ඉස්ලාම් ආගම අදහන මුස්ලිම් ජාතිකයන්ට සිටින්නේ එකම දෙවියෙකි. ඒ, අල්ලාහ් දෙවියන්ය. අල්ලාහ් දෙවියන් හැර ඉස්ලාම් ආගමිකයන්ට වෙනත් කිසිදු දෙවියෙක් නොමැත. ඒ තබා බෞද්ධයන්, හින්දූන්, කතෝලිකයන් මෙන් පිළිම, ගස්-ගල් හෝ සුරුවම් හෝ අදහන්නේ නැත.
කෙසේ නමුත් අම්පාර ප්‍රදේශයේ ඇතැම් ඉස්ලාම් භක්තිකයන්ට නම් අල්ලාහ් දෙවියන් හැර තවත් දෙවියෙක් සිටී, එකම එක දෙවියෙක් සිටී. ඒ අන් කවරෙකුවත් නොව වීරසේකර දෙයියන්ය. රටම දන්නා මහජන ආරක්ෂක අමාත්‍ය සරත් වීරසේකර මහතාය.
මෙසේ පවසන්නේ අන් කිසිවෙකුත් නොව සරත් වීරසේකර මහතාමය. අද (30) පෞද්ගලික ගුවන්විදුලි නාළිකාවක උදෑසන වැඩසටහනකට සම්බන්ධ වෙමින් ඔහු මේ බව සඳහන් කළේය.
ඔහුගේ වචනවලින් කියන්නේ නම්, ‘මේ වගේ ජනප්‍රිය, රටම දන්න වැඩසටහනකදි බොරු කියන්න බෑ. අම්පාර පැත්තෙ සමහර මුස්ලිම් ජාතිකයො මට කියලා තියනවා, අල්ලාහ් දෙවියන්ට පස්සෙ අදහන එකම දෙවියන් සරත් වීරසේකර කියලා. ඒ වගේ තමයි මම මුස්ලිම් අයට උදව් කරලා තියෙන්නෙ.’
ගෝඨාභය රාජපක්ෂ විසින් විද්‍යාත්මක යැයි කියා ගනිමින් පත්කරන ලද කැබිනට් මණ්ඩලයේ සිටින අසාර්ථකම කිසිදු වෘත්තිය භාවයක් නොපෙන්වන අයෙකු ලෙස දැනටමත් මහජන ආරක්ෂක ඇමති සරත් විරසේකර පත්ව තිබේ.
ඔහු සැබැවින්ම කටයුතු කරමින් සිටින්නේ පිස්සන්ට හැතැක්ම නැති ගානටය.
