රට ඇත්තේ දැවැන්ත අර්බුදයක් අභියසය .ඩොලර් සංචිත නැති මේ බොහෝ අර්බුදවලට අද ප්‍රධානම හේතුව වි තිබේ.දැඩි ලෙස ආනයන මත යැපෙන රටක් ලෙසින් ඩොලර් සංචිත නැතිකම නිසා කන බොන දැ පමණක් නොව දැන් ඉන්ධනද නැතිවෙන තැනට කටයුතු සැකසෙමින් තිබේ.
හිටපු අගමැති රනිල් වික්‍රමසිංහ දිගින් දිගටම කියමින් සිටියේ IMF ඒකෙන් ණය අරගෙන මේ පවතින අර්බුදය කළමණාකරණය කර ගත යුතු බවය.
මේ වන විට කැබිනට් මණ්ඩයේ ඇතැම් ඇමතිවරුන් පවා මේ අදහස ඉදිරිපත් කරමින් සිටිති.
පසුගිය දා ඇමති වාසුදේව කියා සිටියේ මළත් IMF ණය නොගත යුතු බවය.
මේ අතර IMF ණය ගන්නවා වෙනුවට රාජ්‍ය අනුග්‍රහයෙන් කංසා වගාව නීතිගත කර අපනයන කිරීම හරහා රට ණය බරින් නිදහස් කර ගත හැකි බව ඩයනා ගමගේ මන්ත්‍රීවරිය පවසා තිබුණි.ඒ හරහා රටට විශාල විදේශ විනිමයක් උපයා ගැනීමට අවස්ථාවක් උදාවන බවයි මන්ත්‍රීවරිය පෙන්වා දි ඇත.
මෙරට තේ, රබර්, පොල් වාණිජ භෝග සඳහා ජාත්‍යන්තර වෙළඳපොළේ මීට පෙර පැවති ඉල්ලුම දැන් අහිමි වී ගොස් ඇති බවත් ස්වභාව ධාර්මයෙන් ලබා දී ඇති කංසා වගාව නීතිගත කර අපනයනයට යොමුවීම හොඳ අවස්ථාවක් බවයි මන්ත්‍රීවරිය සඳහන් කළේය.
කංසා වාණිජ භෝගයක් ලෙස වගා කර අපනයනය කිරීම හරහා තවදුරටත් ජාත්‍යන්තර මූල්‍ය අරමුදලෙන් මූල්‍යාධාර ඉල්ලා සිටීමට අවශ්‍ය නොවන බවයි ඇය වැඩිදුරටත් සඳහන් කරන්නට යෙදුණි.
