ජැමෙයිකාව රණින් හා රිදියෙන් සැරසූ රත්තරං අම්මා…. ජැමෙයිකාවේ ජනගහනය ලක්ෂ 29 කි .. ජපානයේ ටෝකියෝ නුවර පැවති මීටර 100 කාන්තා ඉසව්වේ .
ලොව වේගවත්ම කාන්තාව හැටියට පළමු ස්ථානය ලබමින් ජය ලැබුවේ ජැමෙයිකාවේ එලනි තොම්ප්සන් හිරා ය ..
ඇය මෙයට පෙර 2016 බ්‍රසීලයේ පැවති ඔලිම්පික් උළෙලේදී මීටර 100 හා 200 ඉසව් වල ඔලිම්පික් රන් පදක්කම් හිමි කර ගැනීමට සමත් වූ අතර 2016 දී තෙවන ස්ථානය ලබමින් ලෝකඩ පදක්කම දිනා ගත්තේ 2012 හා 2008 මිටර් 100 තරගයේ ඔලිම්පික් රන් පදක්කම හිමි කරගත් ජැමෙයිකාවේ ම ෂෙලී ඇන් ෆ්රේසර් ප්‍රයිස් වන අතර අද අවසන් වූ තරගයේත් දැනට 36 හැවිරිදි එක්දරු මවක් වන ෂෙලී ඇන් ෆ්රේසර් ප්‍රයිස් නැවත වතාවක් රිදී පදක්කම ද තම මව් බිමට හිමිකර දීමට සමත් වීය .. ඊට අමතරව ජැමෙයිකාවට මෙවර ඔලිම්පික් උළෙලේ මීටර 100 තෙවන ස්ථානයත් ලබා දීමට ෂෙරිකා ජැක්සන් ද සමත් විය ..
ඒ අනුව මෙවර මිටර 100 තරගයෙන් පලමු , දෙවන හා තෙවන ස්ථාන තුනම තම රටට හිමිකර ගනිමින් ලොවේම ජනතාවට තම රටේ අභිමානය වචනයෙන් පමනක් නොව ක්‍රියාවෙන්ද පෙන්නුම් කිරීමට ජැමෙයිකානු ක්‍රීඩිකාවන් සමත් විය ..
ලක්ෂ 29 ජනගහනයක් සිටින ජැමෙයිකාව ආරම්භයේ පටන්ම මෙසේ කෙටි ධාවන ඉසව් සදහා දක්ෂකම් දක්වනවා යයි බොහෝ දෙන සිතා සිටියත් එය එසේ නොවන අතර ඔවුන් ඉතා කැපවීමෙන් පුහුණුවීම් සමග පසුගිය වසර 20 ක 30 ක කාලයක පටන් ඔවුන් දැන් මේ සිටින ස්ථානයට රටක් හැටියට දැඩි කැපවීමෙන් පසුව පැමිණ ඇත ..මෙවන් හැකියවන් විදහා දක්වන ජමෙයිකානුවන් වත්මනේ ලොව අභිමානවත් ජාතියකි.
සටහන ජෝසප් ඩයස්
