නිරෝධායන නීති කඩකරමින් බම්බලපිටියේ සංවිධානය කර තිබූ මත්පෙති සාදයක් වැටලූ බම්බලපිටිය පොලිසිය සැකකරුවන් දසදෙනෙක් අත්අඩංගුවට ගෙන තිබේ.
අත්අඩංගුවට ගත පිරිස කොළඹ ප්‍රධාන පෙළේ පාසල් දෙකක ආදි සිසුන් බව පොලිසිය කියයි.
බම්බලපිටිය ප්‍රදේශයේ කාමරයක් තුළ මත්පෙති සාදයක් පත්වන බවට පෙරේදා (13දා) රාත්‍රියේ බම්බලපිටිය පොලිසියට ලද තොරතුරක් මත මෙම වැටලීම සිදුකර ඇත.
රුපියල් හත්දහසකට කාමරයක් වෙන් කරවාගෙන මත්පැන්, අයිස්, මත්පෙති වැනි නීති විරෝධී දෑ පානය කරමින් සිටියදී මොවුන් අත්අඩංගුවට ගත් බව පොලිසිය පවසයි.
සැකකරුවන් අධිකරණය වෙත ඉදිරිපත් කිරීමට නියමිතය.
