හබරණ රක්ෂිතය මැද පිහිටි දේවාලය අසල සිටි අලියෙකුගේ ඡායාරූප ගැනීමට ගිය යුක්ක්‍රේනියන් ජාතික යුවලක් ආ බව කියන මෝටර් රථයට ඒම අලියා විශාල වශයෙන් පහරදී අලාභ හානි සිදු කර ඇතැයි මින්නේරිය පොලිසිය කියයි.
මෙම යුවල පොලොන්නරුව ප්‍රදේශයේ සිට හබරණ දෙසට යමින් සිටියදී මෙම දේවාලය ආසන්නයේ මාර්ගය අසල සිටි වන අලියෙකුගේ ඡායාරූප ගැනීමට ඔවුන් ආ බව කියන මෝටර් රථය නවතා ඇත. පසුම මෙම යුවල ඡායාරූප ගන්නා අතරතුර වන අලියා කුලප්පු වී මොවුන් පැමිණි මෝටර් රථයට පහරදී ඇත.
පසුව ඒ් මොහොතේ මාර්ගයේ ගමන් ගත් ටිපර් රථ රියදුරෙකු ටිපර් රථය භාවිතයෙන් අලියා රක්ෂිතයට පලවාහැරීමට කටයුතු කර ඇත. මෙම මෝටර් රථයේ ආ බව කියන යුවල කිසිදු හානියකින් තොර ඔවුන් ලැගුම් ගෙන සිටි හබරණ ප්‍රදේශයේ ලැගුම්හලකට ආරක්ෂිතව ගොස් ඇත.
මෙම යුවල ආ බව කියන මෙම මෝටර් රථය කුලී පදනම මත ලබා ගත් වාහනයක් බවට පොලිසිය කළ මූලික පරික්ෂනවලදී අණාවරණය වී ඇත.
පසුව මින්නේරිය පොලිසිය විසින් අදාල මෝටර් රථය පොලිසියට රැගෙන ඒ්මට කටයුතු කර ඇත.
සිද්ධිය සම්බන්ධයෙන් මින්නේරිය පොලිස් ස්ථානාධිපති ප්‍රධාන පොලිස් පරික්ෂක ආර්.ඒම්.සී රත්නායක මහතා ඇතුළු නිළධාරීහු වැඩිදුර පරික්ෂණ සිදු කරනු ලබයි.
ලංකාදිප
