කොවිඩ් – 19 වසංගත තත්වයේ බලපෑම හේතුවෙන් ත්‍රීකුණාමලය අධ්‍යාපන කොට්ඨාසයේ සියලුම පාසල් නැවත දෙනතුරු වසා තැබෙන බව නැගෙනහිර පළාත් ආණ්ඩුකාර අනුරාධා යහම්පත් සඳහන් කරයි.
මෙම තීරණය ගනු ලැබුවේ ත්‍රීකුණාමලය නගරයෙන් කොවිඩ් – 19 ආසාදිතයන් 15 දෙනෙකු වාර්තා වීම හේතුවෙන් බවද ආණ්ඩුකාරවරිය පවසයි.
මේ අතර මේ වන විට වසා දමා තිබෙන පෙර පාසැල් සහ ප්‍රාථමික අංශයේ අධ්‍යාපන කටයුතු යළි ආරම්භ කිරීම සම්බන්ධයෙන් අධ්‍යාපන අමාත්‍යාංශය විශේෂ නිවේදනයක් නිකුත් කර තිබේ
ඒ අනුව බස්නාහිර පළාත සහ හුදෙකලා කොට ඇති ප්‍රදේශ හැර දිවයිනේ සෙසු ප්‍රදේශවල පිහිටි පෙර පාසැල් සහ පාසල් වල ප්‍රාථමික අංශයේ අධ්‍යන කටයුතු ලබන ජනවාරි මස 11 වෙනිදා සිට ආරම්භ කෙරෙන බවයි අධ්‍යාපන ඇමති ජී.එල්. පිරිස් එමගින් දැනුම් දි තිබේ
