2 Shares 
Share 
Tweet
මන්ත්‍රී දේශපාලනයෙන් සමුගෙන සිටින හිටපු මුදල් අමාත්‍ය මංගල සමරවීර, ඉදිරියේදී තමන්ගේ දශක තුනට වැඩි දේශපාලන භාවිතාව
සම්බන්ධයෙන් ස්වයං විවේචනාත්මක විග්‍රහයක් ප්‍රකාශයට පත්කිරීමට නියමිත බව වාර්තාවේ.
කොරෝනා වසංගතයෙන් ලද මාස කිහිපයක විවේකය හමුවේ, ඔහු තමන් විසින් සිදුකළ ජාතික හා ජාත්‍යන්තර දේශපාලන මැදිහත්වීම් සම්බන්ධයෙන් පුළුල් විමසා බැලීමක් සිදුකර කරමින් සිටි බවත්, වරින් වර දේශපාලන හා ආර්ථික විශ්ලේෂකයින් කැඳවමින් ඔවුන් සමග ද දීර්ඝ සංවාදවල නියැලී සිටි බවත් වාර්තාවේ.
ඔහුගේ කාර්ය මණ්ඩලයේ ප්‍රකාශකයකු පැවසුයේ, මංගල සමරවීර හිටපු ඇමතිවරයා මන්ත්‍රී දේශපාලනයෙන් සමුගැනීමට එම කාරනා ද ඉවහල්වීමට බොහෝදුරට හේතුවන්නට ඇති බවයි.
එම ප්‍රකාශකයා සඳහන් කළ පරිදි බෞද්ධ දර්ශනය සම්බන්ධයෙන් හා මෙරට පාලනය දේශපාලන නායකයින්ගේ භාවිතාව සම්බන්ධයෙන් පසුගිය මාස කිහිපයෙහි දීර්ඝ අධ්‍යනයක දී ඇති මංගල, මෙරට හිටපු අගමැති සර් ජෝන් කොතලාවලගේ දේශපාලනය සම්බන්ධයෙන් ගැඹුරු හැදෑරීමක නිරතව සිටිබව ද කියා සිටියේය.
” මේ දවස්වල මංගල ඇමතිතුමාගේ දේශපාලන විරයා වෙලා ඉන්නේ සර් ජෝන්’ එම ප්‍රකාශකයා වැඩිදුරටත් කියා සිටියේය.
ඩබ්ලි සේනානායක 1953 හර්තාල් විරෝධය හමුවේ අගමැති තනතුරින් ඉල්ලා අස්විමෙන් පසු 1953 ඔක්තෝබර් 12 දා ශ්‍රී ලංකාවේ තුන් වන අගමැති ලෙස පත්වූ ජෝන් කොතලාවල, 1956 දක්වා එම ධුරයේ කටයුතු කළේය. ඔහු අභාවප්‍රාන්ත වුයේ 1980 සැප්තැම්බර් 03 වැනිදාය.
