බොරැල්ලේ සියළු සාන්තුවරයන්ගේ දේවස්ථානයේ අත්බෝම්බයක් තබා ගිය පුද්ගලයා අත්අඩංගුවට ගත් ආකාරය ගැන මාධ්‍ය හමුවේ විස්තර කළ පොලිස් ඇමති සරත් විරසේකරගේ ප්‍රකාශ හාස්‍යයට ලක්කරමින් කාර්දිනල් හිමියන් කියා තිබුනේ ඒ් කථා කොන්ඩේ බැදපු චීන්නුන්ට කියන ලෙසයි.
බෝම්බය තැබුවේ යැයි කියමින් පොලිසිය විසින් පල්ලියේ කටයුතුකරන පුද්ගලයෙකු ( සන්ක්‍රිරිස්තියන් ) ව අත්අඩංගුවට ගෙන තිබුණි.
පොලිසිය සැකකරුවන් අත්අඩංගුවට ගන්නා විදිය ගැනද පොලිසියට අවශ්‍ය දේවල් ඔවුන් ලවා කියවාගෙන අත්අඩංගුවට ගන්නවා යැයි කියන පැහැදිලි මතයක් කාලයක් තිස්සේ සමාජ ගතව තිබියදි කාර්දිනල් මැල්කම් රංජිත් හිමියන් විසින් එය සනාථ කරමින් පසුගිය දිනවල දිගින් දිගටම කරුණු දක්වා සිටියේය .
පාස්කු ප්‍රහාරයට දින 1000 සපිරෙන්නට ඔන්න මෙන්න කියා තිබියදි බොරැල්ල පල්ලියේ අත්බෝම්බ කථාව මතුවිමද විශේෂත්වයකි.
කෙසේ වෙතත් කාර්දිනල් හිමියන්ගේ ප්‍රකාශයෙන් පැහැදිලි වු පොලිස් නිලධාරින්ගේ සැකකරුවන් අත්අඩංගුවට ගැනිමේ හා රදවා ගැනිමේ කමකට නැති වැඩපිළිවෙල තුලින් මේ වන විට ඉතා විශාල අහිංසකයන් පිරිසක් හිරගෙවල් වල ලගිති.
මේ අය අතර නඩු නැතිව වසර ගණනක් තිස්සේ සිරගතව සිටින දමිළ දේශපාලන සිරකරුවන්ද වෙති.ඒහෙත් අවාසනාව වන්නේ ඒ් අය වෙනුවෙන් මේ ඇත්ත කියන්නට ආගමික නායකයන් වත පෙරට නොපැමිණිමය.
