සුදර්ශණ් ඇත්තම කියයි යන ශිර්ෂ පාඨය යොදා තිබුනේ ada.lk වෙබ් අඩවිය විසින් අද පවතින යථා තත්වය ගැන ඇමති සුදර්ශණි විසින් පළකොට තිබුන අදහස් ගොනුකළ පුවතකටය.
ඉන් කියැවෙන වැදගත් කරුණක් තිබේ.
එනම් අනික් බොහෝ මැති ඇමැත්තන් ඇතුළු තවත් ලොක්කෝ ඇත්තම කථා නොකර බවය.
ඇත්ත තිත්තය. එහෙත් ඇත්ත දකින්නේ නැතිව එයට වංගුවක් ගයා යාමට නොහැකි තැනකට අප අද පත්ව සිටිමු.
ඒ තුල ඇමති සුදර්ශණිගේ මේ මැදිහත්විම සැබැවින්ම අගනේය.
ඇය විසින් පළකරන්නට යෙදුන අදහස් ada.lk වෙබ් අඩවිය විසින් මෙසේ සාරංශගත කොට තිබුණි …
කොවිඩ් නව ප්‍ර භේදය වේගයෙන් පැතිර යන බවත් මරණ වැඩිවෙමින් පවතින බවත් රාජ්‍ය අමාත්‍ය, විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පැවැසුවාය.
වසංගතය පාලනය කිරීමටනම් ජනතාව සති දෙකක කාලයක්වත් ගෙදරට වී සිටිය යුතු බවත් ඇය සඳහන් කළාය.
“මේ වසංගතයේදී අපි දකිනවා සංකූලතා තිබෙන රෝගීන්ගේ වර්ධනයක්. රෝහල් පද්ධතියට ගියාම රෝහල්වල විශල තදබදයක් තියෙනවා. ඔකිසිජන් අවශ්‍යතාව දැඩිව දැනෙනවා. උපකරණ අවශ්‍යතාව දැඩිව දැනෙනනවා.
ඊයෙත් 3500කට අධික රෝගීන් සංඛ්‍යාවක් වාර්තා වුණා. 3500ක් වාර්තා වෙනවා කියන්නේ ඒ වගේ තුන් ගුණයක් පමණ සමාජයේ ඉන්න පුළුවන්.
මේ අයගෙන් තවමත් රෝගය සමාජය තුළ පැතිරීමක් සිදුවෙනවා. අලුත් ප්‍ර භේදය සීඝ්‍රයෙන් පැතිරෙනවා. මරණ වැඩි වෙලා තිබෙනවා.
රටේ ජනතාව දැඩි සළකිල්ලෙන් කටයුතු කළ යුතුයි. අපි නිර්දේශ කරන්නේ සති දෙකකටවත් ජනතාව ගෙදරට වෙලා තියන්න.
එහෙම වුණොත් මේ රෝගය අපිට පාලනය කර ගන්න පුළුවන්. විශේෂයෙන්ම ප්‍රජා වෛද්‍ය විශේෂඥවරියක් ලෙස මම නිර්දේශ කරනවා.
මේක වසංගතයක් ඒක වසන් කළොත් අපිත් වසන් වෙලා යයි”
මුලාශ්‍රය ada.lk වෙබ් අඩවිය
