙනෙකුම දමිළ මාධ්‍යවේදින් සහ මාධ්‍ය සේවකයන්ය.
එහෙත් රාජපක්ෂ පාලන සමයේ මාධ්‍ය මර්ධනය ගැන අදත් කතා කළ මරික්කාර්ට මතක තිබුනේ රාජපක්ෂලාගෙන් පිඩාවටපත් වු ,මර්ධනයට ලක්වු සිංහල මාධ්‍යවේදින් ගැන පමණය.
ඔහු විසින් මාධ්‍ය ඉදිරියේ අද කියාගෙන ගිය නම් ලැයිස්තුවේ ඝාතනයට ලක්වු ඒකදු දෙමළ මාධ්‍යවේදියෙකු නමක් නොවිය.
එය අහම්බයක්ද ? අතපසුවිමක්ද ?
නැත .
සජිත් ප්‍රේමදාස ඇතුළු සමගි ජනබලවේගය ශ්‍රි ලාංකික යැයි කියන සිය දේශපාලනය කපා‌ගෙන ඇති ප්‍රමාණය අදත් මරික්කාර් විසින් සමාජ ගත කර තිබුණි.
දෙමළාගේ හෝ මුසල්මානුවාගේ අයිතිය ගැන වගේ වගක් සජිත්ගේ දේශපාලනය තුල නැති බව මරික්කාර්ලා විසින්ම යළි යළිත් සනාථ කරමින් සිටි.
දකුණේ සිංහලයාගේ ගානට දේශපාලනය කපා ගත් සජබෙ අනාගත ඉරණම ?
- Advertisement -
