නවක මන්ත්‍රීවරුන්ට පවත්වන දෙදින වැඩමුළුවේ සමාරම්භක අවස්ථාවට විපක්ෂ නායක සජිත් ප්‍රේමදාසට ආරාධනා කර තිබුණද ඔහු ඊයේ (25 වැනිදා) ඊට සහභාගි වී සිටියේ නැති බව අරුණ පුවත්පත අද වාර්ථා කොට තිබුණි.
අගමැති මහින්ද රාජපක්ෂගේ ප්‍රධානත්වයෙන් ඊයේ (25 වැනිදා) පෙරවරු 9.00ට පැවැති මෙම සමාරම්භක අවස්ථාව කථානායක මහින්ද යාපා අබේවර්ධනගේද සහභාගිත්වයෙන් පැවැත්විණි.
මේ සඳහා සහභාගි වන ලෙස විපක්ෂ නායකවරයාටද ආරාධනා කළ බව පාර්ලිමේන්තුවේ ප්‍රකාශකයෙක් අරුණට පැවසු බවද එහි සදහන්ය.
මෙහිදී නවක මන්ත්‍රීවරුන් ඇමතීමට විපක්ෂ නායක සජිත් ප්‍රේමදාසට විනාඩි දහයක කාලයක් වෙන්කර තිබිණි. ඊට අමතරව මන්ත්‍රීවරුන් ඇමැතීමට වේලාවක් වෙන්කර තිබුණේ අගමැතිවරයා හා කථානායකවරයාටය.
කෙසේ වෙතත් විපක්ෂ නායකවරයා වෙනුවෙන් විපක්ෂයේ ප්‍රධාන සංවිධායක ලක්ෂ්මන් කිරිඇල්ල කතා කළේය. සභා නායක දිනේෂ් ගුණවර්ධන, ආණ්ඩු පක්ෂයේ ප්‍රධාන සංවිධායක ජොන්ස්ටන් ප්‍රනාන්දු යන අයද සමාරම්භක උළෙලේ ආරාධිතයෝ වූහ.
මුලාශ්‍රය – අරුණ
