හෝමාගම විවිධ සේවා සමුපකාර සමිතියට අයත් , දියගම මල්ශාලාවේ කළමනාකරු ඇතුළු හත් දෙනෙකුට කොරෝනා වයිරසය ආසාදනය වීම නිසා එම මල් ශාලාව තාවකාලිකව වසා දැමීමට පියවර ගත් බව කහතුඩුව පරිපාලන මහජන සෞඛ්‍ය පරීක්ෂක පී . සමරසේකර මහතා පවසන බව ලංකාදිප වෙබ් අඩවිය වාර්තා කොට තිබේ
මේ හේතුවෙන් එම මල් ශාලාවේ සේවය කල පුද්ගලයින් දසදෙනෙකු මල් ශාලාව තුලම නිරෝධායනය කිරීමට පියවර ගත් බවද කියයි .
මීට දින කීපයකට පෙර මෙම මල්ශාලාවේ කළමනාකාර වරයාට සහ රියදුරුට කොරෝනා ආසාදනය වී තිබූ අතර පසුව ඔවුන්ගෙන් ආශ්‍රිතයින් ඉලක්ක කරගනිමින් සිදුකළ පී.සී.ආර් පරීක්ෂණයේදී එම මල්ශාලාවේම සේවය කළ තවත් සේවකයින් පස්දෙනකුට වෛරසය ආසාදනය වී තිබූ බව පරිපාලන මහජන සෞඛ්‍ය පරීක්ෂකවරයා පැවසීයැයිද වැඩිදුරටත් එම පුවතේ සදහන්ය
ඒ අනුව එම මල් ශාලාවේ සේවය කළ සෙසු සේවකයින් දස දෙනෙකු ස්වයං නිරෝධායනයට ලක් කොට ආසාදිතයින් රෝහල්ගත කිරීමට පියවර ගෙන තිබේ.
මෙම මල්ශාලාවේ සේවකයින් සියලු දෙනා එකම ආරක්ෂිත ඇඳුම් කට්ටලය භාවිතා කරමින් දෛනිකව අවමංගල්‍ය කටයුතු සිදු කර ඇති බවට තොරතුරු අනාවරණය වී ඇති බවත් ඒ සම්බන්ධයෙන් පාලනාධිකාරියට එරෙහිව ඉදිරි පියවර ගැනීමට නියමිත බව සෞඛ්‍ය අංශ පවසයි .
මෙවැනි සිදුවිම් වලින් පැහැදිලි වන්නේ ලාබය උපරිම කරගැනිමට ඇති උවමනාව විසින් කොරෝනා වසංගතයෙන් සිය සේවයකයන් පරිස්සම් කරගැනිමට අදාලව බොහෝ තැන්වලදි කටයුතු සිදුවෙමින් ඇත්තේ සෞඛ්‍ය නිතිවලට පටහැනිව බවය
