මේ දිනවල උතුරේ ජයටම වැලිජාවාරම කෙරිගෙන යමින් තිබේ. ඒ සදහා අඩුවැඩි වශයෙන් දේශපාලන රැකවරණයද තිබේ.
මේ අතර කිලිනොච්චිය මුහමාලෙයි ප්‍රදේශයේදී වැලි ජාවාරම්කරුවන් පිරිසක් අත්අඩංගුවට ගැනීමට යාමේදී ඇති වූ ගැටුමකිදී යුද හමුදාවේ වෙඩි තැබීමකිදී එක් අයෙකු මිය ගොස් ඇති බවට පලෙයි පොලිසිය පවසයි.
මුහමාලෙයි ප්‍රදේශයේ වැලි ජාවාරම්කරුවන් පිරිසක් පිළිබඳව ලැබුණු තොරතුරකට අනුව යුද හමුදා සාමාජිකයින් පිරිසක් විසින් අදාල ප්‍රදේශයේ ඊයේ (20) වැටලීමක් සිදුකර ඇති අතර එහිදී වැලි ජාවාරම්කරුවන් හා යුද හමුදා සාමාජිකයින් අතර උණුසුම් තත්වයක් හටගෙන ඇත.මෙම ගැටුමේදි යුදහමුදා සෙබළෙකු විසින් වෙඩි තැබිම හේතුවෙන් බරපතල තත්වයේ සිටි තුවාලකරු පලෙයි රෝහලට රැගෙන ගොස් ඇති අතර රොහලේදී තුවාල ලැබූ පුද්ගලයා මිය ගොස් ඇති බවට පලෙයි පොලිසිය පැවසීය.
වෙඩි වැදීමෙන් මිය ගොස් ඇත්තේ පලෙයි ප්‍රදේශයේ පදිංචි 24 හැවිරිදි ටී.රාමලිංගම් නැමති තරුණයෙකි.තරුණයාගේ මිය යාමත් සමඟ ප්‍රදේශවාසීන් විසින් එයට විරෝධය පාමින් පාරද හරස් කරමින් සිය විරෝධය පළකර තිබුණි.
මුලාශ්‍රය – ලංකාදිප
ඡායා – කිලිනොච්චි සිවා
