( 8.30 am ) වේගයෙන් ව්‍යාප්තවන කොරෝනා වසංගතය නිසා පළමුවරට කැබිනට් මණ්ඩලය අද (30) රාත්‍රියේ වීඩියෝ තාක්ෂණය ඔස්සේ කැඳවා තිබුණි
කොවිඩ් පළමු රැල්ල ව්‍යාප්ත වන අවස්ථාවේවත් කැබිනට් මණ්ඩලය මේ ආකාරයට රැස්වී නොමැත. කොවිඩ් වසංගතය නිසා අගමැති නිලනිවස වන අරලිය ගහ මන්දිරයද පසුගිය නොවැම්බර් 18 සිට ලොක්ඩවුන් කර ඇති බැව් සැලය
එසේම කැබිනට් අමාත්‍ය ධුරයක් ලැබී පළමුවරට මුහුණදීමට තිබූ අයවැය විවාදයට නාමල් රාජපක්ෂ මහතා සහභාගී නොවීමද පාර්ලිමේන්තුවේ දැඩි කතාබහට ලක්ව තිබුණි.
මෙලෙස කැබිනට් රැස්වීම වීඩියේ තාක්ෂණය ඔස්සේ රැස්වන්නේ ලංකා ඉතිහාසයේ පළමු වතාවටය.
මේ අතර සමාජ මාධ්‍ය ඔස්සේ ඇතැමුන් මේ වන විට මතුකරමින් සිටින්නේ පාසැල් විවෘත කරපු කැබිනට් මණ්ඩලයට දැන් කැබිනට් රැස්විමක් පැවත්විමත් අපහසුවි ඇති බව මතුකරමිනි.
කෙසේ වෙතත් පාසැල් විවෘත කිරිමට රජය ගත් තීන්දුව ගුරු සංගම්වල බරපතල විවේචනයකට ලක්ව තිබේ
