කොළඹ නගරයේ ඉන්ධන පිරවුම්හල්හි අද (08) උදෑසන සිට බොහෝ පාලු ස්වභාවයක් පෙන්නුම් කළ අතර සාමාන්‍ය දිනවල මෙන් රථවාහන බොහොමයක් ඉන්ධන ලබාගැනීමට නොපැමිණි බව ඉන්ධන පිරවුම්හල් සේවකයෝ පැවසු බව ලංකාදිප වෙබ් අඩවිය වාර්තා කොට තිබේ
දවසේ ඕනෑම වෙලාවක දිගු පෝලිම් පවා දැකියහැකි ඉන්ධන පිරවුම්හල් හි පවා හිස්ව පැවතුණ බවද වැඩිදුරටත් එම පුවතේ සඳහන්ය
මේ සඳහා නිශ්චිත හේතුවක් නොදන්නා බවද අද දිනයේ මුදල් අමාත්‍යවරයා ලෙස වැඩ භාරගත් බැසිල් රාජපක්‍ෂ මහතා ඉන්ධන මිලෙහි වෙනසක් සිදු කරතැයි ඇතැමුන් විශ්වාස කරන බවද ඉන්ධන පිරවුම්හල් සේවකයෙක් පැවසීය.
ඉන්ධන මිළ පමණක් නොව බැසිල් පාර්ලිමේන්තු පැමිණ පසු ජනතාවට සහන රැසක් දෙන බව පසුගිය දා රාජ්‍ය ඇමති නිමල් ලංසා මාධ්‍ය හමුවේ පවසා තිබුණි
