( 9.30 am ) අම්පාර දිස්ත්‍රික්කයේ වීරමුනායි ප්‍රදේශයේදී ද්‍රවිඩ පුද්ගලයන් 232 දෙනෙකු ඝාතනය කිරීමේ 30 වන අනුස්මරණය පසුගිය 18 වනදා පැවැත්විණී.
අග්‍රාමාත්‍ය සම්බන්ධීකාරක කරුණා අම්මාන් නොහොත් විනයාග මූර්ති මුරලිදරන් මහතා පසුගිය බදාදා රාත්‍රියේ වීරමුනායි හි ස්මාරකය අසල පැවති මෙම අනුස්මරණයට සහභාගී වි තිබුණි.
මෙම අවස්ථාවේදී , අම්පාර වීරමුනායි ශ්‍රී සින්දයාත්‍රි පිල්ලෙයාර් කෝවිල ඉදිරිපිට ඉදිකර ඇති ස්මාරකයට මල්මාලා පළඳවිමන් , මියගිය අයට විනාඩියක් උපහාර දැක්විමට කරුණ අම්මාන් කටයුතු කර තිබුන අයුරු මාධ්‍ය විසින් වාර්තා කරන්නට යෙදුණි
පසුගිය යුද සමයේදී අම්පාර දිස්ත්‍රික්කයේ සමන්තුරෙයි ප්‍රදේශයේ සිදු වූ ප්‍රචණ්ඩ ක්‍රියා හේතුවෙන් වීරමුනෙයි සහ අම්පාර ඇතුළුව ප්‍රදේශවල වෙසෙන සිය ගණනක් ජනයා ඔවුන්ගේ වීරමුනායි රාමන්තන්සලාසන් වලසාර්ම් හි කෝවිලේ සිය ආරක්ෂාව පතා එක් රැස්ව සිටියහ.
වීරමුනායි යනු සමන්තුරෙයිට ආසන්නයේ පිහිටි පුරාණ දෙමළ ගම්මානයකි.
අහිංසක දමිල ජනයා එහිදා ඝාතනය කර තිබුණි
මේ අතර මිය ගියවුවන් සමරන නොවැම්බර් මාසය තුල උතුරේ මෙන්ම නැගෙනහිර ජනයා හට ඒ අවස්ථාව මේ වන විට අහිමිව ගොස් තිබේ.එයට දැනටමත් විවිධ බාධාවන් පැනවෙමින් තිබේ. එහෙත් රජයේ හමුදාවන් විසින් සිදුකරන්නට යෙදුනා යැයි කියන විරමුනෛයි සමුලඝාතනය සමරන්නට මේ රජය විසින්ම කරුණා අම්මාන්ට අනුග්‍රහය ලබා දි තිබියදි ඒ අයිතිය මිය ගිය අය සමන්නට උතුරේ මෙන්ම නැගෙනහිරද ජනයාට අහිමිව යමින් තිබිම යනු එක රටක් නීති දෙක්ක නොවේද ?
