කුමාරපුරම්හි දී දෙමළ ගම්වාසින් 26 දෙනෙකු කෲර ලෙස ඝාතනය කිරීමේ 26 වන වසර අනුස්මරණය ඊයේ(පෙබරවාරි මස 11) වන දින, සිදු කෙරුණේය. ඝාතනය වූවන් අතර කාන්තාවන් සය දෙනෙක්, පිරිමින් පස් දෙනෙක් සහ ළමයින් 13 දෙනෙක් (වයස අවුරුදු 18 ට අඩු) වූහ.
එමෙන්ම ඝාතනයට ලක්වූවන් අතර ගැබිණි කාන්තාවක් සහ මරාදැමීමට පෙර සමූහ-දූෂණයට ලක් වී යැයි කියන 15 හැවිරිදි දැරියක් ද වූහ. අනෙකුත් ගම්වාසීහු 26 දෙනෙක් බරපතළ තුවාල ලැබූහ. මරාදැමූවන්ගේ සමීපතමයින් විසින් යුක්තිය ඉල්ලා මේ වසර 26ක් පුරාවටම පහන් දැල් වූහ! නමුත්, යුක්තිය ඉටුවන බවට සේයාවක් වත් මේ දූපතේ නැති වීම ම ‘දූපතේ ඛේදවාචකය’ හි තරම අවබෝධ වන්නට තවත් දේවල් අවශ්‍ය වන්නේ නැත.
(සම්පත් සමරකෝන්ගේ ෆේස් බුක් පිටුවෙනි )
