විදෙස් සංචිත ප්‍රමාණය පහත වැටීම නිසා රට මුහුණ පා සිටින දැඩි ආර්ථික අර්බුදයෙන් ගැලවීමේ අලුත්ම උපාමාරුව ලෙස
දේශීය ශ්‍රමිකයන් වැඩි පිරිසක් විදේශ ගත කිරීම කෙරෙහි රජයේ අවධානය යොමුව තිබේ.
විදේශ රැකියා ප්‍රවර්ධන හා වෙළඳපොල විවිධාංගිකරණ රාජ්‍ය අමාත්‍ය පියංකර ජයරත්න පවසන්නේ 2022 වර්ෂයේදී විගමණික ශ්‍රමිකයන් ලක්ෂ 3ක් රැකියා සඳහා විදේශ ගතකිරිමට බලාපොරොත්තු වන බවයි.
පසුගිය වසරේදී ශ්‍රමිකයන් 120,000 ක් පමණ විදේශ රැකියා සඳහා ලියාපදිංචි කිරීමට හැකි වූ අතර, කොවිඩ් වසංගතය පැවති සමයේදී රටවල් රැසක් අර්බුදවලට මුහුණ දුන් අවස්ථාවක සාර්ථකව විදේශ රැකියා ක්ෂේත්‍රය අඩපණ නොවී රැගෙන යාමට හැකි වූ බව ඔහු සදහන් කර ඇත්තේ නව වසරේ රාජකාරි ආරම්භ කරමින්, ශ්‍රි ලංකා විදේශ සේවා නියුක්ති කාර්යාංශයේ සේවක මණ්ඩලය අමතමිනි.
එහිදී ඔහු වැඩිදුරටත් සඳහන් කර ඇත්තේ, අවම වශයෙන් දිනකට ශ්‍රමිකයන් 850 දෙනෙකුවත් ලියාපදිංචි කිරීමට සැලැස්මක් ක්‍රියාත්මක කළ යුතු බවයි.
මෙම ඉලක්කය සපුරා ගැනීමට නම්, සියළුම නිලධාරීන් කැපවී සිටිය යුතු අතර විදේශ රැකියා නියෝජිතායතනවල සහයෝගයද අත්‍යාවශ්‍ය බව ඔහු වැඩි දුරටත් සදහන් කර තිබේ.
theleader.lk
