පුද්ගලයන් සංචාරක වීසා වලින් විදේශයන්ට යවා ඒ සම්බන්ධයෙන් තොරතුරු ඉදිරිපත් කිරීම පැහැර හැරි විදේශ රැකියා නියෝජිත ආයතන 400ක හිමිකරුවන්ගේ බලපත්‍ර තහනම් කර ඇතැයි කම්කරු අමාත්‍ය මනුෂ නානායක්කාර මහතා පාර්ලිමේන්තුවේදී අද පවසන්නට යෙදුන බව ලංකාදිප වෙබ් අඩවිය වාර්තා කර තිබුණි
එසේම ඩොලර් නැතුව උණ්ඩියල් ආකාරයෙන් කමිෂන් මුදල් ගෙන ආ තවත් විදේශ රැකියා නියෝජිත ආයතන රැසක්ද තාවකාලිකව තහනම් කළ බව ඔහු සඳහන් කළ බව එම පුවතේ වැඩිදුරටත් සදහන්ය
අමාත්‍යවරයා මෙසේ පැවසූවේ කම්කරු අමාත්‍යාංශයේ වැය ශීර්ෂය පිළිබඳ අයවැය කාරක සභා අවස්ථාවේ විවාදයේ දීය.
මේ අතර ඊයේ දිනයේදිද සංවාරක විසා මගින් මැලේසියාවට යාමට පැමිණි 9 දෙනෙකු ගුවන් තොටුපලේදි අත්අඩංගුවට ගෙන තිබුණි
