මැනින් වෙළඳපොළ කොළඹින් පිටත තාවකාලිකව පෑලියගොඩදී ආරම්භ කිරීමට කටයුතු කරමින් පවතින බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවැසීය.
ඒ වෙනුවෙන් අවශ්‍ය යටිතල පහසුකම් සංවර්ධනය කරමින් පවතින බවත් සති අන්තයේ හෝ ලබන සඳුදා එහි කටයුතු ආරම්භ කිරීමට අවස්ථාව ඇති බවත් ඔහු පැවැසීය.
කොළඹ මැනින් වෙළඳපොළ කටයුතු කළ කාර්ය මණ්ඩල හා නාට්ටාමිවරුන්ට මෙහි කටයුතු කිරීමට අවස්ථාව ඇති බවත් ඊට පෙර ඔවුන් පී.සී.ආර්. පරික්ෂණයකට ලක්විය යුතු බවත් ඔහු පැවැසීය.
මේ අතර මැනින වෙළඳ පොලේ වෙළද සංගමය පවසා සිටින්නේ රජය විසින් දැනට යෝජනා කර ඇති පෑලියගොඩ ස්ථානයට යෑමට කිසිසේත්ම සුදානම් නැති බවය.
