නගරයේ පිරිසිදුකම සහ පිළිවෙල වඩාත් හොදින් රැක ගැනිම සදහා නාගරික පොලිස් ඒකකයක් ස්ථාපිත කිරිමට යාපනය නගරසභාව පසුගියදා පියවර ගෙන තිබුණි.
එය නිළ වශයෙන් ක්‍රියාත්මක කිරිමට නියමිතව තිබුනේ ඊයේ(08) දිනයේදිය.
මේ ඒකකය සදහා සෞඛ්‍ය අංශයේ සේවය කළ 5 දෙනෙකු යොදවා ගෙන තිබුණ බව නගරාධිපතිවරයා ඊයේ මාධ්‍ය හමුවේ පවසා තිබුණි.
ඔහු පෙන්වා දුන්නේ කොළඹ මහ නගර සභාවේ ආදර්ශමත් වැඩකටයුතුවලින් පසුව මෙම නව වැඩපිළිවෙල ක්‍රියාත්මක වන බවයි.
මේ අතර යාපනය නාගරික පොලිස් ඒකකය සදහා සකස් කර තිබුන නිල ඇදුම එල්.ටි.ටි.ඊ සංවිධානයේ පොලිසිය විසින් භාවිත කළ ඇදුමට සමාන එකක් බවට ලැබුණ පැමිණිලි මත යාපනය පොලිසිය විසින් මහනගර සභාවේ නාගරික කොමසාරිස්වරයාද ඇතුළු තවත් නිළධාරින් පසුගියදා දිර්ඝ ලෙසින් ප්‍රශ්ණ කර ඇත.
මේ අතර ඊයේ(08) රාත්‍රියේ නගරාධිපති නිතිඥ මනිවානන් ගෙන්ද ප්‍රශ්ණ කිරිම ආරම්භ කර තිබුණ අතර අද අලුයම 2.15 පමණ ඔහුව ත්‍රස්ත විමර්ශණ ඒකකය විසින් අත්අඩංගුවට ගෙන වව්නියාවට රැගෙන ගොස් අතැයි යාපනය කේන්ද්‍රකොට ගෙන ක්‍රියාත්මක මාධ්‍ය විසින් අද වාර්තා කොට තිබේ.
