19 අහෝසි කිරීම ගැන සිවිල් සංවිධාන, විපක්ෂ දේශපාලන පක්ෂ දක්වන නිහැඩීයාව පුදුම සහගත බවත්, ආණ්ඩුව 19 සංශෝධනය ඊරි යකෙක් විදිහට පෙන්වන්නේ විපක්ෂය කථා නොකරන නිසා බවත් සමගි ජන
බලවේගයේ මාතලේ දිස්ත්‍රික් පාර්ලිමේන්තු මන්ත්‍රීණි රෝහිණී කවිරත්න පැවසුවාය.
”20 ට විරුද්ධ වෙන්නේ විමල්-වාසුදේව-ගම්මන්පිල ප්‍රමුඛ ආණ්ඩු පක්ෂය විතරක්ද කියා මටත් හිතෙනවා” යයි ද ඇය කියා සිටියි.
ඇය එබව සඳහන් කළේ, ලග්ගල පල්ලේගම කොට්ටගස් හන්දියේ පැවති මහජන හමුවකදීය.
”19 වන ව්‍යස්ථා සංශෝධනය ගෙනාවේ දේශපාලන පක්ෂ නොවෙයි, සිවිල් සංවිධානයි. හැබැයි අද 19 අහෝසි කරනකොට ඒ සිවිල් සංවිධාන විතරක් නෙවෙයි, උතුරේ – දකුණේ විපක්ෂයේ දේශපාලන පක්ෂත් නිහඩවෙලා යැයි මටත් හිතෙනවා” යැයි ද මන්ත්‍රීවරිය එහිදී පැවසුවාය.
”20 වන ව්‍යවස්ථා සංශෝධනයට දැනට විරුද්ධ වෙන්නේ ආණ්ඩුවේම ඉන්න විමල්-වාසුදේව-ගම්මන්පිල විතරයි කියා ජනතාව එළිපිටම කියනවා මට ඇහිලා තියෙනවා.
”20 වන ව්‍යවස්ථා සංශෝධනයට දැනට විරුද්ධ වෙන්නේ ආණ්ඩුවේම ඉන්න විමල්-වාසුදේව-ගම්මන්පිල විතරයි කියා ජනතාව එළිපිටම කියනවා මට ඇහිලා තියෙනවා.”
අද විපක්ෂයට තියෙනව ලොකුම චෝදනාව අපි දේශපාලනය කරන්නේ නෑ කියන එක. ඒකේ ඇත්තක් තියෙනවා. එජාපයේ වැඩ කල්දැමිල්ල, වැඩ අතපසු කිරීම නිසා, අපි නාමික විපක්ෂයක් බවට පත් වුණා.
19 ගෙනාවේ මේ රටේ සිවිල් සංවිධාන. 19 රැකගන්න බැරිවුණොත්, විපක්ෂයේ දේශපාලන පක්ෂවලටත්, සිවිල් සංවිධානවලටත් එජාපයට වූ දේ සිදුවීම වලක්වන්න බැරි වෙයි” යැයි ද කවිරත්නමන්ත්‍රීවරිය තවදුරටත් පැවසුවාය. 
”මාධ්‍යවේදී ඩෙස්මන් වෙනුවෙන් ඉදිරිපත් වෙන්න අපරාධ නඩු පිළිබඳ නීතිඥයෙක් හොයා ගන්න බැරිවුණා”
රටේ නැවත මාධ්‍ය මර්ධනයක් ඇති වෙමින් තියෙනවා. අපේ මැතිවරණ ව්‍යාපාරයට උපකාර කරපු වෙබ් මාධ්‍යවේදී ඩෙස්මන් චතුරංග ද අල්විස් අධිකරණයට අපහසා කළා යැයි අත්අඩංගුවට ගෙන දවස් 14 ක් රිමාන්ඩ් බන්ධනාගාර ගත කර තියෙනවා. ඔහු වෙනුවෙන් ඉදිරිපත් වෙන්න අපරාධ නඩු පිළිබඳ නීතිඥයෙක් හොයා ගන්න බැරිවුණා.
2010 – 2014 ත් මෙවැනිම තත්වයක් රටේ ඇති වුණා. එදා 18 වන ව්‍යවස්ථා සංශෝධනය ගෙන ආ විට තිබුණ තත්වයයි, අද තත්වයෙයි වෙනසක් නෑ. රටම බිය වී තිබෙනවා. ” මන්ත්‍රීවරිය වැඩිදුරටත් පැවසුවාය.
theleader.lk
