කොරෝනා වයිරසය හේතුවෙන් මරණයට පත්වන ශ්‍රී ලාංකික මුස්ලිම් ජාතිකයන්ගේ මෘත දේහයන් ආදාහනය නොකර භූමදානය කිරීමට අවසර ලබා දෙන ලෙස බල කරමින් ප්‍රංශයේ වෙසෙන ශ්‍රී ලාංකික මුස්ලිම් ප්‍රජාව නියෝජනය කරන ප්‍රංශ – ශ්‍රී ලංකා මුස්ලිම් සංවිධානය හා ශ්‍රී ලාංකික සංවිධාන කිහිපයක එකතුවකින් සංවිධානය කල නිහඬ උද්ඝෝෂණයක් පැරිස් නගරයේ කළාප අංක 11හී පිහිටි ඵෙතිහාසික සුප්‍රසිද්ධ රිපබ්ලික් චතුරශ්‍රයේදී (මහජන චතුරශ්‍රයේදී) 19 වෙනි සෙනසුරාදා සවස 02 සිට 05 දක්වා පැවැත් වූයේය. කොරෝනා වයිරසය හේතු කොට යුරෝපයේ රටවල මෙන් ප්‍රංශයේදී මරණයට පත්වන මුස්ලිම් ජාතිකයන්ගේ මලසිරුරු භූමදානය කිරීමට කිසිම නීතිමය බාධාවක් නොමැති වුවද ශ්‍රී ලංකාවේ දී ඒ සඳහා පනවා ඇති නීතිමය බාධාවන් ඉවත් කොට තම ආගමික හා සංස්කෘතික උරුමයනට ප්‍රමුඛතාවය ලබාදී තම සහෝදර ජනතාවගේ මෘත දේහයන් ඔවුන් උපන් මාතෘ භූමියේදී ගෞරවණිය ලෙස මිහිදන් කිරීමට අවසර ලබා දෙන මෙන් කල මෙම උද්ඝෝෂණයට ප්‍රංශයේ වෙසෙන විශාල මුස්ලිම් ජනතාවක් සහභාගිවී සිටියේය.
(සුනිල් ආනන්ද පැරීසියේ සිට)sunilanandadisney@gmail.com
