ගෑස් සිලින්ඩරයක් රු 5000 කටත් ඉහලට යනු ඇතැයි මේ දිනවල විවිධ කථා බහට ලක්ව තිබේ. දිනපතා විවිධ භාණ්ඩ හා සේවාවන්ගේ මිළ ඉහල යෑම් ප්‍රවෘත්ති බවට පත්වෙමින් ඇති සමාජයක ගෑස් මිළ ඉහල ගියා යන්න තවත් පුවතක් පමණක් විය හැකි වුවද එය විසින් ජනජිවිතට මුදාහරින ජිවන බර අතිවිශාලය.
පවතින විදේශ විනිමය අර්බුදය හමුවේ ලිට්‍රෝ සමාගමට ගෑස් කර්මාන්තය සිදුකර ගෙන යාම අසීරු වී ඇතැයි ලිට්‍රෝ සුරැකීමේ සංගමය පවසා ඇතැයි නිව්ස් වයර් වෙබ් අඩවිය වාර්තා කර තිබුණි.දැනට පවතින මිල ගණන් අනුව කිලෝ 12.5 ගෘහස්ථ ගැස් සිලින්ඩරයකින් රුපියල් 2000ක පාඩුවක්ලබන බවයි ඔවුන් පවැසු බව එම පුවතේ වැඩිදුරටත් සදහන්ය.
ඊයේ දිනයේ මෙට්‍රික් ටොන් 3500 ක ගෑස් නෞකාවක ගෑස් තොග බෙදාහැරීම ආරම්භ වූ අතර එම ප්‍රමාණය දින තුනකට පමණ සෑහෙනු ඇති බවත් තවත් ගැස් මෙට්‍රික් ටොන් 3500ක් රෑගත් නෞකාවක් සඳුදා පැමිණීමට නියමිත බවත් කියැවේ .
