දකුණු පළාතේ කොඩිව් ආසාදිත රෝගීන් සංඛ්‍යාව 639 දක්වා වැඩිවී ඇති බැව් දකුණු පළාතේ කොරෝනා මෙහෙයුම් සම්බන්ධීකරණ කාර්යාලයේ සම්බන්ධීකරණ නිලධාරි චාමර මහගමගේ මහතා පවසන බව ලංකාදිප වෙබ් අඩවිය වාර්තා කොට තිබේ
ඊයේ (19) දිනය තුල පමණක් දකුණු පළාතෙන් කොරෝනා ආසාදිත රෝගින් 54ක් වාර්තා වි ඇති බවද හෙතෙම පවසයි. ගාල්ල දිස්ත්‍රික්කයෙන් නව කොරානා ආසාදිත රෝගින් 52ක් මාතර හා හම්බන්තොට යන දිස්ත්‍රික්කවලින් රෝගින් එක බැගින් වාර්තා වී ඇති බවද ඒ මහතා පවසයි. ඊයේ (19) දින ගාල්ල මහනගරසභා බල ප්‍රදේශයෙන් කොවිඩ් ආසාදිත රෝගින් 08 දෙනෙකු, ඉදුරුව සෞඛ්‍ය වෛද්‍ය නිලධාරි කොට්ඨාශයෙන් රෝගින් 40 දෙනෙකු, බද්දේගම සෞඛ්‍ය වෛද්‍ය නිලධාරි කොට්ඨාසයෙන් රෝගින්02නෙකු බලපිටිය හා අක්මිමන යන සෞඛ්‍ය වෛද්‍ය නිලධාරි කොට්ඨාසවලින් රොගින් එක් අයෙකු බැගින් වාර්තා වි ඇති බවද චාමර මහගමගේ මහතා පවසන බව වැඩිදුරටත් එම පුවතේ සඳහන්ය
වැලිගම හා තංගල්ල යන සෞඛ්‍ය වෛද්‍යනිලධාරි කොට්ටාශවලින් රෝගින් එක් අයෙකු බැගින් වාර්තා වි ඇති බවද ඒ මහතා පවසයි. මේ වනවිට ගාල්ල දිස්ත්‍රික්කයේ කොවිඩ් ආසාදිත රෝගින් සංඛ්‍යාව 392දෙනෙකු, මාතර දිස්ත්‍රික්කයෙන් රෝගින් 199ක්, හම්බන්තොට දිස්ත්‍රික්කයෙන් රෝගින් 48 දෙනෙකු වාර්තා වී ඇත.
රෝගින් 258 දෙනෙකු සුවය ලබා නිවෙස්වලට ගොස් ඇති බව පවසන චාමර මහගමගේ මහතා ගාල්ල දිස්ත්‍රික්කයෙන් රෝගින් 167 දෙනෙකු මාතර දිස්ත්‍රික්කයෙන් 68 දෙනෙකු හා හමබන්තොට දිස්ත්‍රික්කයෙන් රෝගින් 23 සුවය ලබා නිවෙස්වලට ගොස් ඇති බවද හෙතෙම පවසයි.මේ වන විට දකුණු පළාතේ පවුල් 1541කට අයත් පුද්ගලයින් 2816 දෙනෙකු නිවෙස්වල නිරෝධායනය වෙමින් සිටින බවද ඒ මහතා වැඩිදුරටත් සදහන් කරයි.
මේ අතර ගාල්ල ඉදුරුව සෞඛ්‍ය වෛද්‍ය නිලධාරි කොට්ඨාශයට අයත් තුන්දුව බටහිර හා තුන්දුව නැගෙනහිර යන ග්‍රාම නිලධාරිවසම් ඊයේ රාත්‍රියේ (19) සිට හුදකලා ප්‍රදේශය ලෙස නම්කරනු ලබන බැව් කොවිඩ් 19 පැතිරිම වැළැක්විමේ ජාතික ක්‍රියාන්විත මධ්‍යස්ථානය පවසයි.
ඉදුරුව හුදකලා කරයි ..
මෙකි ග්‍රාම නිලධාරි වසම් දෙකින් ඊයේ (19) දිනය තුල කොවිඩ් ආසාදිත රෝගින් 41 දෙනෙකු වාර්තාවීමත් සමග හුදකලා කිරීමට තින්දුකොට ඇත.
මේ පිළිබද දකුණු පළාත් ආණ්ඩුකාරවර ආචාර්ය විලිගමගේ මහතා සදහන් කළේ දකුණු පළාතේ සෞඛ්‍ය බලධාරින්ගේ නිර්දේශ මත කොවිඩ් 19 පැතිරිම වැලැක්විමේ ජාතික ක්‍රියාන්විත මධ්‍යස්ථාන මගින් මෙම තීන්දුව ගෙන ඇති බවය.
