ඔමික්‍රෝන් මෙරටට ඇතුලුවිම වලක්වාගැනිම සදහා විධිමත් වැඩපිලිවෙලක් ඇතැයි දේශපාලකයන් විසින් කියා සිටියද සැබැවින්ම වඩාත් වැදගත් වන්නේ සෞඛ්‍ය විශේෂඥයන් තුල ඒ් ගැන ඇති තක්සේරුවයි.
කොරෝනා පැතිර යමින් තිබුන මුල් වකවානුවේ ඇමතිවරයෙකු කියා සි‌ටියේ ලංකාවට කොරෝනා ඇතුළු විය නොහැකි බවත් ගුවන් තොටුප ලේ මැසිමක් සවි කර ඇති බවත්ය.
දැන් සංවාරක ඇමති හෝ නාමල් රාජපක්ෂගේ දේශපාලන පම්පෝරි කථාවලට එහා ගිය සැබෑ සැලැස්මක් රටට ඇතිද ?
මේ ගැන වඩාත් සැලකිලිමත් විය යුතුව ඇත්තේ අසල්වැසි ඉන්දියාවෙන්ද රෝගින් හමුවි ඇති පසුබිමකය.
ඉන්දියාවෙන් පළමු ඔමික්‍රොන් වෛරස ආසාදිතයින් දෙදෙනකු අද (02) දිනයේදී වාර්තා වී ඇති බව ඉන්දීය සෞඛ්‍ය අංශ වාර්තා කර තිබේ.
වෛරසය ආසාදනය වූ එක් පුද්ගලයෙකු 66 හැවිරිදි වියෙහි පසුවන අතර, අනෙකා 46 හැවිරිදි වියෙහි පසුවන්නකු වන අතර, මේ වනවිට ඔවුන්ගේ සමීපතම ආශ්‍රිතයින් සොයා එරට සෞඛ්‍ය අංශ විමර්ශන ආරම්භ කර ඇත.
ඉන්දියාවේ වැඩිහිටි ජනගහනයෙන් 49% ක් පමණ මේ වනවිට පූර්ණ එන්නත්කරණයට ලක් කර ඇති අතර, මෙලෙස ඔමික්‍රොන් වෛරසය ආසාදිතයින් එරටින් සොයා ගනු ලැබුවේ පළමු වතාවටය
මේ වනවිට රටවල් 29ක ඔමික්‍රොන් වෛරසය සීඝ්‍රයෙන් පැතිර ගොස් ඇති අතර, එය ආසාදනය වූ පුද්ගලයින් සංඛ්‍යාව 373කි.
ලෝක සෞඛ්‍ය සංවිධානය පසුගිය 30 වැනිදා ප්‍රකාශ කළේ COVID-19ට එරෙහිව සම්පූර්ණයෙන් එන්නත් නොකළ, වයස අවුරුදු 60ට වැඩි පුද්ගලයින්, මෙම රෝගයට ගොදුරු විය හැකි පුද්ගලයින් ද ප්‍රජා සම්ප්‍රේෂණය සහිත ප්‍රදේශවලට යාම කල් දැමිය යුතු බවයි
